မောင်တော မြို့နယ် အုပ်ချုပ်ရေးရုံးမှ ပြည်သူ အချင်းချင်း ရန်တိုက်ပေးပြီး ငွေညှစ်ရန် အကွက်ဆင်လျက်ရှိ

မောင်တော ။ ။ ရခိုင်ပြည်နယ်၊ မောင်တော မြို့နယ်၊ မြို့နယ် အုပ်ချုပ်ရေးမှူးနှင့် ယင်းရုံးမှ အကြီးအကဲများ အပါအ၀င် စာရေးများက ပြည်သူများကို အချင်းချင်း ရန်တိုက်ပေးပြီး ငွေညှစ်ရန် အကွက်ဆင်နေကြောင်း စုံစမ်း သိရှိရပါသည်။ 

၂၀၁၆ ခုနှစ် ဇန်န၀ါရီလ လဆန်းပိုင်းမှ စ၍ မောင်တော မြို့နယ်တွင် ကျေးရွာ အုပ်ချုပ်ရေးမှူးများ အသစ်ရွေးချယ်ရေး အတွက် မြို့နယ် အုပ်ချုပ်ရေးမှ ဦးစီး၍ တစ်ရွာဝင် တစ်ရွာထွက် ပုံစံဖြင့် ရွေးကောက်ပွဲများ ကျင်းပလျက် ရှိသည်။ ထိုသို့ ကျေးရွာ အုပ်ချုပ်ရေးမှူးများ ရွေးချယ်ရေး အတွက် ကျင်းပလျက် ရှိနေသည့် ရွေးကောက်ပွဲ များတွင် မြို့နယ် အုပ်ချုပ်ရေးမှ တာဝန်ရှိ ပုဂ္ဂိုလ်များက နိုင်ငံတော်၏ ရွေးကောက်ပွဲ ဆိုင်ရာ တည်ဆဲ ဥပဒေများကို ပေါ်ပေါ်တင်တင် ချိုးဖောက် နေသည်ကို လေ့လာ တွေ့ရှိရသည်။ 

ဇန်န၀ါရီလ (၁၆) ရက်နေ့တွင် မောင်တော မြို့နယ်၏ အကြီးမားဆုံး ကျေးရွာ တစ်ရွာဖြစ်သည့် မောင်တော မြို့နယ် တောင်ပိုင်း မြင်းလွှတ် ကျေးရွာ၌ ကျင်းပ ပြုလုပ်ခဲ့သည့် ရွေးကောက်ပွဲတွင် လက်ရှိ ကျေးရွာ တာဝန်ခံ ဦးနော်ဇိရ်အာမတ်နှင့် ယင်းကျေးရွာမှ ဦးအေနာတူလ္လာတို့ ၀င်ရောက် ယှဉ်ပြိုင်ခဲ့ကြရာ လက်ရှိ ကျေးရွာ အုပ်ချုပ်ရေးမှူးက ၇၃ မဲ ရရှိခဲ့ပြီး၊ ဦးအေနာတူလ္လာက ၇၄ မဲ ရရှိခဲ့ပြီး တစ်​မဲ အသာဖြင့် အနိုင်​ ရရှိသွားခဲ့သည် ။ ပယ်​မဲ နှစ်​မဲ ဖြစ်​ပြီး၊ ပယ်မဲအဖြစ် သတ်မှတ်လိုက်သော မဲများသည်​ ဦး​နော်​ဇိရ်​အမတ်ကို ​ပေး​ခဲ့​သော မဲ ဖြစ်​​နေသည်​ဟု ဒေသခံများက ပြောပါသည်။

ဦးအေနာတူလ္လာသည် ရွေးကောက်ပွဲ မကျင်းပမှီ ကတည်းက မြို့နယ် အုပ်ချုပ်ရေးရုံးမှ အရာရှိကြီးများကို ငွေပေး၍ ရွေးကောက်ပွဲတွင် ၎င်းဖက်မှ ရပ်တည်ပေးရန် စည်းရုံးခဲ့ကြောင်း စုံစမ်း သိရှိရသည်။ ထို့အပြင် ဦးအေနာတူလ္လာသည် နယ်ခြားစောင့် ရဲတပ်ဖွဲ့၏ သတင်းပေး လုပ်နေသူ တစ်ဦးလည်း ဖြစ်ရာ ၎င်းက ကျေးရွာ လူထု ကိုယ်စား မဲပေးရမည့် ဆယ်အိမ်စု ခေါင်းဆောင်များကို ၎င်းကိုသာ မဲပေးရန် ခြိမ်းခြောက်ခြင်း၊ လာဘ်ငွေ အဖြစ် ဆယ်အိမ်စု ခေါင်းဆောင် တစ်ဦးစီကို ငွေကျပ် တစ်သိန်းစီ ပေးခြင်း တို့ဖြင့် စည်းရုံးခဲ့သည်ဟု ဒေသခံများက RB News သို့ပြောပါသည်။ 

ထို့နောက် မြို့နယ်အုပ်ချုပ်ရေးမှူးရုံးမှ အဖွဲ့က မဲရှုံးခဲ့သော ဦးနော်ဇိရ်အမတ်နှင့် ၎င်းကို အားပေးသူများကို သီးခြား ခေါ်ယူတွေ့ဆုံ၍ ဦးအေနာတူလ္လာအတွက် ကန့်ကွက်စာ တင်ရန် ရန်တိုက်ပေးသည့် သဖွယ် စည်းရုံး တိုက်တွန်းခဲ့သည်။ ဦးနော်ဇိရ်အမတ် ကလည်း ကျေးရွာလူထု၏ လိုလား တောင့်တမှုကို ငဲ့ညှာ၍ ဦးအေနာတူလ္လာ အတွက် ကန့်ကွက်စာ တင်ခဲ့သည်။ မြို့နယ်အုပ်ချုပ်ရေးရုံးမှ တာဝန်ရှိ ပုဂ္ဂိုလ်များက ဦးနော်ဇိရ်အမတ်နှင့် ၎င်း၏အ ပေါင်းပါများကို ငွေကျပ် သိန်း ၁၅၀ ပေးလျှင် ရွေးကောက်ပွဲ ပြန်လည် ကျင်းပပေးမည်ဟု မက်လုံးပေး ပြောဆိုခဲ့ကြောင်း ကျေးရွာအုပ်ချုပ်ရေး ရွေးကောက်ပွဲများကို အနီးကပ် စောင့်ကြည့် လေ့လာနေသူများထံမှ စုံစမ်း သိရှိရပါသည်။

ထို့အပြင် လွန်ခဲ့သည် အပတ်က ကျင်းပ ပြုလုပ်ခဲ့သည့် မောင်တောမြို့နယ်၊ မြောက်ပိုင်း၊ ရေတွင်းကျွန်း ကျေးရွာ အုပ်ချုပ်ရေးမှူး ရွေးကောက်ပွဲတွင် မဲရှုံးနှိမ့်ခဲ့သူကို မြို့နယ်အုပ်ချုပ်ရေးရုံးမှ ရွေးကောက်ပွဲ ကျင်းပပေးရန် တာဝန်ယူသည့် အဖွဲ့က ခေါ်ယူတွေ့ဆုံ၍ အနိုင်ရသူအတွက် ကန့်ကွက်စာ တင်လျှင် ရွေးကောက်ပွဲ ပြန်လည် ကျင်းပပေးမည်၊ ထိုသို့ ပြန်လည် ကျင်းပပေးရန် မြို့နယ်အုပ်ချုပ်ရေးမှူးကို ငွေကျပ် သိန်း ၁၀၀ ပေး၍ တောင်းဆိုနိုင်သည်ဟု ပြောဆိုခဲ့ကြောင်း အဆိုပါ ရွေးကောက်ပွဲကို အနီးကပ် စောင့်ကြည့် လေ့လာနေသူများထံမှ စုံစမ်း သိရှိရပါသည်။

ဤကဲ့သို့ မြို့နယ် အုပ်ချုပ်ရေးမှူးရုံးမှ အဖွဲ့က ကျင်းပ ပြုလုပ်ပေး နေသည့် ကျေးရွာ အုပ်ချုပ်ရေမှူး ရွေးကောက်ပွဲသည် စစ်မှန်သော ရွေးကောက်ပွဲများ မဟုတ်ဘဲ ရိုဟင်ဂျာများ အချင်းချင်းကို ရန်တိုက်ပေး၍ ငွေညှစ်ရန် အကွက်ဆင် နေသည့်ပွဲသာ ဖြစ်နေကြောင်း မြို့နယ်လူထုမှ ဝေဖန်ပြောဆို နေကြသည်။ ထိုကိစ္စကို နိုင်ငံတော် အစိုးရ အကြီးအကဲများမှ အမြန်ဆုံး ကိုင်တွယ်ပြီး မှန်မှန်ကန်ကန် ဆောင်ရွက်ပေးခြင်းဖြင့် မလိုလားအပ်သော ပြဿနာများ ဖြစ်ပွားလာခြင်းမှ ထိန်းသိမ်းပေးရန် ပြည်သူများက အထူး လိုလားနေကြသည်။