နောက်ဆုံးသတင်း/ဆောင်းပါးများ

အနောက်ပြင် အုပ်ချုပ်ရေးမှူးက ယာမြေ ဖျက်ဆီးသည့် အပြင် ပိုင်ရှင်ကို သေလုမျောပါး ရိုက်နှက်



MYARF
RB News
6.1.2015

ရသေ့တောင် ။ ။ ရခိုင်ပြည်နယ်၊ ရသေ့တောင် မြို့နယ်၊ အနောက်ပြင် ကျေးရွာမှ မော်လ၀ီ မာမတ်ရှာကဲရ် (ဘ) ဦးနူရ်အာလောမ်သည် အလွန် ရိုးသားဖြောင့်မတ်သော ဆင်းရဲသား မော်လ၀ီ တစ်ပါးဖြစ်သည်။ ၎င်းတွင် လယ်ယာမြေ အနည်းငယ်ရှိသည်။ ထိုလယ်ယာမြေ များကို မှီခိုအားထား၍ အသက်မွေးဝမ်းကျောင်း ပြုနေရသည်။ လွန်ခဲ့သည့် (၁၀) ရက်ခန့်က ခိုင်ကောင်း ကုမ္ပဏီ (၉၆၉ အကြမ်းဖက် အဖွဲ့အစည်းနှင့် AA (ရခိုင့် တပ်မတော်) အတွက် ရန်ပုံငွေ ရှာပေးသည့် ကုမ္ပဏီ) နှင့် ကျေးရွာ အုပ်ချုပ်ရေးမှူး ဦးမောင်မောင်နှင့် ပူးပေါင်း၍ စစ်တွေမြို့ရှိ ရဲမှူးကြီး ထံမှ ခွင့်ပြုချက် ရယူခဲ့သည်ဟု ဆိုကာ မော်လ၀ီ မာမတ်ရှာကဲရ်၏ လယ်ယာမြေမှ မြေတူး အုတ်ဖုတ်ပြီး မြေတစ်ဧကခန့် ဖျက်ဆီးခဲ့သည်။ ယခုတိုင် ဆက်လက် မြေတူး အုတ်ဖုတ်လျက် ရှိကြောင်း သိရသည်။ 

ထိုကဲ့သို့ မြေတူးနေခြင်းကြောင့် မော်လ၀ီ မာမတ်ရှာကဲရ်သည် ဇန်န၀ါရီလ (၄) ရက်နေ့ နံနက်တွင် ကျေးရွာ အုပ်ချုပ်ရေးမှူး ဦးမောင်မောင် ထံသွားပြီး ၎င်းသည် အလွန် ဆင်းရဲ၍ ယင်းမြေမှအပ အခြားမှီခို အားထားရန် ပိုင်ဆိုင်မှု မရှိသောကြောင့် ၎င်း၏ ယာမြေမှ ဆက်လက် မြေမတူးရန် တောင်းဆိုခဲ့သည်။ ထိုစဉ် ကျေးရွာ အုပ်ချုပ်ရေးမှူး၏ တပည့် ဖြစ်သူ ဦးတော်ဘာရိခ်လည်း အုပ်ချုပ်ရေးမှူးနှင့် အတူ ရှိနေခဲ့သည်။ မော်လ၀ီ မာမတ်ရှာကဲရ်က တောင်းဆိုသည်ကို အုပ်ချုပ်ရေးမှူးနှင့် တပည့်တို့က ရိုင်းစိုင်းစွာ ဆဲဆိုခဲ့သဖြင့် မော်လ၀ီနှင့် အပြန်အလှန် စကားများခဲ့သည်။ ထို့နောက် အုပ်ချုပ်ရေးမှူးနှင့် တပည့်တို့က မော်လ၀ီကို ခြေထောက်၊ လက်သီးများဖြင့် လူမဆန်စွာ ထိုးနှက် ကန်ကျောက်ခဲ့သည်။ 

ထိုသို့ ထိုးနှက် ကန်ကျောက်မှု ဒဏ်ကို မခံနိုင်တော့၍ မော်လ၀ီ မာမတ်ရှာကဲရ်က အော်ဟစ် အကူအညီ တောင်းသဖြင့် အနီးအနားရှိ ရွာသားများ စုရုံး ရောက်ရှိ လာခဲ့ပြီး၊ မော်လ၀ီအား ဆက်လက် မရိုက်နှက်ရန် အုပ်ချုပ်ရေးမှူးအား တောင်းဆိုခဲ့သည်။ 

ကျေးရွာ အုပ်ချုပ်ရေးမှူးက ယနေ့ ဤရွာကို ဖြိုခွင်းလိုက်မည်ဟု ဆိုကာ ကူတောင် အခြေစိုက် (၅၅၁) တပ်ရင်းသို့ ဖုန်းဆက်၍ ရွာသားများက ဆူပူမှု ဖြစ်အောင် ပြုလုပ်နေသည်၊ ထိန်းမနိုင်သိမ်းမရ ဖြစ်နေသည်ဟု လိမ်လည် ပြောဆို၍ စစ်တပ်ကို ခေါ်ခဲ့သည်။ ထို့နောက် (၅၅၁) တပ်ရင်းမှ ဗိုလ်ကြီး သက်ပိုင်ဦး အပါအ၀င် စစ်သား (၁၀) ဦး အနောက်ပြင် ရွာထဲသို့ ၀င်ရောက်လာပြီး၊ စိုက်ခင်း၊ တလင်း၊ ဈေးဆိုင်၊ လမ်းများတွင် တွေ့ရှိသမျှ ရွာသားများကို မေးမြန်းခြင်း မရှိဘဲ ရိုက်နှက်၍ အုပ်ချုပ်ရေးမှူးထံ သွားရောက်ခဲ့သည်။ 

စစ်သားများ အုပ်ချုပ်ရေးမှူးထံ ရောက်သည့် အချိန်တွင် မော်လ၀ီ မာမတ်ရှာကဲရ်သည် အုပ်ချုပ်ရေးမှူး၏ ရှေ့မှောက်တွင် သတိလစ်လဲကျနေခဲ့သည်။ စစ်သားများက အုပ်ချုပ်ရေးမှူးကို မေးမြန်းကြရာ အုပ်ချုပ်ရေးမှူးက အမျိုးမျိုး လိမ်ညာ ပြောဆိုခဲ့သည်။ ထိုစဉ် စစ်သားများက ရွာသား ၅၀ ကျော်ကို ရိုက်နှက်ခဲ့ကြောင်း ဒေသခံများက RB News သို့ပြောပါသည်။ ရိုက်နှက်ခံရသူ (၃၀) ဦးခန့် ဒဏ်ရာ ပြင်းထန်စွာ ရရှိခဲ့ပြီး အချို့မှာ စိုးရိမ်ဖွယ်ရာ အခြေအနေတွင် ရှိနေသည်ဟု ဆိုသည်။ 

မော်လ၀ီ မာမတ်ရှာကဲရ်သည် အလွန်ဆင်းရဲသူ ဖြစ်သောကြောင့် ဆေးကုသမှု ခံယူရန် ငွေကြေး မတတ်နိုင်ခြင်း၊ အနောက်ပြင် ကျေးရွာတွင် ဆရာဝန်လည်း မရှိခြင်း၊ ရွာမှ အခြားရွာသို့လည်း သွား၍ မရခြင်း တို့ကြောင့် ဆေးကုသမှု ခံယူနိုင်ခြင်း မရှိဘဲ အိပ်ရာထဲတွင် လဲလျောင်းနေရသည်။ ၎င်း၏ ကျန်းမာရေး အခြေအနေမှာ အလွန်ဆိုးရွား နေပြီး အသက်ဆုံးရှုံးနိုင်သည့် အခြေအနေထိ စိုးရိမ်ဖွယ်ရာ ရှိနေသည်ဟု ဒေသခံများက ပြောပါသည်။ 

အဆိုပါ တပ်ရင်း (၅၅၁) မှ စစ်သားများသည် အချိန်မတော် အနောက်ပြင် ရွာထဲသို့ ၀င်ရောက်ပြီး ရွာသားများကို ရိုက်နှက်ခြင်း၊ ဖမ်းဆီး ငွေညှစ်ခြင်း၊ ဆိုင်များမှ ပစ္စည်းများ လုယက်ခြင်းနှင့် အတင်းအဓမ္မ ငွေကောက်ခံခြင်း၊ ကြက်၊ဘဲ၊ဆိတ်များ ဖမ်းယူသွားခြင်းများ မကြာခဏ ပြုလုပ်လေ့ ရှိကြောင်း သိရသည်။

Comment ရေးရန်

Rohingya Exodus