နောက်ဆုံးသတင်း/ဆောင်းပါးများ

ညအပြင်ထွက်သူက ၎င်းအား ဓါတ်မီးဖြင့် ထိုးကြည့်သူအား မေးမြန်းခြင်းကြောင့် ဖမ်းဆီးခံရ



Rohingya Eye
RB News
21.12.2015

မောင်တော ။ ။ ရခိုင်ပြည်နယ်၊ မောင်တော မြို့နယ် မြောက်ပိုင်း ကျီးကန်းပြင် ကျေးရွာအုပ်စု၊ အလယ်ရွာ ရှာကူရီးအစ္စလာမ် (ဘ) ဦးမာမတ်ဟူဆောင်း (အသက် ၂၂ နှစ်) သည် ဒီဇင်ဘာလ (၁၅) ရက်နေ့ ည (၁၀) နာရီ အချိန်တွင် နေအိမ်မှ ထွက်ခွာလာခဲ့ရာ လမ်းတွင် ကျီးကန်းပြင် အခြေစိုက် နယ်ခြားစောင့် ရဲတပ်ဖွဲ့ စခန်းမှ စခန်းမှူး၏ တပည့် မာမတ်တာဟဲရ် (အသက် ၂၁ နှစ်) က ၎င်း၏ မျက်နှာတည့်တည့်ကို ဓါတ်မီးဖြင့် ထိုးခဲ့သည်။ ထို့ကြောင့် ဓါတ်မီးထိုးသူအား မည်သူလဲဟု မေးမြန်းရာ ဖြေကြားခြင်း မရှိသဖြင့် ဓါတ်မီးထိုးရာဘက်သို့ လိုက်ရာ၊ ဓါတ်မီးထိုးသူက ထွက်ပြေးသွားခဲ့သည်။ ထွက်ပြေးနေစဉ် အိမ်တစ်အိမ်၏ တံခါးဖြင့် တိုက်မိသဖြင့် လက်တစ်ဖက်တွင် ဒဏ်ရာရရှိခဲ့သည်။ ထို့နောက် ထွက်ပြေးသူ မာမတ်တာဟဲရ်က နယ်ခြားစောင့်ရဲ များကို ဖုန်းဆက်၍ အကြောင်းကြားခဲ့သည်။ 

နယ်ခြားစောင့်ရဲများ ရွာထဲသို့ ရောက်ရှိလာပြီး ရှာကူရီးအစ္စလာမ်ကို အိပ်ရာမှ နိုးပြီး သေနတ်ဖြင့် ထောက်ကာ ဖမ်းဆီး သွားပြီး၊ ဒီဇင်ဘာလ (၁၆) ရက်နေ့တွင် အမှုဆင်ကာ တရားရုံးသို့ တင်ပြီး၊ ဘူးသီးတောင်မြို့ရှိ အကျဉ်းထောင်သို့ ပို့လိုက်သည်။ မာမတ်တာဟဲရ် ဆိုသူသည် နယ်ခြားစောင့်ရဲ များနှင့် ပူးပေါင်း၍ ရွာသားများကို မဟုတ်မမှန် အမှုဆင်ကာ ငွေညှစ်နေသူ တစ်ဦး ဖြစ်သည်ဟု ရွာသားများက RB News သို့ပြောပါသည်။ 

၎င်းက ရှာကူရီးအစ္စလာမ်မှ ဓါးဖြင့်ထိုးရန် ကြံရွယ်သည်ဟု အမှုဆင်ကာ နယ်ခြားစောင့်ရဲ များနှင့် ဖမ်းဆီးခိုင်းခဲ့ခြင်း ဖြစ်သည်။ သို့သော်လည်း ရှာကူရီးအစ္စလာမ်က နေအိမ်မှ ထွက်ခွာရာတွင် မည်သည့် လက်နက် တစ်စုံတစ်ရာမှ မပါရှိခဲ့ကြောင်း မိသားစုများက အတည်ပြု ပြောကြားသည်။ ယခုကဲ့သို့ လုပ်ကြံ ပြောဆိုမှုကြောင့် ဖမ်းဆီးထားခြင်းမှာ မတရားလုပ်ခြင်းသာ ဖြစ်သဖြင့် အဖြစ်မှန်ကို စုံစမ်း၍ အမြန်ဆုံး ပြန်လည် လွှတ်ပေးရန် တောင်းဆိုကြောင်း မိသားစုဝင်များက ပြောပါသည်။

Comment ရေးရန်

Rohingya Exodus