ခိုးဝင် ဘင်္ဂလီများကို စခန်းသွင်း တတိယ နိုင်ငံ ပို့မယ့် စီမံကိန်း နောက်ဆုံး အဆင့် ရောက်နေပြီလား?

သို့သော် စီမံကိန်း အမျိုးမျိုး ချမှတ်ပြီး ဆောင်ရွက် လာခဲ့သော်လည်း ရာနှုန်းပြည့် မအောင်မြင်သောကြောင့် ရာနှုန်းပြည့် အောင်မြင်နိုင်အောင် ၂၀၁၂ ခုနှစ် ဇွန်လ (၈) ရက်နေ့တွင် အရေးအခင်း တစ်ခု ဖန်တီးပေးပြီး ခိုးဝင်လာသူ ဘင်္ဂလီများကို ဒုက္ခသည် စခန်းသွင်းကာ တတိယနိုင်ငံသို့ ပို့ဆောင်မည်ဟု သမ္မတ ဦးသိန်းစိန်က ကြေညာခဲ့သည်။ ထို့အပြင် Rakhine Action Plan တစ်ခု ရေးဆွဲပြီး ရိုဟင်ဂျာများကို စနစ်တကျ ဘင်္ဂလီ ဇတ်သွင်းနိုင်အောင် ဆောင်ရွက် လာပါသည်။ 

ပထမဆုံး ရိုဟင်ဂျာ ရပ်ကွက် / ကျေးရွာ များကို မီးရှို့ပြီး ရိုဟင်ဂျာများကို လူနေထိုင်ရန် မသင့်တော်သည့် နေရာများသို့ စုစည်း ပြောင်းရွှေ့ ပို့ဆောင်ပြီး ယာယီတဲများ ထိုးကာ ဒုက္ခသည် အဖြစ် အသိအမှတ်ပြု၍ နေထိုင်စေခဲ့သည်။ သမ္မတ ဦးသိန်းစိန်၏ အဆိုဖြစ်သော ပထမ အဆင့်မှာ ရိုဟင်ဂျာများကို ဒုက္ခသည် စခန်း သွင်းရန် ဖြစ်သည်နှင့် အညီ ရိုဟင်ဂျာများ ကိုယ့်အရပ် ကိုယ့်ဒေသထဲတွင် မိမိတို့၏ နေအိမ်များကို စွန့်လွှတ်ပြီး ဒုက္ခသည် စခန်းများသို့ ပြောင်းရွှေ့ခြင်း ခံခဲ့ရသည်။ 

ဒုတိယအဆင့် ဖြစ်သော ဘင်္ဂလီ ဇတ်သွင်းပြီး တတိယနိုင်ငံသို့ ပို့ဆောင်ရေး အတွင် နိုင်ငံသား စီစစ်ရေးဟု ခေါင်းစဉ်တပ်ကာ စီမံကိန်းများ ပြကာ မြေပုံမြို့၌ စတင် ဆောင်ရွက်ခဲ့သည်။ ထိုစီမံကိန်းအရ ရိုဟင်ဂျာ ကင်းစင် နယ်မြေ ဖြစ်လာဖွယ် မရှိဟု သုံးသပ်ပြီး စီမံကိန်း အသစ် တစ်ခု ထပ်မံ ချမှတ်ကာ ကြိုးစား ဆောင်ရွက်လာသည်။ သို့သော် ရိုဟင်ဂျာ လူမျိုးများက သန်းခေါင် စာရင်း ကောက်ခံရာတွင် လည်းကောင်း၊ မိသားစု အလိုက် ဆွဲ၊တင်၊စစ် စစ်ဆေးခံရာတွင် လည်းကောင်း၊ မည်သည့် စစ်ဆေးမှုတွင် မဆို လူမျိုး အမည်ကို ရိုဟင်ဂျာဟု ဖြေဆိုထားသဖြင့် ၎င်းတို့ လိုရာ ဆွဲထားသည့် စီမံကိန်း မအောင်မြင်ခဲ့ပေ။ 

ထို့ကြောင့် ပြည်နယ် အစိုးရ အပါအ၀င် ပြည်ထောင်စု အစိုးရ တို့က ရိုဟင်ဂျာ လူမျိုးများကို လိမ်လည် လှည့်ဖြားရန် ရည်ရွယ်ပြီး လူမျိုး အမည်နှင့် ကိုးကွယ်သည့် ဘာသာ အတွက် နေရာ ပေးမထားသော အမျိုးသား မှတ်ပုံတင် ကဒ်ပြား ပုံစံနှင့် အရောင်တူသည့် အစိမ်းရောင် ကဒ်ပြား တစ်မျိုး ထုတ်ပေးပြီး၊ အတင်း အကျပ် ကိုင်ဆောင် စေရန် ဖိအားပေးလျက် ရှိသည်။ ထိုအစိမ်းရောင် ကဒ်ပြားသည် အမျိုးသား မှတ်ပုံတင် ကဒ်ပြားနှင့် အရောင်တူနေသော်လည်း ထိုကဒ်ပြား၏ အမည်မှာ “နိုင်ငံသား စီစစ်ခံရမည့်သူ၏ သက်သေခံ ကဒ်ပြား” သာဖြစ်ပြီး အနက် အဓိပ္ပာယ်မှာ ရိုဟင်ဂျာ လူမျိုးများကို နိုင်ငံခြားသား ဖြစ်အောင် ဆောင်ရွက် နေခြင်းသာ ဖြစ်သည်။ 

အကယ်၍ ရိုဟင်ဂျာ လူမျိုးများက သမ္မတ ဦးသိန်းစိန် အစိုးရ၏ လိမ်လည် ဖြာယောင်းမှုကို သတိမမူဘဲ မသိနားမလည်စွာဖြင့် လက်ခံလိုက်လျှင် ပထမဆုံး အနေဖြင့် ဦးသိန်းစိန် အစိုးရ၏ မတရားသဖြင့် နိုင်ငံသား စီစစ်ခံရမည် ဖြစ်သဖြင့် နိုင်ငံခြားသား ဖြစ်သွား၍ ဒုက္ခသည် စခန်းသို့ ရောက်ရမည်မှာ ဧကန်မုချ ဖြစ်သည်။ ဤစီမံကိန်းသည် သမ္မတ ဦးသိန်းစိန်၏ ရိုဟင်ဂျာများကို တတိယနိုင်ငံသို့ ပို့ဆောင်ရန် နောက်ဆုံး စီမံကိန်းပင် ဖြစ်ကြောင်း သုံးသပ် တင်ပြအပ်ပါသည်။