နောက်ဆုံးသတင်း/ဆောင်းပါးများ

မူးယစ်ရာဇာများ လျှောက်နေသည့် ပန်းခင်း လမ်းပေါ်မှာ ဆူးခလုတ်များ ကျနေပြီလား



Peace Father
RB News
6.9.2015

ရခိုင်ပြည်နယ်၊ မောင်တော မြို့နယ်သည် မြန်မာနိုင်ငံတွင် မူးယစ်ဆေးဝါး အပေါဆုံး မြို့တစ်မြို့ ဖြစ်လို့နေသည်မှာ အလွန်ပင် လူသိ ထင်ရှား ကျော်ကြား နေပါသည်။ တရုတ် နိုင်ငံထုတ် WY ဟုခေါ်သည့် မူးယစ်ဆေးဝါး၏ အဓိက ဈေးကွက်မှာ မြန်မာနိုင်ငံ၏ အနောက်ဖက် ဘင်္ဂလားဒေရှ့်နိုင်ငံ ဖြစ်ပါသည်။ မောင်တော မြို့နယ်သည် ဘင်္ဂလာဒေရှ့်နိုင်ငံနှင့် နယ်စပ် ဖြစ်နေသဖြင့် မူးယစ်ဆေးဝါးများ တစ်ဖက်နိုင်ငံသို့ ခရီးမဆက်ခင် အချိန်တွင် မဖြစ်မနေ ခရီးတစ်ထောက် နားခိုရသော နေရာလေး ဖြစ်နေသည်။ မြန်မာနိုင်ငံ၏ အခြေခံ ဥပဒေကလည်း မူးယစ်ဆေးဝါး ရောင်းဝယ်နေခြင်းကို အလွန်ပင် တင်းကျပ်စွာ တားမြစ်ထားနေပါလျက် တရုတ်နိုင်ငံမှ ထုတ်လုပ်သော အဆိုပါ WY ဟုခေါ်သော မူးယစ်ဆေးဝါး များကို မိုင်ပေါင်း ထောင်နှင့်ချီသော ခရီးကိုဆန့်၊ စစ်ဆေးရေးဂိတ်များ အထပ်ထပ်ကိုကျော်ပြီး မောင်တောမြို့အထိ အလွယ်တကူ သယ်ယူလာ၍ တစ်ဖက်နိုင်ငံသို့ သွားရောက် ရောင်းဝယ်နိုင်ခြင်းသည် လူအများ စဉ်းစားစရာ အချက်တစ်ချက် ဖြစ်လို့နေပါသည်။ ဤသို့ မြန်မာနိုင်ငံ၏ အရှေ့ဖျားဆုံး တရုတ်နိုင်ငံမှ မြန်မာနိုင်ငံ၏ အနောက်ဖက်စွန်း မောင်တောမြို့နယ်အထိ မူးယစ်ဆေးဝါးများ အလွယ်တကူ သယ်ယူလာနိုင်ခြင်း၏ နောက်ကွယ်တွင် မည်သူရှိပါသနည်း။ မည်သူများက သယ်ယူလာ၍ မည်သူ့ကို ရောင်းချနေပါသနည်း။

ဤအကြောင်းအရာများနှင့်ပတ်သက်၍ အနည်းအကျဉ်း တင်ပြလိုပါသည်။ မောင်တောမြို့နယ်သို့ မူးယစ်ဆေးဝါးများ လမ်းသုံးသွယ်ဖြင့် လမ်းခရီးချောမွေ့စွာ ဝင်ရောက်လာနေပါသည်။ ပထမလမ်းသွယ်ကတော့ အစိုးရအာဏာပိုင်များ မှတဆင့် ဝင်ရောက်လာခြင်းဖြစ်ပါသည်။ အထူးသဖြင့် ရဲဝန်ထမ်းများမှ တဆင့် ဖြစ်ပါသည်။ ပြောရလျှင် မောင်တောခရိုင်မှ ခရိုင်ရဲမှူး၊ မြို့နယ်ရဲမှူးနှင့် မြို့မရဲစခန်းမှူး တို့သည် မူးယစ်ဆေးဝါး အများဆုံး ရောင်းဝယ်နေသူများ ဖြစ်ကြပါသည်။ မူးယစ်ဆေးဝါးများကို ၎င်းတို့၏ ယုံကြည်စိတ်ချရသော လက်အောက်ငယ်သား တပည့်များဖြင့် အဆင့်ဆင့် သယ်ယူလာခိုင်းပြီး မောင်တောမြို့နယ်သို့ ရောက်လာလျှင် ၎င်းတို့နှင့် ခင်မင်းရင်းနှီးသော ဒေသခံပြည်သူအချို့သို့ ရောင်းချလေ့ရှိပါသည်။ ထို့သို့ ရောင်းချရာတွင် ခရိုင်ရဲမှုးက သူ့စခန်းမှ လက်အောက်ဝန်ထမ်းများ ဖြစ်ကြသော ရဲအုပ် ဦးသောင်းထွန်း ၊ ရဲအုပ် ဦးအောင်ခင်သန်း၊ တပ်ကြပ် ဦးသန်းဝင်း (ခ) ဦးမောင်ချေ တို့ဖြင့် လည်းကောင်း၊ မြို့နယ်ရဲမှူး နှင့် မြို့မရဲစခန်းမှုး တို့က သူတို့၏ လက်အောက် ဝန်ထမ်းများဖြစ်ကြသော ရဲအုပ် ဦးတိုးတိုး၊ တပ်ကြပ် ဦးလှမြင့်၊ တပ်ကြပ် ဦးတင်အေး စသောရဲဝန်ထမ်းများဖြင့်လည်းကောင်း ရောင်းချလေ့ရှိပါသည်။ ထိုသို့ ရောင်းချပြီးနောက်ပိုင်းလည်း ဝယ်ယူသူက တစ်ဖက်နိုင်ငံသို့ လွယ်ကူစွာ သွားရောက် ရောင်းဝယ်နိုင်ရန် ၎င်းတို့ ရဲများ ကိုယ်တိုင်က ပစ္စည်းများ သယ်ပေးသွားလေ့ရှိပါသည်။ မူးယစ်ဆေးဝါး ကုန်ကူးရောင်းဝယ်နေသူ ရဲဝန်ထမ်းများ၏ ကိုယ်ပိုင်ကား ဝယ်စီးနေမှု၊ တိုက်ကြီးများဆောက်မှု၊ ရွှေဆိုင်မှ ရွှေဝယ်ယူမှုနှင့် ၎င်းတို့၏ ဝတ်စားဆင်ယင်မှု တို့ကို ကြည့်ခြင်းအားဖြင့် မူးယစ်ဆေးဝါးရောင်းဝယ်ခြင်းကြောင့် ကြွယ်ဝ ချမ်းသာနေမှုကို အထင်းသား တွေ့ရှိပါလိမ့်မည်ဖြစ်ပါသည်။ 

ဒုတိယ လမ်းသွယ်မှာ ရခိုင် အမျိုးသားပါတီ၏ ပါတီရံပုံငွေအတွက် ယင်းပါတီဝင်များ၏ သယ်ယူလာမှုကတဆင့် ဝင်ရောက်လာခြင်း ဖြစ်ပါသည်။ အများသိပြီး ဖြစ်သလို ရခိုင်ပြည်နယ်တွင် လုံခြုံရေးတာဝန်ယူထားသော ဝန်းထမ်းများသည် အများအားဖြင့် ရခိုင်လူမျိုးများဖြစ်ကြပါသည်။ ရခိုင်လူမျိုးများသည် ရခိုင်ပြည်နယ်ကို ရခိုင်များကသာ အုပ်ချုပ်ရမည်ဟူသော အကြံဖြင့် အားလုံး တက်ညီလက်ညီ ကြိုးပမ်းနေသည်နှင့်အညီ ရခိုင်အမျိုးသားပါတီကြီးကို ဝန်းရံကြပါသည်။ ရခိုင်ပြည်နယ်ကို ရခိုင်လူမျိုးကသာ အုပ်ချုပ်ရမည်ဟုသော အကြံဖြင့် အလုပ်လုပ်နေသည်နှင့်အတူတူ မည်သည့် အစိုးရဌာနတွင် တာဝန်ထမ်းဆောင်နေပါစေ ၎င်းတို့သည် ရခိုင်အမျိုးသားပါတီ၏ လမ်းညွှန်ချက်အတိုင်းသာ အလုပ်လုပ်လေ့ရှိပါသည်။ ထို့ကြောင့် သွားလာရေး လမ်းအဆင့်ဆင့်ရှိ စစ်ဆေးရေး စခန်းများတွင် တာဝန်ကျ ရခိုင်လူမျိုးများသည် ရခိုင်အမျိုးသားပါတီ၏ ပစ္စည်းဟုဆိုလျှင် ထိုပစ္စည်းဝန်ထုပ်များကို စစ်ဆေးခြင်းမရှိဘဲ လွှတ်ပေးလေ့ရှိရာ ရခိုင်အမျိုးသားပါတီဝင်များမှ တဆင့်လည်း မောင်တောမြို့နယ်သို့ မူးယစ်ဆေးဝါးများ တသွင်သွင် ဝင်ရောက်လာလေ့ရှိပါသည်။ ၎င်းတို့ယူလာသော မူးယစ်ဆေးဝါးများကိုလည်း သူတို့နှင့် ခင်မင်းရင်းနှီးသော ဒေသခံ ရိုဟင်ဂျာအချို့နှင့် ဘင်္ဂလားတွင် မွေးဖွားပြီး မြန်မာနိုင်ငံထဲ ဝင်ရောက်နေထိုင်နေသော ရခိုင်အချို့ကို ရောင်းချပြီး ဝယ်ယူသူက တစ်ဖက်နိုင်ငံသို့ လွယ်ကူစွာ သွားရောက်ရောင်းဝယ်နိုင်ရန် ကူညီပေးလေ့ရှိပါသည်။ 

တတိယ လမ်းသွယ်ကတော့ ပုဂ္ဂလိကလမ်းသွယ် ဖြစ်ပါသည်။ အထူးသဖြင့် ရခိုင်အမျိုးသား အမျိုးသမီးများနှင့် ဘုန်းကြီးဆရာတော်အချို့က သယ်ယူလာနေခြင်း ဖြစ်ပါသည်။ အမှတ်(၃) ရပ်ကွက်နေ ဦးထွန်းမင်းနိုင်၊ အမှတ်(၄) ရပ်ကွက်နေ ဦးသံခဲ၊ ဝေသာလီရွာနေ သိန်းနိုင် [ဗန်းပြ ဆံပင်ရောင်းဝယ်ရေးလုပ်ငန်းရှင်]၊ ဒေါ်ပေါက်စ (ခ) မမချေ [မမချေ-ကွမ်းယာဆိုင်]၊ မြို့မကညင်တန်းနေ ဦးခိုင်မင်းထွန်း စသည်တို့သည် မောင်တောမြို့ပေါ်က မူးယစ်ဆေးဝါး ဘုရင်များဟု တင်စားရလောက်သူများဖြစ်ကြပါသည်။ ၎င်းတို့သည် အာဏာပိုင်များကို လစဉ်ကြေးသွင်းပြီး မူးယစ်ဆေးဝါးများ တရားဝင်သဖွယ် ရောင်းနေသူများပင်ဖြစ်ပါသည်။ ထို့အပြင် မောင်တောမြို့နယ်၊ မြို့မကညင်းတန်းကျေးရွာရှိ အလိုတော်ပြည့်ကျောင်းတိုက် ဆရာတော်နှင့် ရွှေဇား-အောင်ဘာလရွာရှိ ဘုန်းကြီးကျောင်း၏ ဆရာတော်တို့သည်လည်း ယင်းတို့၏ ဘာသာရေးခေါင်းဆောင် ဆိုသော သြဇာကို အလွဲသုံးစားပြု၍ မူးယစ်ဆေးဝါးများ တရားဝင် သယ်ယူလာနိုင်ပြီး ရောင်းဝယ်နေလျက်ရှိပါသည်။ ဆရာတော်များက ယူလာသော မူးယစ်ဆေးဝါးများကို ဘင်္ဂလားနွယ်ဖွားဖြစ်ပြီး မြန်မာနိုင်ငံထဲ ဝင်လာနေထိုင်နေသော ရခိုင်လူမျိုးအများက ဝယ်ယူပြီး ရွှေဇား- အောင်ဘာလရွာ၊ မောင်တောမြောက်ပိုင်း ခြံပြင်ကျေးရွာနှင့် နံသာတောင်ကျေးရွာများမှတဆင့် ဘင်္ဂလားဒေ့ရှ် နိုင်ငံသို့ သူတို့ကိုယ်တိုင် သယ်ယူသွားပြီး ရောင်းချနေပါသည်။ ၎င်းတို့သည် ဘင်္ဂလားဒေ့ရ်ှနိုင်ငံမှာမွေးပြီး ဘင်္ဂလားဒေ့ရ်ှနိုင်ငံတွင် ကြီးပြင်းလာသူများဖြစ်သဖြင့် ဘင်္ဂလားဒေ့ရ်ှနိုင်ငံ၏ နေရာဒေသ အသီးသီးကို အကျွမ်းတဝင် သိရှိနေသူများ ဖြစ်သလို နှစ်နိုင်ငံ၏ နိုင်ငံသားအဖြစ်လည်း တစ်ပြိုင်နက် ခံယူထားသောကြောင့် ၎င်းတို့တွင် နှစ်နိုင်ငံစလုံး၌ သွားရေးလာရေး နေရေးထိုင်ရေးအတွက် အခက်အခဲမရှိတတ်ပေ။ 

"မူးယစ်ဆေးဝါး ကင်းရှင်းနယ်မြေ" ဆိုသည့် မြို့ပေါ်ခွဆုံ၌ တင်ထားသော ဆိုင်းဘုတ်၏ သိက္ခာမကျရေးအတွက်မှာမူ ဒေသအာဏာပိုင်များအနေဖြင့် ၎င်းတို့ကို လစဉ်ကြေးမသွင်းဘဲ မူးယစ်ဆေးဝါးများ အနည်းအကျဉ်း ရရာနေရာက ဝယ်ယူပြီး အရောင်းအဝယ်ပြုလုပ်နေသော ဒေသခံ ရိုဟင်ဂျာများအချို့ကို လိုက်လံဖမ်းဆီးပြီး ထောင်ချလိုက်ခြင်း ဖြစ်သည်။ ခြွင်းချက်အနေဖြင့် ၎င်းအာဏာပိုင်တို့တောင်းဆိုသော လာဘ်ငွေ ပေးနိုင်သူများကိုမူ လွှတ်ပေးလေ့ရှိပါသည်။ တစ်ရွာမှ တစ်ရွာသို့ပင် လွတ်လပ်စွာ သွားလာနိုင်ခွင့်မရှိသော ရိုဟင်ဂျာများကို မြန်မာနိုင်ငံ၏ အရှေ့ဖျားဆုံးမှ မူးယစ်ဆေးဝါးမှာ သယ်ယူလာပြီး မူးယစ်ဆေးဝါး ဒိုင်အဖြစ် ရောင်းဝယ်နေသည်ဟု စွပ်စွဲခဲ့လျှင်မူ မည်သို့ ယုတ္တိဆန်ပါမည်နည်း။ လက်လုပ်လက်စား ရောင်းဝယ်နေသူများကတော့ ရှိမှာ မလွဲပင်။ သတင်းမီဒီယာ မရှိသော မောင်တောမြို့နယ်က အောက်ခြေအာဏာပိုင်များ၏ ခြစားမှုများ၊ နိုင်ငံတော်အစိုးရ၏ မူဝါဒနှင့် ဖီလာဆန့်ကျင်သော လုပ်ဆောင်မှုများ စသည့် တရားဥပဒေမဲ့ ထင်ရာဆိုင်း လုပ်ဆောင်နေမှုများ၊ မူးယစ်ဆေးဝါးများ တရားဝင်သဖွယ် ရောင်းဝယ်နေသော အာဏာပိုင်များနှင့် ဒေသခံများ၏ သတင်းမှန်များသည် အချိန်ကာလ ကြာမြင့်သည်အထိ ပျားရည်ဆမ်းခရီးလို ဖြစ်နေခဲ့ပါသည်။

ယခုအခါ ပြည်ထောင်စုအစိုးရမှ အထူးမူးယစ်ရဲတပ်ဖွဲ့ဝင်(၁၅) ဦး မောင်တောမြို့သို့ ရောက်ရှိလာပြီး မူးယစ်ဆေးဝါး ကုန်ကူးသူများကို ရှာဖွေ စီစစ်၊ စစ်ဆေးနေသည်ဟုကြားသိရပါသည်။ သို့ဖြစ်၍ အတန်ကြာကြာ လျှောက်လှမ်းခဲ့သော မူးယစ်ဘုရင်များ၏ ပန်းခင်းလမ်းပေါ်မှာ ယခုတစ်ကြိမ် ဆူးခလုတ်များ ကျရောက်လာနေပြီလားဟု အားကိုးယုံကြည်စွာ တွေးမိရင်း ပြည်ထောင်စုအစိုးရမှ အထူးမူးယစ်ရဲတပ်ဖွဲ့ဝင်(၁၅) ဦး၏ မှန်မှန်ကန်ကန်နှင့် ထိထိရောက်ရောက် ဘာသာလူမျိုး မခွဲခြားဘဲ ရောင်းဝယ်နေသူမှန်သမျှကို ဖော်ထုတ်ဖမ်းဆီး အရေးယူနေမည့် မူးယစ်ဘုရင်များ သုတ်သင်ရေးအစီစဉ်ကို ရင်တမမနှင့် စောင့်မျှော်နေပါကြောင်းပါခင်ဗျား.....။

Peace Father သည် မောင်တောမြို့မှ ဒေသခံ တစ်ဦး ဖြစ်သည်။

Comment ရေးရန်

Rohingya Exodus