ကြိမ်ချောင်းမှ နယ်ခြားစောင့် ရဲများက ဒေသခံများကို နည်းအမျိုးမျိုးဖြင့် ခြိမ်းခြောက် ငွေညှစ်

သြဂုတ်လ (၃၁) ရက်နေ့တွင် တပ်သား အောင်ကျော်မင်း အပါအ၀င် နယ်ခြားစောင့်ရဲ အချို့သည် ကြိမ်ချောင်း - တောင်ပြို လမ်းရှိ တံတားပေါ်မှ ဖြတ်သန်း သွားလာသည့် ရိုဟင်ဂျာများကို စစ်ဆေးပြီး အမျိုးမျိုး လုပ်ကြံ ခြိမ်းခြောက်၍ ငွေညှစ်ခဲ့သည်။ ကြိမ်ချောင်း ကျေးရွာအုပ်စု၊ အလယ်ရွာမှ ဦးမာမတ်အာမီးန်၏ သမီး ဒေါ်ဟာလေဒါဘေဂမ်သည် တောင်ပြို လက်ဝဲမြို့နယ်ခွဲ၊ ဇီးပင်ချောင်းရွာမှ နေအိမ်သို့ ပြန်လာနေစဉ် တပ်သား အောင်ကျော်မင်းက သူမ၏ လက်ဆွဲအိတ်ကို စစ်ဆေး၍ ဆေးစာ တစ်စောင် တွေ့သည့်အခါ တရားမ၀င် ဘင်္ဂလားဒေ့ရှ် နိုင်ငံသို့ သွားရောက်ပြီး ပြန်လာသည်ဟု စွပ်စွဲ၍ ခြိမ်းခြောက်ပြီး ငွေကျပ် ငါးသောင်း ညှစ်ယူခဲ့ကြောင်း ဒေသခံ တစ်ဦးက RB News သို့ပြောသည်။ 

စက်တင်ဘာလ (၇) ရက်နေ့တွင် တပ်သား ဇော်ဇော်၊ ကြိမ်ချောင်း ကျေးရွာမှ ဦးနူရ်ဂျူဟာရ်နှင့် စခန်း တာဝန်ခံ ရဲအုပ်တို့သည် ကြိမ်ချောင်း ကျေးရွာအုပ်စု အလယ်ရွာမှ ဦးပူတိယား (ခ) ဦးအောင်ကြီး (ဘ) ဦးနူရူဟောက်၏ Lifan ကားသည် အောင်စစ်ပြင် ကျေးရွာမှ အပြန် လမ်းပေါ်မှ ဆင်းသွားခဲ့သည်ဟု ဆိုကာ ဦးပူတိယားကို ဖမ်းဆီး ချုပ်နှောက်ကာ ရိုက်နှက်၍ ငွေကျပ် တစ်သိန်း ရှစ်သောင်း ညှစ်ယူခဲ့သည်။ 

စက်တင်ဘာလ (၉) ရက်နေ့တွင် မောင်နှမ ကျေးရွာမှ ဦးမာမတ်အီလီယာစ်သည် ကြိမ်ချောင်းဈေးမှ ဆိုင်ကယ်စီး၍ ကြိမ်ချောင်း ကျေးရွာအုပ်စု ရွာသစ်သို့ သွားနေစဉ် မြိုလူမျိုး တစ်ဦးကို ဆိုင်ကယ်ဖြင့် တိုက်မိသည်ဟု တပ်သား အောင်ကျော်မင်းနှင့် ဦးနူဂျူဟာရ်တို့က လုပ်ကြံ စွပ်စွဲ၍ ငွေကျပ် ငါးသောင်း ညှစ်ယူခဲ့သည်။ 

နယ်ခြားစောင့်ရဲများက ဒေသခံများထံမှ ညှစ်ယူ၍ ရသည့် ငွေများထဲမှ စခန်းတာဝန်ခံကို ဝေစု တစ်ဝက် ပေးရသည်ဟု သိရသည်။ စခန်းတာဝန်ခံ ရဲအုပ်က ဝေစုတစ်ဝက် ရရှိသောကြောင့် ၎င်း၏ လက်အောက်ငယ်သား များကို မတရားသဖြင့် ငွေညှစ်ရန် အမြဲအားပေးလေ့ ရှိသည်ဟု ဒေသခံများက ဆိုသည်။ ၎င်းကိုယ်တိုင် ကြိမ်ချောင်း ဈေးသို့ သွားရောက်၍ ဈေးသည်များထံမှ ငွေတောင်းသည့် အခါ ဈေးသည်များက ငွေမပေးပါက လူနှင့် ပစ္စည်းများကို ကန်ကျောက် ပျက်စီးလေ့ ရှိသည့် အပြင် နေ့စဉ် နေ့တိုင်း ဆိုင်ကယ်စီး၍ ရွာများ အထဲသို့ ၀င်ရောက်ကာ လမ်းတစ်လျှောက် တွေ့ရှိသမျှ ရိုဟင်ဂျာများကို အစိမ်းနုရောင် ကဒ်ပြား ပြခိုင်းပြီး၊ မပြနိုင်သူများကို လူမျိုးဘာသာ ခွဲခြား၍၊ တိရစ္ဆာန်နှင့် နှိုင်းယှဉ်ကာ စော်ကား ဆဲဆို၍ ရိုက်နှက်ကြောင်း ဒေသခံများက ပြောပါသည်။