မောင်တောတွင် ပုံစံ (၄) ထုတ်သူများကို အစိမ်းနုရောင် ကဒ်ပြားများ အတင်းအဓမ္မ ထုတ်ပေး

မောင်တော ။ ။ ရခိုင်ပြည်နယ်၊ မောင်တော မြို့နယ်တွင် ပုံစံ (၄) သွားထုတ်သူ ရိုဟင်ဂျာများကို မြို့နယ် လ.၀.က ရုံးမှ ၀န်ထမ်းများက နိုင်ငံသား စီစစ်ခံရမည့်သူ၏ သက်သေခံ ကဒ်ပြား (ခေါ်) အစိမ်းနုရောင် ကဒ်ပြားကို အတင်းအဓမ္မ ထုတ်ပေးခဲ့ကြောင်း သတင်း ရရှိပါသည်။ 

ဇွန်လ (၁၆) ရက်နေ့တွင် ဘူးသီးတောင် မြို့သို့ ခေတ္တ သွားလိုသည့် ရိုဟင်ဂျာများသည် မြို့နယ် လ.၀.က ရုံး၌ ပုံစံ (၄) ခေါ် ယာယီ ခရီးသွားခွင့် လက်မှတ် သွားထုတ်ယူရာတွင် မြို့နယ် လ.၀.က ရုံးမှ ၀န်ထမ်းများက ခရီးသွားလိုသူများကို ပုံစံ (၄) ထုတ်လိုလျှင် ယာယီ သက်သေခံ ကဒ်ပြား အပ်နှံပြီး ရရှိသော လက်ခံ ပြေစာကို အပ်ပြီး နိုင်ငံသား စီစစ်ခံရမည့်သူ၏ သက်သေခံ ကဒ်ပြား (ခေါ်) အစိမ်းနုရောင် ကဒ်ပြားကို ထုတ်ယူမှသာ ပုံစံ (၄) ထုတ်ပေးနိုင်မည် ဖြစ်သည်ဟု ဆိုကာ အတင်းအဓမ္မ ထုတ်ပေးခဲ့သည်။ အချို့သော ခရီးသွားလိုသူများက ထိုအစိမ်းနုရောင် ကဒ်ပြားကို လက်မခံလိုသော်လည်း မြို့နယ် လ.၀.က မှ ၀န်ထမ်းများက အတင်း အဓမ္မ ထုတ်ပေးခဲ့ခြင်း ဖြစ်သည်။ 

နိုင်ငံသား စီစစ်ခံရမည့်သူ၏ သက်သေခံ ကဒ်ပြား ခေါ် အစိမ်းနုရောင် ကဒ်ပြားသည် မြန်မာနိုင်ငံ အတွင်း နှစ်နှစ် နေထိုင်ခွင့် ပေးသည့် သဘောဖြင့် ထုတ်ပေးနေခြင်း ဖြစ်သဖြင့် ရိုဟင်ဂျာ တစ်မျိုးသားလုံးက ထိုကဒ်ပြားကို လုံးဝ လက်ခံမည် မဟုတ်ကြောင်း ပြောဆိုနေကြသည်။ ရိုဟင်ဂျာများသည် ယခု ရခိုင်ပြည်နယ် ခေါ် အာရ်ကာန် ဒေသတွင် နှစ်ပေါင်းများစွာ ကတည်းက ဘိုးစဉ်ဘောင်ဆက် အစဉ်တစိုက် နေထိုင်လာသော လူမျိုး ဖြစ်သောကြောင့် ယခု အစိုးရက ထုတ်ပေးနေသော နိုင်ငံသား စီစစ်ခံရမည့်သူ၏ သက်သေခံ ကဒ်ပြား ခေါ် အစိမ်းနုရောင် ကဒ်ပြားကို ကိုင်ဆောင်ရန် မလိုအပ်ကြောင်း ဥပဒေ ကျွမ်းကျင်သူများက မှတ်ချက် ပေးသည်။ ထိုကဒ်ပြားသည် နိုင်ငံခြားသား များကိုသာ ယာယီ နေထိုင်ခွင့် ပေးသည့် သဘောဖြင့် ထုတ်ပေးရသည့် ကဒ်ပြား ဖြစ်သည်။ ဒီမိုကရေစီ အစိုးရခေတ်တွင် လူအများစု၏ ဆန္ဒနှင့် ဆန့်ကျင်လျက် ထိုကဲ့သို့ ဥပဒေမဲ့ ထုတ်ပေးနေသော ကဒ်ပြားကို လက်မခံလိုသော ပြည်သူများကို အတင်း အဓမ္မ ပြုကျင့်နေခြင်းမှာ ၂၀၀၈ ခုနှစ် ဖွဲ့စည်းပုံ အခြေခံ ဥပဒေနှင့်လည်း ကိုက်ညီမှု မရှိကြောင်း ဥပဒေ ကျွမ်းကျင်သူများက မှတ်ချက် ပြုပါသည်။ 

ဇွန်လ (၁၅) ရက်နေ့တွင် ခရိုင် လ.၀.က မှူးနှင့် မြို့နယ် လ.၀.က မှူးတို့ ဦးဆောင်သော အဖွဲ့သည် အငြိမ်းစား ရှေ့နေကြီး ဦးအာမာန်အုလ္လာ၊ ပြည်နယ် လွှတ်တော် ကိုယ်စားလှယ် ဦးအောင်မျိုးမြင့် (ခ) ဦးဂျာန်ဂိရ် အပါအ၀င် မောင်တော မြို့ပေါ်မှ မြို့မိမြို့မများကို မြို့နယ် အုပ်ချုပ်ရေးမှူး ရုံးသို့ ဆင့်ခေါ်၍ နိုင်ငံသား စီစစ်ခံရမည့်သူ၏ သက်သေခံ ကဒ်ပြား ခေါ် အစိမ်းနုရောင် ကဒ်ပြားသည် ယခင်က ကိုင်ဆောင်ခဲ့သည့် ယာယီ သက်သေခံ လက်မှတ်ထက် အဆင့်မြင့်ကြောင်း၊ ထိုကဒ်ပြားကို မဖြစ်မနေ လက်ခံရမည် ဖြစ်ကြောင်း၊ လက်မခံသူများကို နည်းအမျိုးမျိုး သုံး၍ လက်ခံလာအောင် လုပ်မည် ဖြစ်ကြောင်း စသည်ဖြင့် အမျိုးမျိုး ခြိမ်းခြောက် ပြောဆိုခဲ့ကြောင်း ဒေသခံများက RB News သို့ပြောသည်။ အစည်းအဝေး တက်ရောက်ခဲ့သူ မြို့မိမြို့ဖ တစ်ဦးက ခရိုင် လ.၀.က မှူးနှင့် မြို့နယ် လ.၀.က မှူး တို့ကို ယခုပေးအပ်မည့် နိုင်ငံသား စီစစ်ခံရမည့်သူ၏ သက်သေခံ ကဒ်ပြား ခေါ် အစိမ်းနုရောင် ကဒ်ပြားသည် ယာယီ သက်သေခံ လက်မှတ်ထက် အဆင့်မြင့်သည် ဆိုလျှင် ထိုကဒ်ပြားဖြင့် တစ်မြို့နယ်မှ တစ်မြို့နယ်သို့ လွတ်လပ်စွာ သွားလာခွင့် ပြုပါမည်လားဟု မေးမြန်းခဲ့ရာ ခရိုင် လ.၀.က မှူးက လုံးဝ ခွင့်ပြုမည် မဟုတ်ကြောင်း ဖြေဆိုခဲ့သည်။ အခြားသော မြို့မိမြို့ဖ တစ်ဦးက အမျိုးသား မှတ်ပုံတင် ကဒ်ပြား ကိုင်ဆောင်နေသူများက နိုင်ငံသား စီစစ်ခံရမည့်သူ၏ သက်သေခံ ကဒ်ပြား ခေါ် အစိမ်းနုရောင် ကဒ်ပြားကို လဲလှယ် ကိုင်ဆောင် ရမည်လားဟု မေးမြန်းခဲ့ရာ ခရိုင် လ.၀.က မှူးက အမျိုးသား မှတ်ပုံတင် ကဒ်ပြားသည် ယခုပေးအပ်မည့် ကဒ်ပြားထက် အဆင့်မြင့်သည့် ကဒ်ပြား ဖြစ်နေသဖြင့် လုံးဝ လဲလှယ် ကိုင်ဆောင်ရန် မလိုဟု ဖြေကြားခဲ့သည်။ 

အမျိုးသား မှတ်ပုံတင် ကဒ်ပြား ကိုင်ဆောင်သူများတွင် ယာယီ သက်သေခံ လက်မှတ်လည်း ရှိရာ ၎င်းတို့လည်း လဲလှယ် ရပါမည်လားဟု မြို့မိမြို့ဖ တစ်ဦးက မေးမြန်းရာ ခရိုင် လ.၀.က မှူးက လူပုဂ္ဂိုလ် တစ်ဦးသည် ကဒ်ပြား နှစ်မျိုး တစ်ပါတည်း ကိုင်ဆောင်ခွင့် မရှိကြောင်းဟု ဖြေကြားရာ မေးမြန်းသူက ကိုင်ဆောင်ချင်၍ တစ်ပါတည်း နှစ်ခု ကိုင်ဆောင် ခဲ့ခြင်း မဟုတ်ကြောင်း၊ န.စ.က မှ အတင်း အဓမ္မ ထုတ်ပေး၍ ကိုင်ဆောင် ခဲ့ရခြင်း ဖြစ်ကြောင်း ဟူ၍ ရှင်းလင်း ပြောပြရာ လ.၀.က မှူးက ထိုကိစ္စကို မဖြေဆိုနိုင်ကြောင်း ပြောကြားခဲ့သည်။ ​

မောင်တော မြို့နယ်မှ ခေတ်ပညာတတ် လူငယ်တစ်ဦးက “ကျွန်တော်တို့က ဒီနိုင်ငံမှာ မွေးတာ၊ ကျွန်တော်တို့ ဘိုးစဉ် ဘောင်ဆက် ကလည်း ဒီနိုင်ငံမှာမွေး၊ ဒီနိုင်ငံမှာ ကြီးပြင်း ဒီနိုင်ငံမှာ သေခဲ့တာ၊ အခုကျတော့ ကျွန်တော်တို့ကို တစ်ဖက်နိုင်ငံက ၀င်လာသလိုလို ပုံစံမျိုးနဲ့ နှစ်နှစ် နေထိုင်ခွင့် ဆိုပြီး လာပေးတာကိုတော့ ဘာလို့ လက်ခံရမှာလဲ။ ကျွန်တော်တို့မှာလည်း အမှန်တရားကို ထုတ်ဖော်ခွင့် ရှိတယ်။ ကျွန်တော်တို့ကို လူသားပါဗျာ။ လူလို ဆက်ဆံဖို့ လိုပါတယ်။ နိုင်ငံသား စီစစ်ခံရမည့်သူ၏ သက်သေခံ ကဒ်ပြား ခေါ် အစိမ်းနုရောင် ကဒ်ပြားကိုတော့ လုံးဝ လက်ခံမှာ မဟုတ်ဘူး။ သေနတ်နဲ့ ပစ်သတ်လည်း အသေခံ ရဲတယ်” ဟု ပြောပါသည်။