လွတ်ငြိမ်းချမ်းသာခွင့်ဖြင့် လွတ်မြောက်လာသူ ရသေ့တောင်သား ၁၂ ဦးကို ရန်ပြုနေ၍ တိမ်းရှောင်နေရ
MYARF
RB News
10.7.2015
ရသေ့တောင် ။ ။ ရခိုင်ပြည်နယ်၊ စစ်တွေမြို့ အကျဉ်းထောင်မှ လွတ်မြောက် လာကြသည့် ရသေ့တောင် မြို့နယ် အနောက်ပြင် ကျေးရွာမှ ရိုဟင်ဂျာ (၁၂) ဦးကို နယ်ခြားစောင့် ရဲတပ်ဖွဲ့နှင့် ရခိုင်များက နှောက်ယှက် နေမှုကြောင့် မိမိတို့၏ နေအိမ်များတွင် မနေနိုင်ဘဲ တိမ်းရှောင် နေရကြောင်း သတင်း ရရှိပါသည်။
၂၀၁၂ ခုနှစ် ဇွန်လ ပဋိပက္ခ နောက်ပိုင်းတွင် ရခိုင်အိမ်များကို မီးရှို့ဖျက်ဆီး ခဲ့သည်၊ ရခိုင်များကို တိုက်ခိုက် ခဲ့သည်ဟု စွပ်စွဲ၍ ရသေ့တောင် မြို့နယ်မှ ရိုဟင်ဂျာ ၆၀ ကျော် ဖမ်းဆီးပြီး ထောင်ဒဏ် (၅) နှစ် အထက် ချမှတ်ခဲ့သည်။ ၂၀၁၅ ခုနှစ် ဧပြီလ နောက်ဆုံးပတ်နှင့် မေလဆန်းပိုင်းတွင် အကျဉ်းကျခံရသူ ၆၀ ကျော်ထဲမှ အနောက်ပြင် ရွာသား ၁၂ ဦးကို နိုင်ငံတော်မှ လွတ်ငြိမ်းချမ်းသာခွင့်နှင့် လွှတ်ပေးခဲ့ကြောင်း ဒေသခံများက RB News သို့ပြောသည်။
လွတ်မြောက်လာသူ ၁၂ ဦးကို လွတ်မြောက်လာသည့် အချိန်မှစ၍ ရသေ့တောင် မြို့နယ် ကူတောင် ကျေးရွာ အခြေစိုက် နယ်ခြားစောင့် ရဲတပ်ဖွဲ့ ကင်းစခန်းမှ စခန်းမှူး ကျော်ကျော်နှင့် အဖွဲ့က ရခိုင်အစွန်းရောက် များနှင့် ပူးပေါင်း၍ လူအင်အား ၃၀ ခန့်ဖြင့် တုတ်၊ ဓားများ ကိုင်ဆောင်ပြီး လွတ်မြောက်လာသူများ၏ နေအိမ်များသို့ သွားရောက်၍ ရှာဖွေလျက် ရှိသည်ဟု ဒေသခံများက ပြောပါသည်။
ရခိုင်အစွန်းရောက် များက လွတ်မြောက် လာသူများမှာ ရခိုင်များ၏ နေအိမ်များ မီးရှို့ခဲ့သည်၊ ရခိုင်များကို တိုက်ခိုက်ခဲ့သည်ဟု စွပ်စွဲ၍ လွတ်မြောက် လာခြင်း အပေါ် လုံးဝ မကျေနပ်ကြောင်း၊ လွှတ်ပေးခြင်းနှင့် ပတ်သက်၍ အာဏာပိုင်များနှင့် ရင်ဆိုင်ရလျှင်ပင် ရင်ဆိုင်ရန် အသင့် ရှိသည်ဟု ပြောဆိုနေကြသည်။ ထို့အပြင် လွတ်မြောက် လာသူများ၏ မိသားစုဝင် များကိုလည်း ၎င်းတို့အား တွေ့လျှင် အသေသတ်ပစ်မည်ဟု ခြိမ်းခြောက် သဖြင့် လွတ်မြောက် လာသူများမှာ နေအိမ်များတွင် မနေရဲတော့ဘဲ တိမ်းရှောင် နေရကြောင်း ဒေသခံများက ပြောပါသည်။
လွတ်မြောက်လာပြီး ခြိမ်းခြောက် ခံနေရသည့် အနောက်ပြင်ရွာသား (၁၂) ဦးမှာ --
(၁) ဦးဇာဟိတ်ဟူစိန်း (ဘ) ဦးမျာဟူစိန်း (အသက် ၃၅ နှစ်)
(၂) ဦးအဒူလ္လာ (ဘ) ဦးဆောလာမတ် (အသက် ၅၀ နှစ်)
(၃) ရော်ဖိခ် (ဘ) ဦးနူရ်အာမတ် (အသက် ၂၄ နှစ်)
(၄) ဆော်လီမူလ္လာ (ဘ) ဦးအဒူလ္လာ (အသက် ၁၈ နှစ်)
(၅) နော်ဘီဟူစိန်း (ဘ) ဦးအာဘူဒ္ဒိန် (အသက် ၂၇ နှစ်)
(၆) ကော်လီမူလ္လာ (ဘ) ဦးမာမတ်ရှား (အသက် ၁၄ နှစ်)
(၇) မာမတ်ဆာဒဲခ် (ဘ) ဦးရော်ဘီအုလ္လာ (အသက် ၁၅ နှစ်)
(၈) ဦးရော်ဖိခ် (ဘ) ဦးအဒူမာလဲခ် (အသက် ၄၂ နှစ်)
(၉) ဦးကာလာမီယာ (အသက် ၅၀ နှစ်)
(၁၀) အစ္စလာမ် (ဘ) ဦးအလီဇူဟာရ် (အသက် ၂၀ နှစ်)
(၁၁) ဦးရှာဖ်မီယာ (ဘ) ဦးဖော်ဇောလ်ကော်ရိမ် (အသက် ၃၅ နှစ်)
(၁၂) အလီဟူစိန်း (ဘ) ဦးကာလူ (အသက် ၂၂ နှစ်) -- တို့ဖြစ်သည်။
