နောက်ဆုံးသတင်း/ဆောင်းပါးများ

ဇော်မတက်မှ သင်္ချိုင်းမြေ တူးဖော်နေခြင်းကို ရပ်တန့် ပေးရန် ရွာသားများ တောင်းဆို



Rohingya Eye
RB News
29.12.2015

မောင်တော ။ ။ ရခိုင်ပြည်နယ်၊ မောင်တော မြို့နယ် တောင်ပိုင်း၊ ဇော်မတက် ကျေးရွာ၏ အရှေ့ဘက်၌ တည်ရှိသော် သင်္ချိုင်းသည် ရခိုင် န.တ.လ ရွာအနီးတွင် တည်ရှိပြီး၊ ၂၀၁၂ ခုနှစ် ပဋိပက္ခ နောက်ပိုင်း သင်္ချိုင်း အနီးအနားရှိ ရိုဟင်ဂျာ နေအိမ်များကို ရခိုင် န.တ.လ များက ရံဖန်ရံခါ မီးတင်ရှို့ခဲ့ခြင်း၊ အနှောက်အယှက် ပေးခဲ့ခြင်းများကို မခံနိုင်၍ သင်္ချိုင်း အနီးအနားရှိ ရိုဟင်ဂျာ နေအိမ်များ အားလုံး အခြား အနီးအနား ရွာများသို့ ၀င်ရောက်၍ ခိုလှုံလျက် ရှိနေကြသည်။ 

ထိုအချိန်မှစ၍ အဆိုပါ သင်္ချိုင်းတွင် အလောင်းများ သဂြိုဟ်ခြင်း မရှိတော့သည့် အပြင်၊ န.တ.လ ရွာသားများ၏ ရန်ပြုမှုကို ကြောက်ရွံ၍ ရိုဟင်ဂျာများ အဆိုပါ နေရာသို့ သွားလာခြင်း မရှိတော့သဖြင့် ဒီဇင်ဘာလ (၂၆) ရက်နေ့မှ စ၍ ဆောက်လုပ်ရေး ဌာနမှ လုပ်သားများက ဇော်မတက် နယ်ခြားစောင့် ရဲတပ်ဖွဲ့ စခန်း၏ ရှေ့လမ်းအတွက် အဆိုပါ သင်္ချိုင်းမှ မြေတူး၍ မြေများ သယ်ဆောင်လျက် ရှိသည်။ 

ထိုသို့ မြေတူးရာတွင် အလောင်းများ မြှပ်နှံခဲ့သည့် နေရာများကိုပါ တူးနေသဖြင့် လူသေများ၏ အရိုးအကြွင်းအကျန်များကိုပါ သယ်ဆောင်လျက် ရှိနေကြောင်း ရွာသားများထံမှ သိရှိရသည်။ ထိုသို့ မြေတူးနေခြင်းကို အမြန်ဆုံး ရပ်တန့် ပေးရန် ရွာသားများက လိုလားကြောင်း ဒေသခံ တစ်ဦးက RB News သို့ပြောပါသည်။ ၎င်းတို့က ထိုကဲ့သို့ မြေတူး၍ သယ်ဆောင်နေခြင်းမှာ အစ္စလာမ်ဘာသာဝင် များအား စော်ကားသည့် လုပ်ရပ်ဟု ရှုမြင်နေကြသည်ဟု ဆိုသည်။

Comment ရေးရန်

Rohingya Exodus