ဖားဝပ်ချောင်း၌ မီးလောင်မှုကြောင့် နေအိမ် (၁၃) လုံး ပြာကျ၊ ကလေး (၃) ဦး ဒဏ်ရာ

မောင်တော ။ ။ ရခိုင်ပြည်နယ်၊ မောင်တော မြို့နယ် မြောက်ပိုင်း ဖားဝပ်ချောင်း ကျေးရွာအုပ်စု၊ ရွာသစ်ရွာ အဝေးပြေးလမ်း၏ အနောက်ဘက်၌ တည်ရှိသော ဦးဟိုက်ရ်မိုဟာမတ်၏ နေအိမ်မှ ဧပြီလ (၁၀) ရက်နေ့ ည ၈ နာရီခွဲ အချိန်တွင် မီးစတင် လောင်ကျွမ်းခဲ့ပြီး၊ ယင်းအိမ်နှင့် အတူ အခြားအိမ် (၁၂) လုံး မီးလောင်ကျွမ်းခဲ့သည်။ မီးစတင် လောင်ကျွမ်းခဲ့သည့် အိမ်မှာ သက်ကယ်အိမ် ဖြစ်ပြီး၊ အခြားအိမ်များမှာ ဓနိနှင့် သွပ်မိုးအိမ်များ ဖြစ်ကြသည်။

မီးစတင် လောင်ကျွမ်းသည့် အိမ်မှ အိမ်ရှင်သည် ဘူးသီးတောင် အကျဉ်းထောင်တွင် အကျဉ်းကျခံနေရပြီး နေအိမ်တွင် ဇနီးနှင့် သားသမီးများမှာ WFP ကမ္ဘာ့ စားနပ်ရိက္ခာ အဖွဲ့၏ အထောက်အပံ့နှင့် ရပ်တည်နေရသည့်အိမ် ဖြစ်သည်။ 

မီးလောင်မှုကြောင့် ကလေးငယ် (၃) ဦး မီးလောင်ခံရပြီး၊ ပြင်းထန်စွာ ဒဏ်ရာရှိခဲ့သည်။ ကလေးများ၏ အခြေအနေမှာ စိုးရိမ်ဖွယ်ရာ ရှိနေသည်ဟု ဒေသခံများက ပြောပါသည်။ 

မီးလောင်မှုနှင့် ပတ်သက်၍ ငါးခူရ ကျေးရွာ အခြေစိုက် နယ်မြေ (၅) နယ်ခြားစောင့် ရဲတပ်ဖွဲ့မှ နယ်ခြားစောင့်ရဲ များက မီးစတင်လောင်ကျွမ်း ခဲ့သည့် အိမ်မှ ငွေကျပ် (၅) သိန်း တောင်းခံလျက် ရှိသောကြောင့် ဒဏ်ရာရသည့် ကလေးများထက် အဆိုပါ ငွေကြေး အတွက် ပိုမို၍ အခက်အခဲ ကြုံတွေ့လျက် ရှိကြောင်း ဒေသခံများက RB News သို့ပြောသည်။ 

မီးကူးဆက်ပြီး ပြာကျသွားသည့် အိမ်များ၏ အိမ်ရှင်များမှာ -- ဒေါ်ရော်မီဒါ၊ ဦးအာဘူဆီဒိတ်၊ ဦးချော်ရီးဒ်ဟူဆောင်း၊ ဦးမာမတ်ဘောက်ရှု၊ ဦးဆီရာဇူလ်အာမီးန်၊ ဦးဇူရူလ်ဟောက်၊ ဦးနူရ်မာလ်ဟာကိမ်း အပါအ၀င် အခြား (၅) ဦးတို့ ဖြစ်သည်။ မီးလောင်ခံရသည့် အိမ်များမှ အိမ်ရှင်များကို ငါးခူရ နယ်မြေ (၅) နယ်ခြားစောင့် ရဲတပ်ဖွဲ့မှ ဧပြီလ (၁၁) ရက်နေ့ နံနက် (၈) နာရီအချိန်ထိ ဆင့်ခေါ်ခဲ့ကြောင်း သိရသည်။

ဓါတ်ပုံ - RB News