နောက်ဆုံးသတင်း/ဆောင်းပါးများ

ကဗျာတစ်ပုဒ်ရဲ့ တီးတိုးလေသံ



ကဗျာတစ်ပုဒ်ရဲ့ တီးတိုးလေသံ

ရိုဟင်းစိုးမိုးဝင်း (MYARF)
RB News
2.1.2016

ဒီဇင်ဘာလ ၂၇ ရက်နေ့့။ 

မင်္ဂလာရှိသော နေ့တစ်နေ့လို့ ဆိုရမှာပါ။ 

အကြောင်းက ဘဝတူသူငယ်ချင်း တစ်ယောက်၏ မင်္ဂလာဆောင်ပွဲသို့ သွားရမှာမို့ မိုးသောက်ကပင် စိတ်များအလိုလို မြူးကြွနေသည့်ဟန့့်။ 

နေ့ထူးနေ့မြတ် တစ်ရက်ကို မင်္ဂလာရှိရှိနှင့် ဖြတ်သန်းနိုင်ဖို့ စိတ်အားထက်သန်နေသည့်ပမာ့့။ 

ထင်ခဲ့သည့်အတိုင်းပင် ဖြတ်လည်းဖြတ်သန်းနိုင်ခဲ့သည်။ မှန်းချက်နှင့်နှမ်းထွက်ကိုက်သည်ဆိုရလည်း လွန်အံ့မထင်ပါ။ မင်္ဂလာရှိသော ဤနေ့တွင် မင်္ဂလာရှိသော၊ လူသားအကျိုးပြုလည်းဖြစ်သော အလုပ်တစ်ခု လုပ်ချင်စိတ်ပေါ်လာသည်။ သို့နှင့် ခေါင်းတကုတ်ကုတ်နှင့် စဉ်းစားမိသည်။ မည်သို့ မည်ပုံ လုပ်ရမှန်းမသိ့့ ဥာဏ်ကလည်း ထိုင်းနေခိုက် ဝမ်းကလည်း ယားလာသည်။ ဝမ်းယားတုန်း ဝမ်းတင်းနေသည်ကို စမ်းကိုင်၊ ပွတ်သပ်ဇိမ်ခံနေသည်။ ထိုအခိုက် အစာရေစာ လုံလောက်စွာ မစားသောက်နိုင်ဘဲ ဝမ်းကျုံ့ရရုံ ဖြစ်နေသော ရခိုင်ပြည်တဝှမ်းရှိ ရိုဟင်ဂျာဒုက္ခသည် စခန်းက လူများကို သွားသတိရမိသည် ။ မိမိဝမ်းတင်းနေချိန်တွင် မိမိလူမျိုးအများအပြားက ဝမ်းဟာဗိုက်ဟာနေသည်မို့ မိမိဝမ်း တင်းရကျိုးမနပ်ပေ။ ဤအချိန်တွင် သူတို့လည်း ကိုယ့်အိမ်ကိုယ့်ယာနှင့် နေထိုင်နိုင်ခဲ့မည်ဆိုပါက သူတို့လည်း ဝမ်းတင်းအောင် စားနိုင်မည်ကား အမှန်ပင့့်။ 

သူတို့အား မိမိစားခဲ့သလို အရသာရှိရှိ ထမင်းတစ်နပ် ကျွေးချင်စိတ်ပေါ်လာငြားလည်း ကျွေးခွင့်က မရပါတကား။ ကောင်းမှုတစ်ခု ပြုလုပ်ရန် ကျွန်ုပ်အား ကံကြမ္မာက မျက်နှာမလိုက့့်။

ကဗျာလေးက တိုပေမယ့် ထိမိလှသည်။ ကဗျာရှင်က အပြစ်မရှိ ပြစ်ရှာတတ်သူများ ၊ ငြူစူတတ်သူများအကြောင်းကို ထိထိရောက်ရောက် ပြစ်တင်ဝေဖန်ထားသည်ကို တွေ့ရသည်။ ပြီ့း့ စိတ်ဓာတ်သိမ်ဖျင်းသူတို့၏ သဘာဝကိုလည်း တွေ့ရသည်မှာ အားရဖွယ်ကောင်းလှသည်။ စိတ်ဓာတ်သိမ်ဖျင်းသူတို့သည် သူတစ်ပါးအပေါ် အမြဲမနာလိုစိတ်ရှိတတ်သည်။ အပြစ်မရှိ အပြစ်ရှာတတ်ကြသည်။ သူတစ်ပါး ပျက်စီးရာ ပျက်စီးကြောင်း ကြံစည်လုပ်ဆောင်တတ်ကြသည်။ သို့သော်လည်း လူ့လောကတွင် သူ့ပညာနှင့်သူ ၊ သူ့ဂုဏ်နှင့်သူ ၊ သူ့အရည်အချင်းနှင့်သူ ထွန်းပြောင်နေခြင်း ဖြစ်သည်။ ထွန်းပြောင်နေသူတို့ကို ညစ်နွမ်းမှေးမှိန်အောင် လုပ်ဆောင်နိုင်မည် မဟုတ်ပါ။ သိမ်ဖျင်းသူက မှေးမှိန်အောင် လုပ်ဆောင်လေလေ ထိုသူ၏အရောင်မှာ ထွန်းပြောင်လေပင်ဖြစ်သည်။ ခွေးနှင့်လ ပမာသာဖြစ်ချေသည်။ ကောင်းကင်တွင် တောက်ပနေသော လမင်းကြီးကို မြေပြင်မှ ခွေးက ဟောင်နေသော်လည်း ရွှေလရောင်မှာ မညှိုးမှိန် ၊ ထွန်းလင်းတောက်ပမြဲသာ ဖြစ်သည်။ ထို့အတူ ပတ္တမြားရွှေဂူ၏အရောင်ကို မှေးမှိန်အောင် ငြူစူသောဝက်သည် ညွန်လူးသော ကိုယ်ဖြင့် ပွတ်တိုက်ပါသော်လည်း ပတ္တမြားရွှေဂူ အရောင်မှာ ရှေးကထက်တောက်ပလာသကဲ့သို့ပင်ဖြစ်သည်။ 

ကဗျာ၏အနှစ်သာရက ထိမိလှသည်မို့ စာဖတ်သူတွေကိုလည်း မျှဝေချင်စိတ် ဖြစ်ပေါ်မိသည် ။ လေးစားရပါသော စာဖတ်ပရိသတ်များကလည်း ဤစာကိုဖတ်ပြီး တစ်စုံတစ်ရာသောစိတ်ထားကို ပြုပြင်ပြောင်းလဲနိုင်ခဲ့သည်ဆိုပါက ကံကြမ္မာသည် စာရေးသူအား ကောင်းမှုတစ်ခု ပြုလုပ်ရန် မျက်နှာလိုက်သည်ဟု ကြုံးဝါးပြောဆိုချင်မိသည်။ ရက်ပိုင်းအနည်းငယ်က နှစ်ဟောင်းလည်း ကုန်ဆုံးပြီး နှစ်သစ်ကူးအခါသမယ ရောက်လာခဲ့ပြီမို့ လူတိုင်းလူတိုင်း နှစ်သစ်ကို စိတ်ထားမွန်မြတ်သူများအဖြစ်ဖြင့် ဖြတ်သန်းနိုင်ကြပါစေကြောင့်း့။ ရွှင်လန်းချမ်းမြေ့ကြပါစေ။

ညိုးနွမ်းခွေယိုင်ကာ ပက်လက်ကုလားထိုင်ပေါ်တွင် လဲလျောင်းလိုက်သည်။ လဲလျောင်းနေစဉ်အတွင်း အနီးရှိစာအုပ်စင်မှ စာအုပ်တစ်အုပ်ကို နှိုက်ယူသည် ။ စိတ်အာရုံကလည်း ဘယ်ဆီဘယ်လမ်းဆီသို့ ရောက်မှန်းမသိရောက်ရှာလေသည်။ စာအုပ်ကိုတော့ လှန်ချည်းလှန်နေသည် ။ စာရွက်များကို လှန်နေရင်း ကဗျာလေးတစ်ပုဒ်က မိမိ၏အာရုံကို ရုတ်တစ်ရက် ဖမ်းစားထားပါရော့ ။ မိမိ၏ အတွေးများကို တစုတစည်း ဖြစ်သွားအောင် စွမ်းဆောင်ပေးသွားသည့်ပမာ့့။ ကဗျာလေးက့့

ပတ္တမြားရွှေဂူ

ပြစ်မရှိ ပြစ်ရှာ။

လမင်းကို ခွေးဟောင်လို့
ရွှေလရောင် ပြောင်မပျက်တယ်
ထွန်းလျက်ပင်သာ ။

မြရွှေဂူပတ္တမြားကိုလ
ဝက်များက ငြူစူစွာ
ညွန်လူးကာ တိုက်နဲ ။

ပွတ်လေလေ ဂူရွှေမှာ
အရောင်ထွက်တယ်
ရှေးကထက်ကဲ။

မန်လည်ဆရာတော်

Comment ရေးရန်

Rohingya Exodus