နောက်ဆုံးသတင်း/ဆောင်းပါးများ

ရခိုင်ရွာတွင် ကျွဲ၊ နွားဝယ်ယူရန် သွားရောက်သူ တစ်ဦးကို ရခိုင်များက သတ်ဖြတ်



MYARF
RB News
6.12.2015

ဘူးသီးတောင် ။ ။ ရခိုင်ပြည်နယ်၊ ဘူးသီးတောင် မြို့နယ် တောင်ပိုင်း၊ ဖုရားပြင်အောင်ပ ကျေးရွာအုပ်စု၊ အကွက် (၃) မှ အဒူဂေါ်နီ (ဘ) ဦးအစ္စမိုင်လ်၊ ဈေးကုန်တန်းရွာမှ မာမတ်ဟာရှိမ် (ဘ) ဦးဂျာမာလ် (အသက် ၂၇ နှစ်) နှင့် ဖရုံချောင်း ကျေးရွာအုပ်စု၊ ဒိုးတန်း (၂) ရွာမှ မာမတ်ဒူလ္လာ (ဘ) ဦးတာဟဲရ် တို့သည် ဒီဇင်ဘာလ (၁) ရက်နေ့တွင် ငွေကျပ် သိန်း ၁၅၀ ဖြင့် ရသေ့တောင် မြို့နယ် ကျောက်ဖြူတောင် ကျေးရွာ (ရခိုင်ရွာ) သို့ ကျွဲ၊ နွား ၀ယ်ယူရန် သွားရောက်ပြီး ညနေ နေ၀င်ပြီးချိန်တွင် စက်တပ် စက်လှေငယ် တစ်စီးဖြင့် ပြန်လာနေစဉ် သမီးလှကျေးရွာ အနီးသို့ ရောက်သောအခါ ရခိုင်များ မောင်းနှင်လာသော စက်လှေကြီး တစ်စီးက တမင် ၀င်တိုက်ရာ၊ စက်လှေပေါ်ရှိ (၃) ဦးမှ (၂) ဦး မြစ်ထဲ ပြုတ်ကျသွားပြီး စက်လှေပေါ်တွင် ကျန်ရှိသည့် မာမတ်ဟာရှိမ်ကို ရခိုင်များက ၎င်းတို့၏ စက်လှေပေါ်သို့ တင်လိုက်ပြီး ၀ိုင်းဝန်း၍ ရိုက်နှက်၍ မြစ်ထဲ ပစ်ချခဲ့သည်။ 

ရခိုင်များ၏ ရိုက်နှက် ထိုးကြိတ်မှုကြောင့် မာမတ်ဟာရှိမ်၏ ခြေထောက် တစ်ဖက် ကျိုးသွားပြီး မျက်စိ တစ်ဖက်လည်း ကွယ်သွားသည်။ လှေပေါ်မှ ပြုတ်ကျသူ နှစ်ဦးမှ အဒူဂေါ်နီကိုလည်း ရခိုင်များက လှော်တက်ဖြင့် ရိုက်နှက်သဖြင့် သွားနှစ်ချောင်း ကျိုးသွားခဲ့သည်။ ရခိုင်များက ပြင်းပြင်းထန်ထန် တိုက်ခိုက်နေသည့်ကြားမှ မြစ်ထဲ ပြုတ်ကျသွားသူ နှစ်ဦး ရေကူး၍ တစ်ဖက်ကမ်းသို့ တက်နိုင်ခဲ့သည်။ ၎င်းတို့ နှစ်ဦး အိမ်သို့ရောက်ပြီး၊ မာမတ်ဟာရှိမ်၏ မိသားစုနှင့် အခြားသော ရွာသာများအား ပြောပြပြီးနောက် ရွာသားများက မာမတ်ဟာရှိမ်ကို သွားရောက် ရှာဖွေခဲ့သော်လည်း မတွေ့ရှိခဲ့ပေ။ 

နောက်နေ့တွင် အနီးအနား ကျေးရွာများရှိ တံငါသည်များကို မာမတ်ဟာရှိမ်၏ အလောင်းကို ရှာဖွေ ပေးရန် တောင်းဆိုခဲ့သည်။ မာမတ်ဟာရှိမ်၏ အလောင်းကို ရှာဖွေနေစဉ် ဒီဇင်ဘာလ (၂) ရက်နေ့တွင် သမီးလှ ကျေးရွာအုပ်စုမှ တံငါသည်များက အမျိုးသမီး အလောင်းတစ်လောင်း ရှာဖွေ တွေ့ရှိခဲ့သည်။ အဆိုပါ အမျိုးသမီးမှာ အ၀တ်ဗလာ ဖြစ်နေပြီး ကိုယ်ဝန်ရှိနေသူ တစ်ဦး ဖြစ်ကြောင်း တွေ့ရှိခဲ့သည်။ ထိုအမျိုးသမီးမှာ ရိုဟင်ဂျာ အမျိုးသမီး တစ်ဦး ဖြစ်ကြောင်း သိရှိရသော်လည်း မည်သည့်ရွာမှ မည်သူမည်ဝါ ဖြစ်ကြောင်း မသိရှိရသေးပေ။ တံငါသည်များက အာဏာပိုင်များအား အကြောင်းကြားရာ အာဏာပိုင်များ လာရောက် ကြည့်ရှုပြီးနောက် သမီးလှ ကျေးရွာတွင်ပင် မြေမြှပ် သဂြိုဟ်ခဲ့သည်။ 

ဒီဇင်ဘာလ (၅) ရက်နေ့ နံနက် ၂ နာရီတွင် သေကံကျေးရွာမှ တံငါသည်များက မာမတ်ဟာရှိမ်၏ အလောင်းကို သေကံကျေးရွာအနီး မြစ်ထဲတွင် မျှောနေသည်ကို တွေ့ရှိ၍ မိသားစုအား အကြောင်းကြားခဲ့သည်။ ထို့နောက် မိသားစုက အလောင်းကို အိမ်သို့ သယ်ယူရန် ကြိုးစားခဲ့ရာ အာဏာပိုင်များ၏ တားဆီး ဟန့်တားမှုကြောင့် ထိုနေရာတွင်ပင် ထားခဲ့ရသည်။ 

နံနက် ၆ နာရီ အချိန်တွင် ရသေ့တောင် ရဲစခန်းသို့ သယ်ယူသွားပြီး စစ်ဆေးကာ ညနေပိုင်းတွင် မိသားစုအား လွှဲပြောင်း ပေးခဲ့သည်။ ရသေ့တောင် ရဲစခန်းက မိသားစုထံမှ ငွေအချို့ ညှစ်ယူခဲ့ကြောင်း ဒေသခံများက RB News သို့ပြောပါသည်။ အလောင်းကို အိမ်သို့ သယ်ဆောင် ပြီးနောက် ညောင်ချောင်း ကျေးရွာ အခြေစိုက် နယ်ခြားစောင့်ရဲများက အလောင်းကို စစ်ဆေးရန် ရမည်၊ မြေမြှပ်ခွင့် မရှိဟု ဆိုကာ ငွေတောင်းခံနေသောကြောင့် ယခုအချိန်ထိ မြှပ်၍ မရသေးကြောင်း သိရှိရသည်။

Comment ရေးရန်

Rohingya Exodus