ဒုတိယကြိမ်မြောက် ဥရောပရောက် ရိုဟင်ဂျာများ ညီလာခံ ဒိန်းမတ်နိုင်ငံတွင် ကျင်းပ

မြန်မာနိုင်ငံနှင့် ကမ္ဘာအနှံ့တွင် ရှိသည့် ရိုဟင်ဂျာများ၏ လက်ရှိ အခြေအနေများ၊ ပြည်တွင်းတွင် ရိုဟင်ဂျာများ၏ လက်ရှိ နိုင်ငံရေး အခြေအနေများ၊ မီဒီယာများ၏ အခန်းကဏ္ဍများကို ဂျာမဏီနိုင်ငံမှ ဦးနေဆန်းလွင်က ဆွေးနွေးပြီးနောက်၊ ရိုဟင်ဂျာများ တွေ့ကြုံနေရသည့် စိန်ခေါ်မှုများကို အာရ်ကာန် ရိုဟင်ဂျာ အမျိုးသား အဖွဲ့မှ ဥက္ကဌ ဦးနူရ်အစ္စလာမ်က ဆွေးနွေးခဲ့သည်။

ဧည့်သည်အဖြစ် ရောက်ရှိလာသည့် နယ်သာလန်နိုင်ငံမှ အစ္စလာမာ ၀ါလ် အဒါလာ ဖောင်ဒေးရှင်း တည်ထောင်သူ မစ္စတာ နူရ်အူဒင်ဝိုက်(လ်)မန်းက ဘင်္ဂလားဒေ့ရ်ှနှင့် မလေးနိုင်ငံများရှိ ရိုဟင်ဂျာဒုက္ခသည်များကို ကူညီနေသည်များကို ရှင်းလင်း တင်ပြခဲ့သည်။ ထို့နောက် တက်ရောက်လာသူများ အားလုံးက ရှေ့ဆက် လှုပ်ရှားသင့်သည်များကို တစ်ဦးချင်းစီ ဆွေးနွေး တင်ပြခဲ့ပြီး ပထမနေ့ ကွန်ဖရင့်ကို ည ၇ နာရီတွင် ရုပ်သိမ်းခဲ့သည်။

ဒုတိယနေ့တွင် တက်ရောက်လာသူများ တင်ပြခဲ့သည်များကို နော်ဝေးနိုင်ငံမှ ဦးဆယာဒ်ဟူစိန်းက ပြန်လည်၍ ဆွေးနွေး အဖြေရှာခဲ့ပြီး၊ လုပ်ငန်းစဉ်များ အတွက် လိုအပ်သည့် ကော်မီတီများ ဖွဲ့စည်းခဲ့သည်။

ဆက်လက်၍ ဦးဆယာဒ်ဟူစိန်းက ကွန်ဖရင့် ကြေညာစာတမ်းနှင့် ပတ်သက်၍ အသေးစိတ် ဆွေးနွေးပြီးနောက်၊ ကွန်ဖရင့် အပိတ်အမှာစကားကို ဗြိတိန်နိုင်ငံမှ ကျောင်းဆရာမဟောင်း ဒေါ်ခင်လှက ပြောကြားပြီး နေ့လည် ၂ နာရီ အချိန်တွင် ကွန်ဖရင့်ကို ရုပ်သိမ်းခဲ့ပါသည်။