ပြိုင်းတောင် ကျေးရွာ တာဝန်ခံ အသတ်ခံရမှုနှင့် ပတ်သက်၍ မဆိုင်သူများကို ဖမ်းဆီး ငွေညှစ်ရန် ကြိုးစားနေ
MYARF
RB News
13.4.2016
ဘူးသီးတောင် ။ ။ ရခိုင်ပြည်နယ်၊ ဘူးသီးတောင် မြို့နယ်၊ ဖရုံချောင်း ကျေးရွာအုပ်စု၊ ပြိုင်းတောင် ကျေးရွာတွင် ဧပြီလ (၈) ရက်နေ့က အသတ်ခံရသည့် ကျေးရွာ တာဝန်ခံ ဦးဆော်လီမူလ္လာနှင့် ပတ်သက်၍ ၎င်း၏ ဇနီးနှင့် ဆွေမျိုးသားချင်း များက နယ်ခြားစောင့်ရဲ များနှင့် ပူးပေါင်း၍ လူသတ်မှုနှင့် မသက်ဆိုင်သူ များကို နည်းမျိုးစုံဖြင့် ခြိမ်းခြောက်ခြင်း၊ အသတ်ခံရသည့် ဦးဆော်လီမူလ္လာကို မနှစ်သက်သော ကျေးရွာသား အချို့ကို မဟုတ်မမှန် စွပ်စွဲ၍ တိုင်တန်းခြင်း၊ နယ်ခြားစောင့်ရဲ များကလည်း လူသတ်မှုနှင့် မည်သို့မျှ မပတ်သက်သည့် ကျေးရွာသား များကို ခြိမ်းခြောက် ငွေညှစ်ရန် ကြိုးစား နေကြောင်း သတင်း ရရှိပါသည်။
ကျေးရွာ တာဝန်ခံ ဦးဆော်လီမူလ္လာကို ယင်းကျေးရွာသား တစ်ဦး ဖြစ်သည့် ဦးမိုဟာမတ်ရော်ဖိတ် (ဘ) ဦးမိုဟာမတ်ဆယာဒ်က ဧပြီလ (၈) ရက်နေ့ ည (၁၂) နာရီခန့် အချိန်တွင် သတ်ဖြတ်ခဲ့ပြီး၊ ဧပြီလ (၉) ရက်နေ့ နေ့လည်ပိုင်းတွင် ၎င်းကိုယ်တိုင် ဦးဆော်လီမူလ္လာ၏ မိသားစုဝင် များထံ ဖုန်းဆက်၍ ၎င်းကိုယ်တိုင် သတ်ခဲ့ခြင်း ဖြစ်ကြောင်း၊ ၎င်း၏ ဇနီး ဖြစ်သူကို အတင်းအဓမ္မ သားမယား ပြုကျင့်ခဲ့ခြင်းကြောင့် လက်တုန့်ပြန်ရခြင်း ဖြစ်ကြောင်း၊ ကျေးရွာမှ မဆိုင်သူများကို စွပ်စွဲခြင်း မပြုလုပ်ရန် ပြောကြားခဲ့သည်။
သို့သော်လည်း ယခုအခါ ဦးဆော်လီမူလ္လာ၏ ဆွေမျိုးများက ၎င်းတို့နှင့် ပုဂ္ဂိုလ်ရေးအရ အငြိုးရှိနေသူ များကို လူသတ်မှုနှင့် ပတ်သက်သည်ဟု အထောက်အထားမဲ့ စွပ်စွဲကာ ရွာသား (၃၀) ဦးကို လက်စားချေရန် ကြိုးစားလျက် ရှိကြောင်း ဒေသခံ ရွာသားများက RB News သို့ပြောသည်။ ထို့အပြင် ကျေးရွာ တာဝန်ခံ ဦးဆော်လီမူလ္လာ အသတ်ခံခဲ့ရသည်ကို လက်စားချေသည့် အနေဖြင့် ၎င်း၏ ဆွေမျိုးများက နယ်ခြားစောင့်ရဲများ အားကိုးဖြင့် တုတ်၊ ဓါး၊ လှံများ ကိုင်ကာ ရွာတစ်လျှောက်လုံး ပတ်ပြီး တစ်ရွာလုံးကို ဆဲဆိုခြင်း၊ ခြိမ်းခြောက် ကြိမ်းမောင်းခြင်း၊ ဂုဏ်သရေရှိ ပုဂ္ဂိုလ်များကို စော်ကားခြင်း စသည်များ ပြုလုပ်လျက် ရှိသည်။
ရုန်းရင်း ဆန်ခတ် ပြုလုပ်နေသည့် ကျေးရွာ တာဝန်ခံ ဦးဆော်လီမူလ္လာ၏ ဆွေမျိုး အချို့မှာ --
(၁) ဦးမာမတ်အူလ္လာ (ဘ) ဦးအီမာန်ဟူစိန်း (အသက် ၃၀ နှစ်)
(၂) ဦးမာမတ်ရော်ဖိတ် (ဘ) ဦးအီမာန်ဟူစိန်း (အသက် ၂၅ နှစ်)
(၃) အာဘူဖောယာစ် (ဘ) ဦးအီမာန်ဟူစိန်း (အသက် ၂၁ နှစ်)
(၄) ဦးရှာလောမ် (ဘ) ဦးဘုအိလ္လာ (အသက် ၃၂ နှစ်)
(၅) ဦးမာမတ် (ဘ) ဦးကာဒိရ်ဟူစိန်း (အသက် ၃၇ နှစ်)
(၆) ဦးဆောလိမ် (ဘ) ဦးအလီအာမောတ် (အသက် ၃၅ နှစ်)
(၇) ဆော်ယိဒ်ဟူစိန်း (ဘ) ဦးအီမာန်ဟူစိန်း (အသက် ၂၁ နှစ်) တို့ ဖြစ်ကြသည်။
ထိုကဲ့သို့ ရုန်းရင်း ဆန်ခတ် ပြုလုပ်ရန် ၎င်းတို့ကို အားပေးနေသူ တစ်ဦးမှာ ယင်းကျေးရွာတွင် သူဌေးကြီးဟု နာမည် ကျော်ကြားသော ဦးအဒူဂေါ်နီ (ဘ) ဦးဆောယိဒ်ကော်ရိမ် (အသက် ၄၅ နှစ်) ဆိုသူ ဖြစ်သည်။ ၎င်းသည် အသတ်ခံခဲ့ရသည့် ကျေးရွာ တာဝန်ခံ ဦးဆော်လီမူလ္လာကို လက်ကိုင်တုတ် အဖြစ် လိုရာ အသုံးပြုခဲ့ရုံသာမက နောက်ကွယ်မှ ကြိုးကိုင်၍ ကျေးရွာသူ/သား များကို ဖမ်းဆီး ငွေညှစ်၍ ဝေစု ရယူခဲ့ခြင်း၊ ကျေးရွာသူ/သား များ၏ ပိုင်ဆိုင်မှု များကို အကြောင်း အမျိုးမျိုးပြ၍ သိမ်းယူလိုက်ခြင်းများ ပြုလုပ်ခဲ့သူ ဖြစ်သည်။
ကျေးရွာသား များက အသတ်ခံခဲ့ရသည့် ဦးဆော်လီမူလ္လာ၏ ဆွေမျိုးများက နယ်ခြားစောင့်ရဲများ အားကိုးဖြင့် ဆက်လက်၍ ပြဿနာရှာမည်ကို အထူးစိုးရိမ် နေကြသည်။ ထို့အပြင် နယ်ခြားစောင့်ရဲ များက မဟုတ်မမှန် စွပ်စွဲ၍ ဖမ်းဆီး ငွေညှစ်မည်ကိုလည်း အထူး စိုးရိမ်နေကြသည်။
