မောင်တော ပန်းတောပြင်မှ အာရဗီ အခြေခံ စာသင်ကျောင်း ဖျက်ဆီးခံရ

မောင်တော မြို့နယ်နှင့် တစ်မိုင်ခန့်အကွာ ပန်းတောပြင် ကျေးရွာအုပ်စု၊ အရှေ့ရွာရှိ အာရဗီ အခြေခံ စာသင်ကျောင်း (မောဂ်တောဗ်ကျောင်း) သည် ယခုနှစ် ဇူလိုင်လတွင် တိုက်ခတ်ခဲ့သော ကိုမန်ဆိုက်ကလုံး မုန်တိုင်းဒဏ်ကြောင့် ပျက်စီးသွားခဲ့သည်။ သို့ဖြစ်၍ ယင်းစာသင်ကျောင်းကို ဒေသခံ ရွာသားများက နိုဝင်ဘာလတွင် ပြုပြင်ခဲ့သည်။

ကိုမန်ဆိုက်ကလုံး မုန်တိုင်း တိုက်ခတ်ခဲ့အပြီး ဘူးသီးတောင်မြို့သို့ ရောက်ရှိလာခဲ့သော နိုင်ငံတော် သမ္မတ ဦးသိန်းစိန်က မုန်တိုင်းကြောင့် ပျက်စီးသွားခဲ့သော သာသနာ့ အိမ်တော်များ၊ စာသင်ကျောင်းများကို အမြန်ဆုံး ပြုပြင်လိုက်ရန် ပြောဆိုခဲ့သောကြောင့် ရွာသားများက စာသင်ကျောင်းကို ပြုပြင်ခဲ့ခြင်း ဖြစ်သည်။

အမိန့်မယူဘဲ စာသင်ကျောင်း ပြုပြင်သည်ဟုဆို၍ မန်းကျည်ချောင်း အခြေစိုက် နယ်ခြားစောင့် ရဲတပ်ဖွဲ့ စခန်းမှူး (ရဲအုပ်)၊ ဂေါ်ဒူသာရ တံတား စခန်းရှိ ရဲမှူးငြိမ်းချမ်းအောင်၊ သုံးမိုင် ဒေသ (၃) မှ ဒေသမှူးတို့က ပန်းတောပြင် ကျေးရွာ အုပ်ချုပ်ရေးမှူး မှတဆင့် စာသင်ကျောင်း ဂေါပကထံမှ ငွေတောင်းခံခဲ့သည်။ ငွေမပေးပါက ဖမ်းဆီးထောင်ချမည်ဟု ကျေးရွာ အုပ်ချုပ်ရေးမှူး ရုံးသို့ အကြောင်းကြားခဲ့ သဖြင့် စာသင်ကျောင်း ဂေါပကအဖွဲ့က ဖမ်းဆီးထောင်ကျခံရမည်ကို ကြောက်ရွံ့၍ ငွေပေးရန် သဘောတူခဲ့သည်။ 

အုပ်ချုပ်ရေးမှူးနှင့် မန်ကျည်ချောင်း နယ်ခြားစောင့် ရဲတပ်ဖွဲ့ စခန်းမှူး၏ တပည့် ဖြစ်သူ ဦးဆုလ်တာန် (ဘ) ဦးရှုနာအလီက အုပ်ချုပ်ရေးမှူးမှ ၎င်းကို ငွေအတွက် စေလွှတ်သည်ဟု ဆိုကာ ဂေါပကများထံက ငွေကျပ် ၁၈ သိန်း ယူသွားခဲ့သည်။ ဂေါပက ကလည်း ဦးဆုလ်တာန်သည် ကျေးရွာ အုပ်ချုပ်ရေးမှူး၏ တပည့် ဖြစ်သဖြင့် ၎င်းပြောဆိုသည်ကို ယုံကြည်၍ ငွေပေးခဲ့သော်လည်း ဦးဆုလ်တာန်က အာဏာပိုင် အဖွဲ့အစည်းများသို့ ငွေမည်မျှ ပေးခဲ့သည် ဆိုသည်ကိုမှု မသိရှိရကြောင်း ဒေသခံများက RB News သို့ပြောပါသည်။

နိုဝင်ဘာလ နောက်ဆုံး အပတ်တွင် ဦးဆုလ်တာန်သည် ဂေါပကထံ တစ်ဖန် သွားရောက်၍ မြို့နယ် အုပ်ချုပ်ရေးမှူးနှင့် သာသနာရေး ဦးစီးမှူးတို့က ငွေတောင်းခံနေသည်ဟု ဆိုကာ ထပ်မံ၍ ငွေကျပ် ၁၅ သိန်း တောင်းခံရာ ဂေါပက ကငွေပေးရန် အခက်ကြုံခဲ့သဖြင့် မြို့နယ် အုပ်ချုပ်ရေးမှူးရုံးမှ စာသင်ကျောင်း ဂေါပကအဖွဲ့ကို ဒီဇင်ဘာလ လဆန်းပိုင်းတွင် ရုံးသို့ဆင့်ခေါ်၍ နှစ်ကြိမ်တိုင်တိုင် စစ်ဆေးခဲ့ပါသည်။

ထို့နောက် ၂၀၁၅ ခုနှစ် ဒီဇင်ဘာလ ၁၀ ရက်နေ့၌ စာသင်ကျောင်းကို ဖျက်သိမ်းရန် မြို့နယ်အုပ်ချုပ်ရေးမှူးက အမိန့်ထုတ်ပြန်ခဲ့သည်။ ရွာသားများက မဖျက်သိမ်းဘဲနေသဖြင့် ဒီဇင်ဘာလ ၁၃ ရက်နေ့ နေလည် ၁၂း၀၀ နာရီချိန်တွင် မြို့နယ်အုပ်ချုပ်ရေးမှူးရုံးမှ စာရေး သုံးယောက်၊ သာသနာရေးဦးစီးဌာန၊ သုံးမိုင် နယ်ခြားစောင့် ရဲတပ်ဖွဲ့ စခန်းမှ ရဲမှူး၊ မန်းကျည်ချောင်း စခန်း မှ ရဲအုပ် (စခန်းမှူး) တို့သည် ကျေးရွာ အုပ်ချုပ်ရေးမှူးရုံး သို့ရောက်ရှိလာပြီး ဂေါပကကို ခေါ်ယူကာ မွန်းလွဲ ၂ နာရီ အချိန်တွင် အဆိုပါ စာသင်ကျောင်းကို ဖျက်ဆီးခဲ့သည်။

အာဏာပိုင်များက စာသင်ကျောင်း တစ်ကျောင်းလုံးကို မဖျက်ဆီးဘဲ အုတ်နံရံလေးဘက်မှ အချို့ကိုသာ ဖျက်ဆီးပြီး ပြန်လည် ထွက်ခွာသွားခဲ့သည်။ 

ရွာသားများကမူ ငွေကျပ် ၁၈ သိန်းပေးခဲ့သော ဦးဆုလ်တာန်ကို မယုံသင်္ကာ ဖြစ်နေပြီး ၎င်းက အာဏာပိုင်များကို ငွေအပြည့် အ၀ မပေးလိုက်သောကြောင့် စာသင်ကျောင်း ဖျက်ဆီးခြင်း ခံလိုက်ရသည်ဟု ယူဆနေကြသည်။

အုပ်ချုပ်ရေးမှူးနှင့် မန်ကျည်ချောင်း နယ်ခြားစောင့် ရဲတပ်ဖွဲ့ စခန်းမှူး၏ တပည့် ဖြစ်သူ ဦးဆုလ်တာန် (ဘ) ဦးရှုနာအလီသည် ယခင်ကလည်း အာဏာပိုင်အဖွဲ့အစည်း များ၏ အမည်ကို အလွဲသုံးစား ပြုလုပ်၍ ရွာသားများကို မဟုတ်မတရား အနိုင်ကျင့်ခြင်း၊ လိမ်လည်ခြင်း၊ နှောက်ယှက်ခြင်းများ ပြုခဲ့သူ ဖြစ်ပါသည်။ ၎င်းသည် ထိုခဲ့သော မဟုတ်မတရား ကျူးလွန်ခဲ့သည်ကို ရွာသားများက တိုင်တန်းခဲ့ရာ ပြစ်မှု ထင်ရှားသဖြင့် ထောင် (၇) နှစ် ကျခံခဲ့ဖူးပြီး ၂၀၁၃ ခုနှစ်တွင် ပြန်လည် လွတ်မြောက် လာခဲ့ခြင်း ဖြစ်သည်။