အလယ်သံကျော်နှင့် ဥဒေါင်း ကျေးရွာ အုပ်ချုပ်ရေးမှူးများက ဒေသခံများထံမှ ငွေညှစ်
RB News
18.5.2015
မောင်တော ။ ။ ရခိုင်ပြည်နယ်၊ မောင်တောမြို့နယ် တောင်ပိုင်း အလယ်သံကျော်နှင့် ဥဒေါင်း ကျေးရွာ အုပ်ချုပ်ရေးမှူး များက ခေါင်းစဉ် အမျိုးမျိုးတပ်၍ ဒေသခံများထံမှ ငွေညှစ်ခဲ့ကြောင်း သတင်း ရှိပါသည်။
မောင်တော မြို့နယ် တောင်ပိုင်း၊ အလယ်သံကျော် ကျေးရွာ အုပ်ချုပ်ရေးမှူး ဦးမောင်သက်နိုင်သည် အိမ်သာ ဆောက်လုပ်နေသည့် ဒေသခံ (၃) ဦးထံမှ ငွေညှစ်ခဲ့ကြောင်း ဒေသခံများက RB News သို့ပြောသည်။ မောင်တူလာ ကျေးရွာနေ ဦးနာဂူး (ခ) ဦးအာဘူလာရှိမ်း (ဘ) ဦးဇလာလ် ထံမှ ငွေကျပ် ၃ သိန်း၊ ဗျူဟာကုန်းရွာနေ ဦးဆယာဒ်အာလောမ် (ဘ) ဦးရှော်ရိုဆောင်း ထံမှ ငွေကျပ် ၃ သိန်း ၅ သောင်းနှင့် မောင်တူလာရွာနေ ဦးဖုရ်ခါန်အာမတ် (ဘ) ဦးအလီဟူဆောင်း ထံမှ ငွေကျပ် ၃ သိန်း ၅ သောင်း ညှစ်ယူခဲ့ကြောင်း ဒေသခံများက ပြောပါသည်။
လက်ထပ်ခွင့် အတွက်လည်း ငွေကျပ် ၃ သိန်းစီ ယူလျက်ရှိရာ ငွေကြေး မတတ်နိုင်သူများမှ အခက်အခဲ ကြုံလျက် ရှိပြီး၊ မောင်တူလာရွာနေ ရော်ဟီမူလ္လာ (ဘ) ဦးမာမတ် ထံမှ ငွေကျပ် ၃ သိန်းနှင့် ရှိုနာမျာ (ဘ) ဦးအာဖလူး ထံမှ ငွေကျပ် ၂ သိန်း ယူ၍ လက်ထပ်ခွင့် ခွင့်ပြုချက် ပေးခဲ့ကြောင်း သိရသည်။
အလယ်သံကျော် ကျေးရွာ အုပ်ချုပ်ရေးမှူး ဦးမောင်သက်နိုင်သည် အလယ်သံကျော် ဈေးရှေ့တွင် ဗီဒီယို ရုံတစ်ရုံနှင့် ချဲဒိုင် ဖွင့်ပြီး စီးပွားရှာခဲ့သူ ဖြစ်ပြီး ကျေးရွာ အုပ်ချုပ်ရေးမှူး ဖြစ်လာပြီးနောက် ဒေသခံ ရိုဟင်ဂျာ ရွာသားများကို ခေါင်းစဉ် အမျိုးမျိုးတပ်ကာ အဆမတန် ငွေညှစ်ခြင်း အပြင် လူကုန်ကူးမှု လုပ်ငန်းကို ဦးဆောင်၍ ၎င်းနှင့်အတူ ကျော်ဇေယျာဦး (ခ) အာဆော်ဒူလ္လာ၊ မော်လ၀ီကော်ရီးမ်၊ ဟာရှိမူလ္လာနှင့် အာယုဖ် တို့ကို ပူးပေါင်း၍ လုပ်ခိုင်းထားကြောင်း ဒေသခံများက ပြောပါသည်။ လူကုန်ကူးရာတွင် လိုက်ပါမည့်သူ တစ်ဦးထံမှ ငွေကျပ် ၆ သောင်းစီ ယူသည့် အပြင် အိမ်ထောင်စု စာရင်းမှ ပယ်ဖျက်ရန်ဟု ဆိုကာ ထပ်မံ၍ ငွေကျပ် ၅ သောင်းမှ တစ်သိန်းထိ ယူသည်ဟု ဒေသခံများက ဆိုသည်။
“အရင်တုန်းကတော့ စားနိုင်သောက်နိုင်ရုံပါ။ အုပ်ချုပ်ရေးမှူး ဖြစ်လာတဲ့နောက်မှာ ဒေသခံ ရိုဟင်ဂျာတွေဆီက ငွေညှစ်တယ်၊ မူးယစ်ဆေးဝါး အရောင်းအ၀ယ် လုပ်တယ်၊ လူကုန်ကူးတယ်၊ အခုတော့ သိန်းငါးရာ နီးပါး အကုန်အကျ ခံပြီး တိုက်ဆောက်တယ်၊ မိသားစုဝင်တွေလည်း ရွှေဝတ်တာ မနည်းမနောဘဲ၊ သူ့ရဲ့ အိမ်နဲ့ ရုံးခန်းက ၃ ဖာလုံလောက် ဝေးတာ၊ ဒါပေမယ့် ရုံးကို ကိုယ်ပိုင် စလွန်းကားနဲ့ ရုံးတက်နေတယ်။ အဲဒီတော့ ငွေဘယ်လောက် ရှာလိုက်သလဲ ဆိုတာ ခန့်မှန်းလို့ ရပါတယ်” ဟု ဒေသခံ တစ်ဦးက RB News သို့ပြောသည်။
မောင်တော မြို့နယ် တောင်ပိုင်း ဥဒေါင်း ကျေးရွာ အုပ်စုနှင့် ရွာအနီးတွင် ၂၀၀၆ ခုနှစ်မှ စ၍ တည်ထောင် ပေးခဲ့သော ရခိုင် န.တ.လ ရွာနှင့် အုပ်ချုပ်ရေး၊ စီမံခန့်ခွဲရေး အစစအရာရာမှ သီးခြားရွာ အဖြစ် တည်ရှိခဲ့သော်လည်း န.တ.လ ရွာမှ ရခိုင် အစွန်းရောက် ဦးတင်မောင်က ၂၀၁၁ ခုနှစ်တွင် သက်ဆိုင်ရာ မြို့နယ် အုပ်ချုပ်ရေးမှူး အဖွဲ့ကို ငွေကျပ် သိန်းတစ်ရာကျော် ပေးပြီး ဥဒေါင်း ရိုဟင်ဂျာရွာ၏ အုပ်ချုပ်ရေးမှူး တာဝန်ကို ရယူခဲ့သည်။
၎င်းသည် အုပ်ချုပ်ရေးမှူး ဖြစ်လာပြီးနောက် ဒေသခံ ရိုဟင်ဂျာ ရွာသားများကို မတရား သဖြင့် စွပ်စွဲမှုများ ပြုလုပ်ပြီး ငွေညှစ်နေသည့် ကာလတွင် ၂၀၁၂ ပဋိပက္ခ ဖြစ်ပွားလာခဲ့ရာ၊ ထိုပဋိပက္ခကို အခွင့်ကောင်း ယူ၍ ဒေသခံ ရိုဟင်ဂျာ ရွာသားများကို ကျွဲ၊နွား၊ တိရစ္ဆာန် သဖွယ် ဆက်ဆံလာခဲ့သည်။ ၂၀၁၂ ပဋိပက္ခတွင် န.တ.လ ရွာသားများနှင့် ပြဿနာ တစ်စုံတစ်ရာ မပေါ်ပေါက် ခဲ့သော်လည်း ရွာသား ၅၀ ဦးခန့်ကို န.စ.က ဖြင့် ဖမ်းစေခဲ့ပြီး၊ ၃၀ ဦးခန့်ထံမှ ငွေညှစ်၍ ပြန်လည် လွှတ်ပေးခိုင်းပြီး ကျန်သည့် ၂၀ ဦးကို မတရားသဖြင့် အမှုဆင်ကာ တရားစွဲဆို၍ ၁၅ ဦးကို ထောင်ဒဏ် ၁၀ နှစ်စီနှင့် ၅ ဦးကို ထောင်ဒဏ် ၅ နှစ်စီ ချမှတ်ခဲ့သည်။
၎င်းသည် ရွာသားများကို ဓါးပြတိုက်သကဲ့သို့ ငွေညှစ်ခြင်း၊ ညှဉ်ပန်းနှိပ်စက်ခြင်းနှင့် ၎င်းကိုယ်တိုင် လူကုန်ကူးမှုတွင် ပါဝင်ခြင်းများကို RB News တွင် အချိန်နှင့် တပြေးညီ ရေးသား ဖော်ပြခဲ့သည်။ ၎င်း၏ လုပ်ရပ်များကြောင့် ၂၀၁၄ ခုနှစ် နှစ်ဆန်းပိုင်းတွင် တာဝန်မှ ရပ်စဲခြင်း ခံခဲ့ရသည်။ သို့သော်လည်း မြို့နယ် အုပ်ချုပ်ရေးရုံးသို့ လစဉ် ငွေကျပ် ၁၀ သိန်း လာဘ်ငွေ ပေး၍ ၎င်း၏ ယောက်ဖ တော်စပ်သူကို အုပ်ချုပ်ရေးမှူး အဖြစ် ရုပ်ပြကာ တစ်နှစ်နီးပါး ယာယီ တာဝန် ထမ်းဆောင် စေခဲ့သည်။
လွန်ခဲ့သည့် မတ်လတွင် ခရိုင်နှင့် မြို့နယ် အုပ်ချုပ်ရေး အဖွဲ့မှ ဥဒေါင်း န.တ.လ ရွာ၌ အိမ်ခြေ ၇၀ နီးပါးမှ ဆယ်အိမ်မှူး (၇) ဦးကို ရွေးချယ် မဲခွဲရာတွင် ဦးမောင်သောင်းခင် ဆိုသူက မဲအများဆုံးဖြင့် မတ်လ ဒုတိယပတ်မှ စ၍ ဥဒေါင်း ကျေးရွာ အုပ်ချုပ်ရေးမှူး ဖြစ်လာခဲ့သည်။ ယခုအခါ အုပ်ချုပ်ရေးမှူး ဦးမောင်သောင်းခင်သည် ဦးတင်မောင်၏ တပည့်များ ဖြစ်ခဲ့သည့် ဦးအဒူလ္လာ (ဘ) ဦးကာလာမျာ၊ ဦးကော်ရီမူလ္လာ (ဘ) ဦးဘော်ဒီရောန်၊ ဦးဖယာဇူလ္လာ (ဘ) ဦးဘော်ဆိရ်နှင့် ဦးအာမာနူ (ဘ) ဦးမော်တီရောန် တို့ကို အသုံးချ၍ ဒေသခံ ရွာသားများထံမှ နည်းလမ်း မျိုးစုံဖြင့် ငွေညှစ်လျက် ရှိကြောင်း ဒေသခံများက RB News သို့ပြောသည်။
မေလ (၁၀) ရက်နေ့က ဥဒေါင်းမြောက်ရွာနေ ဦးအဒူရှကူရ် (ဘ) ဦးမော်တီရောန်၏ နှစ်နှစ်သား မွေးစား ကလေးငယ် ရောဂါဖြင့် သေဆုံး သွားခြင်းကို လူသတ်မှုဟု လုပ်ကြံ စွပ်စွဲ၍ ဦးအဒူရှကူရ် ထံမှ ငွေကျပ် ၂ သိန်း၊ အိမ်နီးချင်းများ ဖြစ်သည့် ဦးဒီလူး (ဘ) ဦးဆွေတာမတ် ထံမှ ငွေကျပ် တစ်သောင်း၊ ဦးဆီရာဇူ (ဘ) ဦးအဇူမူလ္လာ ထံမှ ငွေကျပ် ၈ သောင်း၊ ဦးနူရ်မာမတ် ထံမှ ငွေကျပ် ၂ သောင်း၊ သဂြိုဟ်ရာတွင် ၀တ်ပြုပေးသူ မော်လ၀ီ နော်ဆောရ်အုလ္လာ (ဘ) ဦးမာမတ်ဆုလ်တာန် ထံမှ ငွေကျပ် ၁ သိန်း ၅ သောင်း ညှစ်ယူခဲ့ကြောင်း ဒေသခံ တစ်ဦးက ပြောပါသည်။
မလ (၁၃) ရက်နေ့တွင် ဥဒေါင်း မြောက်ရွာနေ နူရ်မာမတ် (ဘ) ဦးဂျော်မိလ် (အသက် ၂၀ နှစ်) က ဦးလေရူး (ဘ) ဦးမူဇေ့ရ်၏ သမီးဖြစ်သူနှင့် တရားမ၀င် ပေါင်းသင်းပြီး ကိုယ်ဝန် ဖျက်ချသည်ဟု လုပ်ကြံ စွပ်စွဲ၍ နူရ်မာမတ်ကို ဖမ်းဆီးကာ န.တ.လ ရွာရှိ အုပ်ချုပ်ရေးမှူး ဦးမောင်သောင်းခင်၏ နေအိမ်တွင် ချုပ်နှောင်ထားခဲ့ပြီး ငွေကျပ် ၅ သိန်း ညှစ်ယူ၍ ပြန်လည် လွှတ်ပေးခဲ့ကြောင်း အဆိုပါ ဒေသခံက ပြောပါသည်။
