နောက်ဆုံးသတင်း/ဆောင်းပါးများ

အနောက်ပြင် ကျေးရွာ လက်ရှိ အုပ်ချုပ်ရေးမှူးက ရွေးကောက်ပွဲ ရှုံးနိမ့်၍ ရွာသားများကို ခြိမ်းခြောက်လျက်ရှိ



MYARF
RB News
23.1.2016

ရသေ့တောင် ။ ။ ရခိုင်ပြည်နယ်၊ ရသေ့တောင် မြို့နယ်၊ အနောက်ပြင် ကျေးရွာတွင် မြို့နယ် အုပ်ချုပ်ရေးမှူးက ဌာနဆိုင်ရာများနှင့် ဖွဲ့စည်းပေး ထားသည့် အုပ်ချုပ်ရေးမှူး ရွေးချယ်ရေး အဖွဲ့က ဇန်န၀ါရီလ (၁၄) ရက်နေ့တွင် ရွေးကောက်ပွဲ ကျင်းပခဲ့သည်။ အဆိုပါ ရွေးကောက်ပွဲတွင် ဦးရှကူရ်က လက်ရှိ ကျေးရွာ တာဝန်ခံ ဦးမောင်မောင်ကို အနိုင်ရရှိခဲ့သည်။ 

ဦးမောင်မောင်က ယင်းနေ့တွင် ရွေးကောက်ပွဲ ရလာဒ်ကို လက်ခံခဲ့သော်လည်း ဇန်န၀ါရီလ (၁၅) ရက်နေ့တွင် ရွေးကောက်ပွဲမှာ မျှတစွာ ကျင်းပခဲ့ခြင်း မရှိဟုဆိုကာ ရွေးကောက်ပွဲ ရလာဒ်ကို လက်မခံနိုင်ကြောင်း မြို့နယ် အုပ်ချုပ်ရေးမှူးသို့ တိုင်တန်းခဲ့သည်။ မြို့နယ် အုပ်ချုပ်ရေးမှူးက ဇန်န၀ါရီလ (၁၆) ရက်နေ့တွင် အုပ်ချုပ်ရေးမှူး ရွေးချယ်ရေး အဖွဲ့ကို အနောက်ပြင် ကျေးရွာသို့ ထပ်မံ စေလွှတ်ခဲ့သည်။ အဆိုပါ အဖွဲ့ ရောက်ရှိလာပြီး ဆယ်အိမ်စုမှူး များ၏ ဆန္ဒကို ယူခဲ့သည်။ ဆယ်အိမ်စုမှူးများက ဦးရှကူရ်ကိုသာ ဆက်လက်၍ ထောက်ခံကြသည်။ 

သို့ဖြစ်၍ ရွေးကောက်ပွဲ ရှုံးနိမ့်ခဲ့သော လက်ရှိ ကျေးရွာ တာဝန်ခံ ဦးမောင်မောင်က ရွာသားများနှင့် ဆယ်အိမ်စုမှူး များကို ၎င်းတာဝန် ရှိစဉ် ကာလအတွင်း ညှဉ်းပန်း နှိပ်စက်မည်ဟု ခြိမ်းခြောက်လျက် ရှိကြောင်း ဒေသခံ ရွာသားများက RB News သို့ပြောပါသည်။ 

ဇန်န၀ါရီလ (၂၀) ရက်နေ့မှ စ၍ ဆယ်အိမ်စုမှူး များကို ဦးမောင်မောင်၏ အိမ်သို့ ခေါ်၍ တစ်ဦးလျှင် ငွေကျပ် သုံးသောင်းစီ ပေး၍ ရွေးကောက်ပွဲ တစ်ဖန် ကျင်းပမည်ဖြစ်၍ ၎င်းအား ထောက်ခံမဲ ပေးရမည်ဟု ဆိုကာ ဆယ်အိမ်စုမှူး များကို အစ္စလာမ် တရားတော်နှင့် အညီ ကျိန်ဆိုခိုင်းခဲ့သည်။ ထို့နောက် ၎င်းအား ထောက်ခံမဲ မပေးပါက အမှုဖန်တီး၍ ထောင်ကျအောင် လုပ်သွားမည်၊ သို့မဟုတ် ကျေးရွာတွင် မနေနိုင်ဘဲ ထွက်ပြေးသွားရအောင် လုပ်သွားမည်ဟု ခြိမ်းခြောက်လျက် ရှိသည်။ 

ဦးမောင်မောင်က ၎င်းအား မထောက်ခံဘဲ ဝေဖန်နေသူများကို ရိုက်နှက်ရန် လူငယ် အဖွဲ့တစ်ဖွဲ့ ဖွဲ့စည်းပြီး ကျေးရွာ အတွင်း လှည့်လည်ခိုင်းသည်။ ထို့ကြောင့် ၎င်းအား မထောက်ခံသူများ အနေဖြင့် အိမ်ပြင်ထွက်ရန်ပင် ကြောက်ရွံနေကြသည်။ ရန်ကုန်မြို့တွင် နေထိုင်သည့် ဦးမောင်မောင်၏ ဦးလေ ဟာဂျီ ဦးဆော်လိမ်ကလည်း ဦးမောင်မောင်၏ လုပ်ရပ်များကို စုံစမ်းခြင်း မရှိဘဲ ၎င်းအား ထောက်ခံမဲ ပေးရန် ရွာသားများကို ဖုန်းဖြင့် တိုက်တွန်းလျက် ရှိသည်။ 

ဟာဂျီဦးဆော်လိမ်သည် လူရိုးလူကောင်း တစ်ဦးဖြစ်၍ အနောက်ပြင် ရွာသားများက အလွန် ကြည်ညို လေးစားကြသည်။ ၎င်း၏ တူတော်မောင်၏ လုပ်ရပ်ကြောင့် ၎င်း၏ ဂုဏ်သိက္ခာကိုပင် ထိခိုက်လျက် ရှိသည်။ ဟာဂျီဦးဆော်လိမ်က ရွာသားများကို ဦးမောင်မောင်အား ထောက်ခံမဲပေးအောင် တိုက်တွန်းခြင်း မပြုမှီ ၎င်း၏ တူတော်မောင် ဦးမောင်မောင်၏ အကျင့်ပျက်လုပ်ရပ်၊ ရက်စက်မှု၊ မတရား ငွေညှစ်မှု စသော လုပ်ရပ်များကို စုံစမ်း လေ့လာသင့်သည်ဟု ရွာသားများက ပြောဆိုနေကြသည်။

Comment ရေးရန်

Rohingya Exodus