နောက်ဆုံးသတင်း/ဆောင်းပါးများ

ရခိုင် အခြေခံ မဲဆန္ဒရှင်စာရင်း ထုတ်ပြန်



ဘီဘီစီမြန်မာပိုင်း
25.6.2015

ရခိုင် ပြည်နယ် မဲစာရင်းကို ရခိုင် ပြည်နယ် ရွေးကောက်ပွဲ ကော်မရှင်က တနင်္လာနေ့က ထုတ်ပြန် ခဲ့ရာမှာ ပြည်နယ် အတွင်း မဲပေးခွင့် ရှိသူ လူပေါင်း တစ်သန်း သုံးသိန်းကျော် ရှိတယ်လို့ သိရပါတယ်။

အခု ထုတ်ပြန်တဲ့ အခြေခံ မဲစာရင်းထဲမှာ လက်ရှိ ဒုက္ခသည် စခန်းတွေမှာ ရှိနေတဲ့ နိုင်ငံသား၊ ဧည့်နိုင်ငံသား၊ ပြုနိုင်ငံသားတွေ စာရင်းတွေ မပါသေးဘူးလို့ သိရပါတယ်။

သူတို့ မဲစာရင်းထဲမှာ ပါဝင်ခွင့် ရမရ ရွေးကောက်ပွဲ တရားဝင် သတ်မှတ်ရက် ကြေညာပြီး ထုတ်ပြန်တဲ့ မဲစာရင်း မှာမှ သိနိုင်မယ်လို့ ရခိုင်ပြည်နယ် ရွေးကောက်ပွဲ ကော်မရှင် အရာရှိ ဦးသူရိန်ထွန်း က ပြောပါတယ်။

အခု ထုတ်ပြန်တဲ့ အခြေခံ မဲစာရင်းကတော့ ရခိုင် ပြည်နယ်အတွင်း နေထိုင်သူတွေ ဖြစ်ပြီး နိုင်ငံသားကတ် ကိုင်ဆောင်သူ ဗုဒ္ဓဘာသာတွေရော၊ အစ္စလာမ် ဘာသာဝင်တွေရော ပါဝင်တယ်လို့ သိရပါတယ်။

လက်ရှိ ရခိုင် ပြည်နယ်အတွင်း ဝှိုက်ကတ်တွေကို ပြန်အပ်တဲ့ လူပေါင်း သုံးသိန်းကျော်ကို နိုင်ငံသား စိစစ်ခံရမယ့် အစိမ်းရောင် ကတ်တွေကို ထုတ်ပေးနေပါတယ်။

အဲဒီ အစိမ်းရောင်ကတ် ကိုင်ဆောင်သူတွေ ကတော့ မဲထည့်ခွင့် မရသေးပါဘူး။

အခု အခြေခံ မဲစာရင်း ထုတ်ပြန်တဲ့ ရည်ရွယ်ချက်က ရွေးကောက်ပွဲအတွက် အပြီးသတ် ထုတ်ပြန်တာ မဟုတ်ဘဲ ပြင်ဆင် ဖြည့်စွက် နုတ်ပယ်တာတွေ လုပ်နိုင်တယ်လို့ ဦးသူရိန်ထွန်းက ပြောပါတယ်။

ရခိုင်ပြည်နယ်အတွင်း မဲစာရင်း အရှုပ်အထွေးတွေ ရှိနေတဲ့အတွက် ၂ဝ၁၅ ရွေးကောက်ပွဲမှာ ဆူပူမှုတွေ ဖြစ်နိုင်တယ်လို့ ခန့်မှန်းနေကြပြီး အများ ပြည်သူကြား စိုးရိမ်နေကြတယ်လို့ သိရပါတယ်။

Comment ရေးရန်

Rohingya Exodus