အလယ်သံကျော်မှ နယ်ခြားစောင့် ရဲများက ဒေသခံများ ထံမှ ငွေညှစ်
MYARF
RB News
9.5.2015
မောင်တော ။ ။ ရခိုင်ပြည်နယ်၊ မောင်တော မြို့နယ် တောင်ပိုင်း အလယ်သံကျော် ကျေးရွာရှိ နယ်ခြားစောင့် ရဲတပ်ဖွဲ့ စခန်း (နယ်မြေ ၇ စခန်း) မှ နယ်ခြားစောင့် ရဲအချို့သည် မေလ (၆) ရက်နေ့ ည ၉ နာရီ အချိန်တွင် ကားတစ်စီးဖြင့် ကံပူး ကျေးရွာသို့ သွားရောက်၍ ကျေးရွာ အုပ်ချုပ်ရေးမှူး ဦးဆော်ယာဒ်အာလောမ်ကို ခေါ်ယူပြီး အုပ်ချုပ်ရေးမှူး ရုံးရှေ့တွင် စောင့်နေခဲ့သည်။ ထိုအချိန်တွင် ၎င်းကျေးရွာမှ အုစ်မာန် (ဘ) မော်လ၀ီ အဒူလ်အလီ (အသက် ၁၈ နှစ်) နှင့် မာမတ်ရော်ရှိတ် (အသက် ၂၀ နှစ်) တို့သည် ဆိုင်မှ ကွမ်းယာနှင့် ဆေးလိပ်များ ၀ယ်ယူ၍ အိမ်ပြန်နေစဉ် နယ်ခြားစောင့် ရဲများက ညမထွက်ရ အမိန့်ကို ဖောက်ဖျက်၍ အပြင်ထွက်သည်ဟု ဆိုကာ ဖမ်းဆီးပြီး ငွေတောင်းရာ လူငယ် နှစ်ဦးက ညမထွက်ရ အမိန့်မှာ ည (၁၁) နာရီမှ စကြောင်း ပြောဆိုသော်လည်း နယ်ခြားစောင့် ရဲများက ညမထွက်ရ အမိန့် ည (၉) နာရီသို့ ရှေ့ထိုး ထားသည်ဟု လိမ်ညာ ပြောဆို၍ လူငယ်နှစ်ဦးထံမှ ငွေကျပ် တစ်သောင်းတန် ကြက်ဖ နှစ်ကောင်ကို ငွေအစား ညှစ်ယူခဲ့သည်။
ထို့နောက် ဦးမာဒူလ္လာ (ဘ) ဦးအဒူဇော်လိလ် (အသက် ၃၂ နှစ်) သည် ညစာစားပြီး ကွမ်းယာ ၀ယ်ရန် ထွက်လာရာ ၎င်းကိုလည်း ဖမ်းဆီးပြီး ကြက်ဖ တစ်ကောင် ညှစ်ယူခဲ့သည်။ နယ်ခြားစောင့် ရဲများက ၎င်းတို့ ရရှိသည့် ကြက်ဖ ၃ ကောင်ကို အုပ်ချုပ်ရေးမှူး ရုံးတွင် ချက်ပြုတ် ခိုင်းပြီး လမ်းပေါ်တွင် ဆက်လက်၍ စောင့်နေခဲ့သည်။ ည ၁၀ နာရီ အချိန်တွင် ဦးမာမတ်ဇူဘိုင်ရ် (ဘ) ဦးနူရိုဇာမာ (အသက် ၃၂ နှစ်) သည် ဓါတ်မီးထိုး၍ လမ်းလျှောက် သွားနေစဉ် နယ်ခြားစောင့် ရဲများ ခေါ်ယူ၍ စစ်ဆေးမည်ဟု ဆိုကာ ၎င်း၏ အင်္ကျီအိတ်ထဲသို့ ဘင်္ဂလား ဆင်းမ်ကဒ် တစ်ကဒ် ထည့်သွင်း၍ ဘင်္ဂလား ဆင်းမ်ကဒ် မိသည်ဟု ဆိုကာ ငွေကျပ် နှစ်သိန်း ညှစ်ယူခဲ့ကြောင်း ဒေသခံ တစ်ဦးက RB News သို့ပြောသည်။
ထို့နောက် ချက်ပြုတ်ထားသည့် ကြက်ဖများကို စားသုံးပြီး ည ၁၂ နာရီ အချိန်တွင် ရွာထဲသို့ ၀င်ရောက်သွားရာ အလယ်ရွာ လမ်းကြားသို့ ရောက်သည့်အခါ ဦးမာမတ်ရော်ဖိခ် (ဘ) ဦးဖူခူန္နားက ရာသီဥတု ပူပြင်း၍ အိမ်ရှေ့တွင် လေခံနေသည်ကို တွေ့၍ အကြောင်းမဲ့ ဖမ်းဆီး၍ ငွေကျပ် ငါးသောင်း ညှစ်ယူခဲ့သည်။
မေလ (၅) ရက်နေ့ ည (၉) နာရီ အချိန်တွင်လည်း အဆိုပါ နယ်ခြားစောင့် ရဲများသည် ကံပူးကျေးရွာသို့ သွားရောက်ပြီး စောင့်နေစဉ် ဆိုင်ကယ် နှစ်စီးဖြင့် ဥဒေါင်း ကျေးရွာမှ အလယ်သံကျော် ကျေးရွာ အုပ်စု လေယာဉ်ကွင်း (မဒီနာ ဖာရာ) ရှိ မိမိတို့၏ နေအိမ်များသို့ ပြန်သွား နေသည့် လူငယ် (၄) ဦးကို အကြောင်းမဲ့ ဖမ်းဆီး၍ ငွေကျပ် နှစ်သိန်း ညှစ်ယူခဲ့သည်။
နယ်ခြားစောင့် ရဲများကို ရွာထဲသို့ လုံးဝ မ၀င်ရန် အထက် အရာရှိကြီးများက အမိန့် ထုတ်ပြန် ထားသော်လည်း နယ်ခြားစောင့်ရဲများက ၎င်းတို့၏ အထက် အရာရှိ အမိန့်ကို မနာခံဘဲ ရွာထဲသို့ ၀င်ရောက်၍ နေ့စဉ်နှင့် အမျှ သောင်းကျန်း လျက်ရှိသည်ဟု ဒေသခံများက ပြောပါသည်။
