လိင်အကြမ်းဖက်ရန် ကြိုးစားသူ များ၏ ရန်မှ ကာကွယ်ရန် ကြိုးစားသူကို ဖမ်းဆီး၍ ငွေညှစ်

ဘူးသီးတောင် ။ ။ ရခိုင်ပြည်နယ်၊ ဘူးသီးတောင် မြို့နယ် တောင်ပိုင်း၊ ဘုရားပြင်အောင်ပ ကျေးရွာအုပ်စု အကွက် (၈) မှ ဦးရှာဖ်အုဒ္ဒိန်ကို ၂၀၁၂ ခုနှစ်တွင် အိမ်ထောင်စု စာရင်းမှ ပယ်ဖျက်လိုက်သဖြင့် မိမိ၏ နေရပ်တွင် မနေနိုင်တော့ဘဲ ဘင်္ဂလားဒေ့ရှ် နိုင်ငံသို့ ထွက်ပြေး သွားခဲ့ရသည်။ ထို့ကြောင့် ၎င်း၏ ဇနီး ဖြစ်သူ ဇနီး ဒေါ်မောင်တာစ်ဘေဂမ် (အသက် ၃၈ နှစ်) မှာ (၇) နှစ် အရွယ် သားလေးနှင့် (၅) နှစ် အရွယ် သမီးလေးတို့နှင့် အတူ နေအိမ်တွင် ခင်ပွန်းမပါဘဲ နေရသည်။ 

ခင်ပွန်း မရှိတော့သည့် ဒေါ်မောင်တာစ်ဘေဂမ်မှာ အလွန်ဆင်းရဲ၍ သူများအိမ်တွင် အလုပ်လုပ် (အစေခံ) ခြင်းဖြင့် ကလေး နှစ်ဦးကို ကျွေးမွေး ပြုစု နေထိုင်ရသည်။ 

ဘုရားပြင်အောင်ပ ကျေးရွာ အုပ်ချုပ်ရေးမှူး မောင်ချမ်းသာနှင့် နယ်ခြားစောင့်ရဲ များ၏ တပည့် ဖြစ်သူ အကွက် (၁) မှ မူဟိဖ်ဘူလ္လာနှင့် အကွက် (၈) မှ ကာဆိမ် တို့နှစ်ဦးက ဒေါ်မောင်တာစ်ဂေမ်ကို ဖျက်ဆီးရန် ကြိုးစားနေသည်မှာ တစ်နှစ်ကျော် ရှိနေပြီ ဖြစ်သည်ဟု ဒေသခံ ရွာသားများက RB News သို့ပြောပါသည်။ သို့သော်လည်း ဒေါ်မောင်တာစ်ဘေဂမ်မှာ ရိုးသားစွာ အသက်မွေးဝမ်းကျောင်း ပြုနေသူ တစ်ဦး ဖြစ်ပြီး၊ အကျင့်ပျက် အမျိုးသမီး တစ်ဦး မဟုတ်သဖြင့် ၎င်းတို့ စိတ်တိုင်းကျ ခြယ်လှယ်ခွင့် မရခဲ့ပေ။ မည်သို့ပင် ဆိုစေကာမူ နယ်ခြားစောင့်ရဲ များ၏ တပည့်များသည် ၎င်းတို့တွင် ရှိသော သြဇာ အာဏာဖြင့် သူမအား မကြာခဏ နှောက်ယှက် လေ့ရှိသည်။ 

ဒီဇင်ဘာလ (၃) ရက်နေ့ ည ၉ နာရီ အချိန်တွင် အဆိုပါ တပည့်နှစ်ဦးက သူမ၏ နေအိမ်တံခါးကို ချိုးဖောက်၍ ၀င်ရောက်၍ ကန်ကျောက် နေစဉ် သူမက အော်ဟစ်၍ အိမ်နီးချင်းများ ထံမှ အကူအ ညီ တောင်းခံခဲ့သည်။ သူမ၏ အော်သံကြား၍ အိမ်နီးချင်း ဦးဇော်ကော်ရီယာ၏ သား အာဗ်ဒူလ္လာက သွားရောက်၍ ကူညီရန် ကြိုးစားရာ တပည့်နှစ်ဦးက အဗ်ဒူလ္လာကို ဖမ်းဆီးပြီး အုပ်ချုပ်ရေး မှူး မောင်ချမ်းသာ ကို ဖုန်းဆက်၍ အဗ်ဒူလ္လာက ဒေါ်မောင်တာစ်ဘေဂမ်ကို မုဒိန်းကျင့်ရန် ကြိုးစားနေစဉ် ဖမ်းဆီးခဲ့သည်ဟု အကြောင်းကြား၍ အုပ်ချုပ်ရေးမှူး ထံသို့ သွားရောက်၍ အပ်နှံခဲ့သည်။ 

အုပ်ချုပ်ရေးမှူးက အဖြစ်မှန်ကို မစုံစမ်းဘဲ တပည့်များ၏ စကားကို နားထောင်ကာ အဗ်ဒူလ္လာကို ကင်းရုံတွင် တစ်ညလုံး ကြိုးဖြင့် ချည်နှောင် ထားခဲ့သည်။ နောက်နေ့ မိုးလင်းသည်နှင့် ညောင်ချောင်းရှိ နယ်ခြားစောင့် ရဲတပ်ဖွဲ့ စခန်းသို့ အပ်နှံလိုက်သည်။ နယ်ခြားစောင့်ရဲ များက ဒေါ်မောင်တာစ်ဘေဂမ် ကို ခေါ်ယူ ၍ မေးမြန်းရာ သူမ အဖြစ်အပျက် အမှန်ကို ပြောပြသော်လည်း တပည့်နှစ်ဦးကို အရေးမယူသည့် အပြင် အဗ်ဒူလ္လာကိုလည်း ပြန်မလွှတ်ဘဲ ချုပ်နှောင် ထားခဲ့သည်။ ထို့အပြင် ဒေါ်မောင်တာစ်ဘေဂမ်ကိုလည်း မည်သည့် အာဏာပိုင်ကိုမှ တိုင်တန်းခြင်း မပြုပါဟု လျှောက်လွှာ စာရွက် အလွှတ်တွင် လက်ဗွေနှိပ် ခိုင်းခဲ့သည်ဟု ဒေသခံ တစ်ဦးက RB News သို့ပြောပါသည်။ 

နယ်ခြားစောင့်ရဲ များက အဗ်ဒူလ္လာကို ရိုက်နှက်၍ ငွေကျပ် တစ်သိန်း ခြောက်သောင်း ညှစ်ယူ၍ ပြန်လည် လွှတ်ပေးခဲ့ကြောင်း သိရသည်။