နောက်ဆုံးသတင်း/ဆောင်းပါးများ

လှေစီး ဒုက္ခသည် ၁၅၀ ကို မနက်ဖြန် ဘင်္ဂလားဒေ့ရ်ှ လွှဲယူမည်

ဘင်္ဂလားဒေ့ရှ် နိုင်ငံသား ရွှေ့ပြောင်း လှေစီး ဒုက္ခသည် များကို မေလ ၂၃ ရက်နေ့က အလယ်သံကျော် ကျေးရွာမှာ တွေ့ရစဉ်

7.6.2015

ရခိုင်ပြည်နယ် တောင်ပြိုလက်ဝဲ မြို့နယ်ခွဲမှာ ယာယီ ကယ်တင် ထားတဲ့ ဘင်္ဂလားဒေ့ရ်ှ နိုင်ငံသား ၂၀၀ ထဲက ၁၅၀ ကို မနက်ဖြန် လွှဲပြောင်း ယူမယ်လို့ ဘင်္ဂလား ဒေ့ရ်ှ နယ်ခြားစောင့် တပ်ဖွဲ့က ဒီနေ့ အကြောင်းကြား ထားတယ်လို့ သိရပါတယ်။

ကျန်ရှိတဲ့သူတွေ ကိုလည်း ဆက်လက် လွှဲပြောင်းပေး နိုင်အောင် ဆောင်ရွက် နေတယ်လို့ ရခိုင်ပြည်နယ် လူဝင်မှုကြီး ကြပ်ရေးနဲ့ အမျိုးသား မှတ်ပုံတင်ရေး ဦးစီးဌာန ညွှန်ကြားရေးမှူး ဦးခင်စိုး က ပြောပါတယ်။

"ဟိုဖက်ကတော့ မြန်မာစံတော်ချိန် ၈ ရက်နေ့ နံနက် ၁၁ နာရီမှာ လွှဲပြောင်းလက်ခံမှု လုပ်ငန်းဆောင်ရွက်သွား မည်ဖြစ်ကြောင်းပေါ့၊ တရားဝင်ပေးပို့သော အကြောင်းကြား စာကို မောင်တောအနေဖြင့်လက်ခံရရှိပါတယ်၊ သူတို့နိုင်ငံကနေ လောလောဆယ် ၁၅၀ ကိုလွှဲပြောင်းလက်ခံတယ်ဆိုတာ သူတို့ကအကြောင်း ကြားတာပါ၊ ကျန်တဲ့ ၅၀ ကိုလည်း အမြန်ဆုံးလက်ခံဆောင်ရွက်ပေးဖို့ ကျနော်တို့ဖက်က ညှိနှိုင်းဆောင်ရွက်နေပါတယ်"

ပြီးခဲ့တဲ့ မေလ ၂၁ ရက်နေ့က မောင်တောမြို့နယ်အနီး မြန်မာ့ရေပိုင်နက်အတွင်းမှာ ဘင်္ဂလားဒေ့ရ်ှနိုင်ငံသား ၂၀၀ ပါဝင်တဲ့ စက်လှေတစ်စီးကို ရေတပ်က တွေ့ရှိ ခဲ့တဲ့အတွက် ကယ်တင်ထားပြီး တောင်ပြိုလက်ဝဲမြို့နယ်ခွဲကို ပို့ဆောင်ထားတာပါ။

ဒါ့အပြင် မေလ ၂၉ ရက်နေ့က ဧရာဝတီတိုင်းဒေသကြီး ဖျာပုံမြို့နယ်အနီးမှာ ကယ်တင် ထားတဲ့ လှေစီးဒုက္ခသည် ၇၀၀ ကျော်ကိုလည်း ရခိုင်ပြည် နယ် မောင်တောမြို့နယ်မှာ ယာယီနေရာချထားပြီး မြန်မာနိုင်ငံဆိုင်ရာ ဘင်္ဂလားဒေ့ရ်ှသံအမတ်ကြီးကိုယ်တိုင် မနေ့က သွားရောက်စစ်ဆေးခဲ့တယ်လို့ သိရပါတယ်။

အဲဒီ ၇၀၀ ကျော်ကို ရခိုင်ပြည်နယ်မှာ ယာယီကယ်ဆယ်ထားတာကို မကျေနပ် တာကြောင့် လာမယ့် ဇွန်လ ၁၄ ရက်နေ့မှာ ရခိုင်ပြည်နယ်တစ်ခုလုံး ကန့်ကွက် ဆန္ဒပြသွားဖို့ စစ်တွေမြို့ အရပ်ဘက်လူမှုအဖွဲ့အစည်းတွေက မနေ့က ဆုံးဖြတ်ခဲ့ကြပါတယ်။

Comment ရေးရန်

Rohingya Exodus