ကျောင်းလက်ခံရာတွင် လူမျိုး ဘာသာ ခွဲခြားစော်ကားခြင်း အပြင် ရိုက်နှက်ခြင်းပါ ပြုလုပ်
MYARF
RB News
3.6.2015
မောင်တော ။ ။ ရခိုင်ပြည်နယ်၊ မောင်တောမြို့နယ် မြောက်ပိုင်း၊ ကြိမ်ချောင်း အ.ထ.က ကျောင်းအုပ်ကြီး ဦးကျော်သိန်းက ကျောင်းသားများ လက်ခံရာတွင် ကျောင်းသားများနှင့် မိဘများကို လူမျိုး ဘာသာ ခွဲခြား၍ စော်ကားဆဲဆိုသည့် အပြင် ရိုက်နှက်ခြင်းများပါ ပြုလုပ်လျက် ရှိသည်။
၂၀၁၅ ခုနှစ် ပညာသင်နှစ်အတွက် ကျောင်းသားများ လက်ခံရာတွင် ကြိမ်ချောင်း အ.ထ.က ကျောင်းအုပ်ကြီးက ရှစ်တန်းအောင်၍ ကိုးတန်းတက်မည့် ကျောင်းသားများကို ၎င်းကိုယ်တိုင် လက်ခံလျက် ရှိသည်။ ကျောင်းသားများ ကျောင်းအပ်ရာတွင် မိဘကိုယ်တိုင် လာရောက်၍ သားသမီးများကို ကျောင်းအပ်ရသည်။ ကျောင်းအုပ်ကြီး ဦးကျော်သိန်းက ရှစ်တန်းအောင်ထားသည့် ကျောင်းသား အချို့ကို အောင်စာရင်းတွင် အမည်မပါဟု ဆိုကာ ကျောင်းလက်မခံဘဲ ဆဲဆို စော်ကား ပြောဆိုလျက် ရှိကြောင်း ဒေသခံများက RB News သို့ပြောသည်။
သားသမီးများ ကျောင်းအပ်ရန် အတူလိုက်ပါသွားသည့် မိဘများကို ပညာသင်ကြားဖူးခြင်း ရှိ/မရှိကို မလိုအပ်ဘဲ မေးမြန်းပြီး၊ ပညာမသင်ကြားဘူးသော မိဘများကို “နွားကုလား၊ ခွေးကုလား၊ အသုံးမကျတဲ့ ကုလား” ဟု ဆဲဆို၍ စော်ကားကြောင်း ကျောင်းသားမိဘ တစ်ဦးက RB News သို့ပြောသည်။ ထို့အပြင် အချို့ ကျောင်းသားများကို မိဘများ ရှေ့မှောက်တွင် ရိုက်နှက်သည့် အပြင်၊ အချို့မိဘများကိုလည်း သားသမီးများ ရှေ့မှောက်တွင် ပါးရိုက်၊ လက်သီးဖြင့်ထိုး၊ ဖိနပ်ဖြင့် ပါးရိုက်ခြင်း အထိ ပြုလုပ်ကြောင်း အဆိုပါ ကျောင်းသားမိဘက ပြောပါသည်။
အချို့ကျောင်းသားများကို ရှစ်တန်း စာမေးပွဲ အောင်မြင်ခြင်း မရှိခဲ့ဟု ဆိုကာ လျှောက်လွှာများ စုတ်ပြဲကာ ဆူပူ ကြိမ်းမောင်းသည်ဟု ဆိုသည်။ ကျောင်းအုပ်ကြီး ဦးကျော်သိန်းက စော်ကား၍ ရိုက်နှက်ခြင်းကို ခံရသည့် ကျောင်းသား အချို့မှာ --
(၁) အာဆာတ်ခါန် (ဘ) ဦးနူရ်အာလောမ် -- လောင်းဒုံး ကျေးရွာအုပ်စု၊ ဖောကီတောင်
(၂) ဂျာဟာန်ဂိရ် (ဘ) ဦးအီဆုပ်အာလီ -- အောင်စစ်ပြင် ကျေးရွာ
(၃) အာဘူတာလဲခ် (ဘ) ဦးရော်ရှိတ်အာမတ် -- အောင်စစ်ပြင် ကျေးရွာ
(၄) မူရှော်ရော်ဖ် (ဘ) ဦးအဒူလ်ဟိုင်ရ် -- အောင်စစ်ပြင် ကျေးရွာ
(၅) အေဆာန်အုလ္လာ (ဘ) ဦးအဒူလ်ဟိုင်ရ် -- အောင်စစ်ပြင် ကျေးရွာ
ရိုက်နှက်ခံရသည့် ကျောင်းသား မိဘ အချို့မှာ --
(၁) မနုနုခင်နှင့် မနုနုအေး တို့၏ ဖခင် ဦးဒိလ်မာမတ် -- ရေတွင်းပြင် ကျေးရွာ
(၂) ဦးအာဂျီမုလ်ဟာဆောင်း (ဘ) ဦးဘော်ရှော်ရ် -- ကြိမ်ချောင်း အလယ်ရွာ
ဟိန္ဒူလူမျိုး တစ်ဦး ဖြစ်သူ မောင်မောင်တင် (ဘ) ဦးဘာဘုလ္လာကို ဟိန္ဒူလူမျိုး ဖြစ်ရက်နှင့် ရခိုင်နာမည် ထားသည်ဟု ဆိုကာ ရိုက်နှက်ခြင်း ဖြစ်သည်ဟု သိရသည်။ ထို့အပြင် ရှစ်တန်း မအောင်ခဲ့ဟု ဆိုကာ လျှောက်လွှာကို စုတ်ပြဲ၍ ရိုက်နှက် ကြိမ်းမောင်းခဲ့သည်။ ထိုကဲ့သို့ ကျောင်းသား အမြောက်အမြားကို ကျောင်းလက်မခံဘဲ ရိုင်းရိုင်းစိုင်းစိုင်း ဆဲဆို ကြိမ်းမောင်း ရိုက်နှက်ခဲ့ကြောင်း ကျောင်းသား မိဘများက ပြောပါသည်။
ကြိမ်ချောင်း အ.ထ.က ကျောင်းတွင် တာဝန် ထမ်းဆောင် နေသော ကျောင်းဆရာ ဦးကာမာလ်သည် အခြား ရခိုင်လူမျိုး ဆရာမ နှစ်ဦးနှင့် အတူ အခန်းတစ်ခန်းတွင် ထိုင်၍ ကျောင်းသားများ ကျောင်းလက်ခံနေစဉ် ကျောင်းအုပ်ကြီး ဦးကျော်သိန်းက “ဟေ့ နွားကုလား၊ နှာဘူးကုလား၊ ဘာကြောင့် ဆရာမတွေနဲ့ အတူ တစ်ခန်းထဲ ထိုင်နေလဲ” ဟု ဆဲဆို စော်ကား၍ ကျောင်းဆရာ ဦးကာမာလ်ကို ထိုအခန်းမှ နှင်ထုတ်ခဲ့သည်။
ထိုသို့ ကျောင်းသားများနှင့် ကျောင်းသား မိဘများကို ရိုင်းစိုင်းစွာ ဆဲဆို ရိုက်နှက် ဆက်ဆံရခြင်းမှာ နိုင်ငံတော်က အခြေခံပညာကို အခမဲ့ သင်ကြားမည်ဟု ကြေညာခဲ့သဖြင့် ကျောင်းဝင်ကြေး မကောက်ခံနိုင်တော့ကြောင့် ရိုဟင်ဂျာ ကျောင်းသားများကို ကျောင်းမနေတော့အောင် စိတ်ဓါတ် စစ်ဆင်ရေး ဆင်နွဲနေသည်ဟု ကျောင်းသား မိဘများက ဝေဖန် ပြောဆိုနေကြသည်။ ကျောင်းအုပ်ကြီး ဦးကျော်သိန်းသည် ရခိုင်ပြည်နယ်၊ တောင်ကုတ်မြို့ခံ တစ်ဦး ဖြစ်ပြီး ၉၆၉ အဖွဲ့ဝင် တစ်ဦးလည်း ဖြစ်သည်ဟု သိရသည်။ ၎င်းသည် ပညာတတ် တစ်ဦး ဖြစ်သော်လည်း ၎င်း၏ အပြုအမှုမှာ ပညာမဲ့ လူရိုင်း တစ်ဦးလို ဖြစ်နေသည်။
၎င်းသည် ကြိမ်ချောင်းဈေး မီးလောင်မှုတွင် အဓိက ဦးဆောင်သူ တစ်ဦးလည်း ဖြစ်သည်။ ၂၀၁၂ ခုနှစ် ပဋိပက္ခတွင် တောင်ကုတ်မြို့မှ ရခိုင်အကြမ်းဖက် သောင်းကျန်းသူ ၉၆၉ အဖွဲ့ဝင် ရခိုင်လူငယ်များကို ခေါ်ဆောင်လာပြီး၊ ကြိမ်ချောင်း တောင်ပေါ် ကျောင်းတိုက် (ဘုန်းကြီးကျောင်း) တွင် ထားရှိခဲ့သည်။ လောင်းဒုံး ကျေးရွာအုပ်စု၊ ဆင်သေပြင်နှင့် ငါးစကြူး ကျေးရွာအုပ်စု ပန်းမြိုင်ရွာ ရွာလုံးကျွတ် မီးလောင်မှုတွင်လည်း ပါဝင်ပတ်သက် နေသည်ဟု ဒေသခံများက ပြောပါသည်။
၎င်းသည် ၂၀၁၂ ခုနှစ် ပဋိပက္ခ ဖြစ်ပြီး နောက်ပိုင်းတွင် မောင်တော မြို့နယ် မြောက်ပိုင်း၊ ကြိမ်ချောင်း ကျေးရွာတွင် ဆူပူ အကြမ်းဖက်မှု ဖြစ်အောင် အကြိမ်ကြိမ် ကြိုးစားခဲ့သည်။ သို့သော် စစ်တပ်၏ ထိန်းချုပ်မှုကြောင့် မအောင်မြင်ခဲ့ကြောင်း ဒေသခံများက ပြောပါသည်။
၎င်းသည် စာသင်ခန်းတွင် စာသင်ကြား ပေးနေသည့် ဆရာ/မ များကိုလည်း ကျောင်းသားများ ရှေ့မှောက်တွင် ညစ်ညမ်း ကြမ်းတမ်းစွာ ဆက်ဆံလေ့ ရှိသည်။ ၎င်း၏ လုပ်ရပ်များကို အမြဲအားပေးနေသူမှာ ကြိမ်ချောင်း ကျေးရွာ အုပ်ချုပ်ရေးမှူး ဦးကိုကိုအောင်နှင့် စာရေး၊ ကြိမ်ချောင်း ရဲစခန်းမှ ရဲဘော် ဇော်ဇော်အောင် တို့ဖြစ်သည်။ ၎င်းသည် ကြိမ်ချောင်း အ.ထ.က တွင် ဆက်လက် တာဝန်ထမ်းဆောင် နေမည် ဆိုပါက ၎င်းကျောင်းတွင် ရိုဟင်ဂျာ ကျောင်းသားများ ပညာသင်ကြား နိုင်မည် မဟုတ်ကြောင်း ဒေသခံများက ပြောပါသည်။
နိုင်ငံတော်က တိုင်းပြည် ဖွံ့ဖြိုးတိုးတက်ရေး အတွက် ပညာ မသင်မနေရ စနစ် ကျင့်သုံးနေချိန်တွင် ကျောင်းအုပ်ကြီး ဦးကျော်သိန်း၏ အပြုအမှုမှာ နိုင်ငံတော် မူဝါဒနှင့် ဆန့်ကျင်ဖက် ဖြစ်နေသည်။ သို့ဖြစ်၍ ကျောင်းသား မိဘများက သက်ဆိုင်ရာ တာဝန်ရှိသူများက ကျောင်းအုပ်ကြီး ဦးကျော်သိန်းအား စီစစ် အရေးယူပေးပါရန် အထူး လိုလားသည်ဟု ပြောပါသည်။
