နောက်ဆုံးသတင်း/ဆောင်းပါးများ

မောင်တော မြို့မ ကညင်တန်း၊ မောင်နီရွာနှင့် အမှတ် (၂) ရပ်ကွက် တို့တွင် ပုံမှန်အတိုင်း လျှပ်စစ်မီး မရ



RB News
6.9.2015

မောင်တော ။ ။ ရခိုင်ပြည်နယ်၊ မောင်တော မြို့နယ်၊ မြို့ပေါ်တွင် လျှပ်စစ်မီးကို ည ၆ နာရီမှ ၁၂း၃၀ နာရီ အချိန်ထိ ပုံမှန် ပေးလျက်ရှိသော်လည်း အမှတ် (၂) ရပ်ကွက်နှင့် မြို့မ ကညင်တန်း ကျေးရွာအုပ်စု၊ မောင်နီရွာ တို့တွင် သတ်မှတ်ထားသည့် အတိုင်း မပေးဘဲ အချိန် အနည်းငယ်သာ ပေးလျက် ရှိကြောင်း သတင်း ရရှိပါသည်။ 

ဇူလိုင်လ နောက်ဆုံးပတ်က မောင်တော မြို့နယ်တွင် မုန်တိုင်း တိုက်ခတ်ပြီးနောက် (၆) ရက်ကြာ လျှပ်စစ်မီး ပြတ်တောက် သွားခဲ့သည်။ သို့သော်လည်း အမှတ် (၂) လျှပ်စစ် ၀န်ကြီးဌာန၏ ကြိုးပမ်းမှုဖြင့် (၆) ရက်အကြာတွင် လျှပ်စစ်မီး ပြန်လည် ရရှိခဲ့သည်။ 

မောင်တော မြို့တွင် နေ့စဉ် ည ၆ နာရီမှ ၁၂း၃၀ နာရီထိ ပုံမှန် မီးပေးလျက် ရှိသော်လည်း အမှတ် (၂) ရပ်ကွက်နှင့် မြို့မ ကညင်တန်း ကျေးရွာအုပ်စု၊ မောင်နီရွာ တို့တွင် ည ၆ နာရီမှ ၇ နာရီထိ တစ်ကြိမ်၊ ည ၁၀ နာရီမှ ၁၂း၃၀ နာရီထိ တစ်ကြိမ် ခွဲခြား၍ ပေးလျက် ရှိကြောင်း ဒေသခံများက RB News သို့ပြောပါသည်။ 

အမှတ် (၂) ရပ်ကွက်နှင့် မောင်နီရွာတို့တွင် ထိုကဲ့သို့ ခွဲခြား၍ လျှပ်စစ်မီးလျက် ရှိသည်မှာ မောင်တော ခရိုင် အုပ်ချုပ်ရေးမှူးက ရိုဟင်ဂျာ အများစု နေထိုင်သည့် ရပ်ကွက်၊ ရွာများတွင် လျှပ်စစ်မီးကို ပုံမှန် အတိုင်း မပေးရန် လျှပ်စစ်ဌာနမှ ၀န်ထမ်းများကို ညွန်ကြားထားသည့် အတွက် ဖြစ်သည်ဟု ဒေသခံများက ပြောပါသည်။

Comment ရေးရန်

Rohingya Exodus