ကြိမ်ချောင်းဈေးကို ရဲဝန်ထမ်းဟောင်း တစ်ဦးက မီးရှို့သော်လည်း အချိန်မှီ ငြိမ်းသတ်နိုင်ခဲ့

မီးရှို့ခဲ့သူသည် လွန်ခဲ့သည့် သုံးနှစ်ကျော်ခန့်က အကျင့်ပျက်မှုဖြင့် တာဝန်မှ ရပ်စဲခြင်းခံခဲ့ရသူ ကြိမ်ချောင်း ကျေးရွာအုပ်စု၊ ရခိုင်ရွာမှ ရဲဝန်ထမ်းဟောင်း ဦးစိုးနိုင် (အသက် ၄၀ နှစ်) ဖြစ်ပြီး၊ ၎င်းသည် နေ့ရောညပါ အရက်သေစာ သောက်သုံး၍ ဒေသခံ ရိုဟင်ဂျာများကို အနှောက်အယှက် ပေးသူ တစ်ဦး ဖြစ်သည်ဟု အဆိုပါ ဒေသခံက ပြောပါသည်။

ဈေးခေါင်း အဖွဲ့နှင့် ဈေးကော်မီတီဝင် များက အဆိုပါ ဖြစ်စဉ်နှင့် စပ်လျဉ်း၍ သက်ဆိုင်ရာ ကြိမ်ချောင်း ရဲစခန်းနှင့် မြို့နယ် အထွေထွေ အုပ်ချုပ်ရေး ဦးစီးဌာနသို့ ညတွင်းချင်း အစီရင်ခံ တိုင်ကြားခဲ့ကြောင်း၊ သက်ဆိုင်ရာမှ ယခု အချိန်ထိ အကြောင်း တစ်စုံတစ်ရာ ပြန်ကြားခြင်း မရှိသလို၊ ကွင်းဆင်း စစ်ဆေးခြင်းလည်း မရှိသေးကြောင်း အခြေအနေကို အနီးကပ် စောင့်ကြည့် နေသည့် ဒေသခံ တစ်ဦးက ပြောပါသည်။ 

ကြိမ်ချောင်းဈေးကို ၂၀၁၃ ခုနှစ် အောက်တိုဘာလ (၃၀) ရက်နေ့တွင် တစ်ကြိမ် မသမာသူ အချို့က မီးရှို့ခဲ့ခြင်းကြောင့် ရိုဟင်ဂျာများ ပိုင်ဆိုင်သည့် ဆိုင် (၈၀) ထက်မနည်း မီးလောင်ပြာကျ သွားပြီး ကျပ်သန်းပေါင်း ၁၅၀၀ ခန့် ဆုံးရှုံးခဲ့ရသည်။ 

နိုင်ငံအ၀ှမ်းရှိ စည်ပင်သာယာရေး ဦးစီးဌာန ကြီးကြပ်မှု အောက်ရှိ ဈေးများအနက် ကြိမ်ချောင်း ဈေးသည်သာလျှင် မွတ်စလင်ပိုင် ဆိုင်အများဆုံး ရှိသည့် တစ်ခုတည်းသော ဈေးကြီး တစ်ခု ဖြစ်သည့်အလျောက် ၂၀၁၂ ခုနှစ် ဘာသာရေးနှင့် လူမျိုးရေး တစ်ဖက်သတ် အကြမ်းဖက်မှု နောက်ပိုင်းမှ စ၍ ရခိုင်လူမျိုးများက အဓိက ပစ်မှတ်ထား ဖျက်ဆီးပစ်ရန် ကြိုးစား အားထုတ်ခြင်း ဖြစ်ပြီး၊ ယခုတစ်ဖန် မီးရှို့ရန် ကြိုးစား နေခြင်း ဖြစ်သည်ဟု ဒေသခံ လူကြီးများက သုံးသပ် ပြောဆိုနေကြသည်။