နောက်ဆုံးသတင်း/ဆောင်းပါးများ

အာဏာ တည်မြဲရေး အတွက် ဆက်လက် တည်ရှိနေတဲ့ ဗိုလ်ချုပ်တွေရဲ့ ဖြုတ်၊ ထုတ်၊ သတ် စနစ်



ဦးဘစိန်
RB News
16.8.2015

ဗိုလ်ချုပ်တွေက ဗိုလ်ချုပ်တွေကို ဖြုတ်၊ ထုတ်၊ သတ် စနစ် ထွန်းကားနေတာ မြန်မာနိုင်ငံ လွတ်လပ်ရေး ရပြီး ကတည်းကပါ။ ဒီတစ်ခါ ဗိုလ်ချုပ်ဖြုတ်တာ ထူးဆန်းပါတယ်။ နိုင်ငံတော်နဲ့ မဆိုင်ဘဲ စစ်ဗိုလ် ချုပ်ဟောင်း များ အချင်းချင်း ပါတီတွင်း အာဏာသိမ်းပွဲပါ။ လွတ်လပ်ရေး ရခဲ့တာ ၆၇ နှစ်ရှိနေပါပြီ၊ အာဏာရှင် စနစ်ကို တွယ်တာမြတ်နိုးနေတာ လူနည်းစု စစ်ဗိုလ်ချုပ် တစ်စုကပဲ ဖြစ်ပါတယ်။ ဗိုလ်ချုပ်တွေက နိုင်ငံတော်ရဲ့ ၀န် ထမ်းတွေ ဖြစ်ပေမယ့်လည်း သန်းကြွယ်သူဌေးတွေ ဖြစ်လာကြတယ်။ နိုင်ငံတော် သဏ္ဍာတွေကို မတရား သဖြင့် သုံးစွဲပြီး ချမ်းသာကြွယ်ဝ လာတာကို အရသာခံနေတာကိုက နိုင်ငံတော်ကို ဆင်းရဲတွင်း ရောက်စေ တဲ့ အချက်တစ်ချက် ဖြစ်ပါတယ်။

စစ်ဗိုလ်ချုပ်ဟောင်းများရဲ့ ပါတီတွင်း အာဏာသိမ်းပွဲကို ကြည့်ခြင်းအားဖြင့် ဦးသိန်းစိန်က နောက်ထပ် သမ္မတ သက်တမ်း ၅ နှစ် လုပ်ချင်လွန်းလို့ အစွယ်ထုတ်ပြလိုက်တယ် ဆိုတာ သိသာလွန်းနေပါတယ်။ တိုင်းပြည်ကို ဆက်လက် အုပ်ချုပ်ချင်တဲ့ သမ္မတဟာ အာဏာရှင် အစစ်ဆိုတာ ပြည်သူတွေ နားလည်ဖို့ လွယ်ကူသွားပါပြီ။ ဒီမိုကရေစီ အရောင်ပြပြီး ပြည်သူလူထုကို နည်းမျိုးစုံနဲ့ ထောင်သွင်း အကျဉ်းချ၊ စနစ်တ ကျနဲ့ ချုပ်ကိုင်ထားတာကိုလည်း ပြည်သူတွေ သိပြီး ဖြစ်ပါတယ်။ ဒါနဲ့ ဆက်စပ်ပြီး မြန်မာ့ လွတ်လပ်ရေး ဗိသုကာကြီး ဗိုလ်ချုပ်အောင်ဆန်းက --

“တစ်ခြား မှာကြားလိုတဲ့အချက်ကတော့ ပြောနေကျ စကားပဲ။ ဒါပေမယ့် ထပ်ပြီးအဓိပ္ပါယ်လေးနက်
အောင်ပြောပြလိုက်အုံးမယ်။ ငါတို့စစ်တပ်ဟာ နိုင်ငံသူ နိုင်ငံသားတွေကို ညှဉ်းဖို့ မဟုတ်။ လက်နက် အား ကိုးတန်ခိုးပြဖို့ မဟုတ်။ စစ်တပ်ဟာ နိုင်ငံရဲ့ အစေခံဖြစ်ရမယ်။ နိုင်ငံဟာ စစ်တပ်ရဲ့ အစေခံ မဖြစ်ရ ဘူး။ ဒါကစကားရိုင်းရိုင်းနှင့် နားလည်အောင် ပြောပြတာပဲ။ ဒီစကားကို ကျုပ်ပြောတာဟာ စစ်တပ်ကို ကျုပ် ပြန်နှိပ်ချင်တဲ့ သဘောနဲ့ ပြောတာ မဟုတ်ဘူး။ ငါတို့ဟာ လက်နက်ကိုင် လူတွေဖြစ်ကြသော်လဲ မတရားမလုပ်။နိုင်ငံရဲ့ရန်သူ တွေမဟုတ်။ နိုင်ငံရဲ့မိတ်ဆွေတွေ ဖြစ်တယ်ဆိုတာအားလုံးသဘောပေါက်   အောင် ပြောပြခြင်းပဲ။”

“အမှန်ပြောရယင် လူတွေဟာ ပုထုဇဉ်တွေပဲ။ အားရှိတဲ့အခါ အားနည်းတဲ့လူတွေကို ညှဉ်းချင်တဲ့ စိတ်ရှိ
တယ်။ အားနည်းတဲ့လူတွေကလဲ အားနည်းတဲ့ အခါတုန်းကတော့ အားကြီးနေတဲ့လူတွေကို လက်နက်
အားကို အာဏာအားကို လုပ်ချင်တယ် ပြောကြတယ်။ မိမိတို့ကိုယ်တိုင် အားကြီးတဲ့နေရာ အာဏာ ရှိတဲ့နေ
ရာရောက်တဲ့အခါကျတော့ အရင်တုန်းက ပြောတာတွေ မေ့ပြီး တစ်မျိုးလုပ်ကြတာပဲ။ ဒါ ထုံးစံအတိုင်းပဲ။

ငါတို့က ဒီလို မဟုတ်။ အားနည်းတဲ့အခါလဲ အားကြီးတဲ့လူကို မတရားယင် မကြောက် ၊ အားကြီးတဲ့အခါလဲ
အားငယ်တဲ့ လူကို မတရားမလုပ် ဆိုတဲ့ အတိုင်း လုပ်ချင်တယ် ၊ ပြချင်တယ်။ အဲဒါကြောင့် စစ်တပ်ဟာ
နိုင်ငံရဲ့ အခြေခံဖြစ် တယ်လို့ ပြောတာပဲ။”

ဒီမိုကရေစီ အလေ့အထ မရှိတာ ၅၃ နှစ် ရှိနေပြီ ဖြစ်တဲ့ မြန်မာနိုင်ငံမှာ စစ်အာဏာရှင်များက သမ္မတ၊ ၀န်ကြီးချုပ် စတဲ့ အခေါ်အဝေါ်တွေနဲ့ တစ်မျိုး၊ ဗိုလ်ချုပ်မှူးကြီး ဆိုတဲ့ အသုံးအနှုန်း အသစ်နဲ့ တစ်ဖုံ အုပ်ချုပ် လာတာ အရိုးစွဲနေပြီ ဖြစ်တော့ အရပ်သား အယောင်ဆောင် ဒီမိုကရေစီ အစိုးရ ဦးဆောင်သူ စစ်ဗိုလ် ချုပ် ကြီးဟောင်း ဦးသိန်းစိန်လည်း အရိုးစွဲ ရောဂါရှိနေကြောင်း ပြသလိုက်ခြင်း ဖြစ်ပါတယ်။ အဲဒီ အရိုးစွဲရော ဂါနဲ့ အ တူ ဥစ္စာပစ္စည်း ရောဂါ၊ ကုမ္ပဏီရောဂါ၊ မြေပိုင်ဆိုင်မှုရောဂါ၊ တိုက်တာ အဆောက်အဦ ရောဂါ .. စ တဲ့ .. စတဲ့ ရောဂါ စုံပါတယ်။ အဲဒါကြောင့် အမေရိကန် သမ္မတ အိုဘားမားက ၂၀၁၅ ဇူလိုင်လ ၂၈ ရက်နေ့မှာ -- ၅၄ နိုင်ငံပါဝင်တဲ့ အာဖရိက သမဂ္ဂရဲ့ ခေါင်းဆောင်တွေကို အမေရိကန် သမ္မတက အီသီ ယိုပီးယားနိုင်ငံ၊ အက်ဒိစ်အဘာဘာ မြို့တော်မှာ ပထမဆုံး အကြိမ် မိန့်ခွန်း ပြောကြားခဲ့ရာမှာ --

"ခေါင်းဆောင်တွေ အနေနဲ့ ရာထူး သက်တမ်း ပြည့်ချိန်မှာ ဖယ်ရှား မပေးဘူး ဆိုရင် အာဖရိကတိုက်လည်း တိုးတက်မှာ မဟုတ်ကြောင်း အိုဘားမားက ဆိုပါတယ်။

ဒါ့အပြင် သတင်းသမားတွေ ထောင်ချခံရပြီး အခွင့်အရေး လှုပ်ရှားသူတွေ ခြိမ်းခြောက် ခံနေရမယ် ဆိုရင် လည်း ဒီမိုကရေစီဟာ အမည်သာ ရှိပြီး အနှစ်သာရ ရှိမှာ မဟုတ်ကြောင်း သူက ပြောပါတယ်။"

မြန်မာနိုင်ငံမှာ အာဏာရှင် စနစ်ကို အသက်သွင်းပေးခဲ့သူက နာမည်ဆိုးနဲ့ သွားလေသူ ဦးနေ၀င်း ဖြစ်ပြီး၊ အခုအချိန်ထိ သူ့ရဲ့ နောက်လိုက်များက ဦးနေ၀င်း ချမှတ်ထားတဲ့ လမ်းစဉ်ကို ဆက်လက် လျှောက် လှမ်းနေ ဆဲပါ။ အာဏာရှင်များ အားလုံးက စစ်အာဏာရှင်များ ဖြစ်ပြီး စစ်တပ်ရဲ့ အုပ်စိုးမှုကို ဆန့်ကျင်သူမှန်သမျှ အာ ဏာရှင်ရဲ့ နည်းလမ်းများ အတိုင်း ဖြုတ်၊ ထုတ်၊ သတ်လုပ်ခံကြရတယ်။

မြန်မာနိုင်ငံကို စစ်တပ်ကသာ အုပ်ချုပ်ရမယ်လို့ ဦးနေ၀င်း စီမံထားတဲ့ အတိုင်း ၁၉၆၂ ခုနှစ်ကစပြီး ယနေ့ထိ စစ်ဗိုလ်ချုပ်များက စစ်ဝတ်စုံနဲ့ အုပ်ချုပ်လိုက်၊ စစ်ဝတ်စုံချွတ်ပြီး အုပ်ချုပ်လာလိုက်တာ၊ အခြေအနေက နိုင် ငံတော် အုပ်ချုပ်ရေးက ပြည်သူ့လက်ထဲ ရောက်တော့မယ့် အခြေအနေမျိုး ဖြစ်လာတဲ့ အတွက်၊ အတိုက်အ ခံ ပါတီ ခေါင်းဆောင်နဲ့ ပူးပေါင်းတယ် ဆိုတဲ့ အကြောင်းပြချက်နဲ့တင် သူရရွှေမန်းကို နှိပ်ကွပ်လိုက်တာက ဦးနေ၀င်း ချမှတ်လိုက်တဲ့ ဖြုတ်၊ ထုတ်၊ သတ် လမ်းစဉ် အသက်ဝင်နေသေးတယ် ဆိုတာကို သက်သေပြ လိုက်တာပါပဲ။

ဦးနေ၀င်း လက်ထက်တုန်းကလည်း အာဏာသိမ်းရန် ကြံစည်မှုနဲ့ ဖြုတ်၊ ထုတ်၊ သတ် လုပ်ခဲ့တာတွေ အများကြီးရှိခဲ့သလို၊၁၉၈၈ခုနှစ်မှာအာဏာသိမ်းခဲ့တဲ့ဗိုလ်ချုပ်ကြီးစောမောင်ကိုလည်း၁၉၉၀ ရွေးကောက်ပွဲ အပြီးမှာ အနိုင်ရပါတီကို အာဏာအပ်ပြီး စစ်တန်းလျား ပြန်မယ်လို့ ပြောခဲ့တဲ့ စကားတစ်ခွန်းကြောင့် ရာထူးက ဖြုတ်ချခဲ့သလို၊ အာဏာရှင်ကို ဆန့်ကျင်လာနိုင်တဲ့ အနေအထား ဖြစ်လာတဲ့ ဗိုလ်ချုပ်ကြီးခင်ညွန့် ကိုလည်း ရားထူးက ဖြုတ်ပြီး ထောင်ဒဏ် ၄၄ နှစ်တောင် ချခဲ့တာက မကြာသေးခင် ကာလမှာ ဖြစ်သွား ခဲ့တာတွေပါ။

အဲဒါတွေအပြင် အာဏာရှင် စနစ် လမ်းပြခေါင်းဆောင် ဦးနေ၀င်းရဲ့ မြေးများကိုလည်း အာဏာသိမ်းရန် ကြံစည်မှုနဲ့ သေဒဏ်အထိ ပြစ်ဒဏ်ပေးခဲ့တာတွေလည်း ရှိခဲ့တယ်။ န.၀.တ ခေတ်မှာဘဲ အာဏာရှင် ကို တော်လှန်ဖို့ ကြိုးစားတဲ့ တိုင်းမှူးတွေကို ၀န်ကြီးများ အဖြစ် နေရာပြောင်းရွှေ့၊ ထပ်ပြီး တော်လှန်ဖို့ ကြိုးစားသူတွေကို ရာထူးက ဖြုတ်၊ အကျယ်ချုပ်ချခဲ့တာတွေက မြန်မာနိုင်ငံမှာ အစဉ်အလာ တစ်ရပ် လို ဖြစ် လာတာ ကြာပါပြီ။

ယနေ့ ဒီမိုကရေစီ အစိုးရလို့ ပြောနေကြပေမယ့်လည်း သမ္မတ ဦးသိန်းစိန် အပါအ၀င် အစိုးရအဖွဲ့ဝင် ၀န်ကြီးများနဲ့၊ လွှတ်တော် အမတ် အများစုက စစ်ဗိုလ်ချုပ်ဟောင်းများ ဖြစ်တဲ့အတွက် စစ်တပ်ရဲ့ အစဉ်အ လာတွေကို ဖျောက်ဖျက်ဖို့ လွယ်ကူမှာ မဟုတ်တာ သေချာပါတယ်။

တစ်ခါ အတိုက်အခံ ပါတီဘက်ကို ကြည့်မယ်ဆိုရင်လည်း စစ်မှုထမ်းဟောင်းပေါင်းစွာ ပါဝင်နေတဲ့ အတွက် စစ်မှန်တဲ့ ဒီမိုကရေစီ စနစ် အုပ်ချုပ်ရေးမျိုး မဟုတ်ဘဲ ဗဟို ဦးစီး စနစ်နဲ့ အုပ်ချုပ်နေတယ် ဆိုတဲ့ အသံတွေ လည်း ကျယ်ကျယ် လောင်လောင် ထွက်လာတာကို တွေ့နေရတယ်။

မြန်မာနိုင်ငံမှာ စစ်မှန်တဲ့ ဒီမိုကရေစီ စနစ် ထွန်းကားဖို့ အသိပညာရှင်၊ အတတ်ပညာရှင်၊ နိုင်ငံရေး အမှန်တ ကယ် နားလည်သူများ ပူးပေါင်းပြီး ဖွဲ့စည်းထားတဲ့ အင်အားကြီး တစ်ရပ် လိုအပ်နေပါတယ်။

စစ်တပ်ရဲ့ အရိပ်ပါဝင် နေသမျှ ဖြုတ်၊ ထုတ်၊ သတ် လမ်းစဉ် ရှိနေမှာ ဖြစ်ပြီး၊ မြန်မာနိုင်ငံမှာ ဗဟိုဦးစီး ချုပ်ကိုင်တဲ့ စနစ်က နေရာတကာမှာ ရှိနေမှာ ဖြစ်ပါတယ်။

Comment ရေးရန်

Rohingya Exodus