နောက်ဆုံးသတင်း/ဆောင်းပါးများ

ဖားဝပ်ချောင်း ရ.ယ.က ဥက္ကဌဟောင်းကို ပစ်သတ်သည့် အမှုနှင့် ပတ်သက်၍ မဆိုင်သူများကို ဖမ်းဆီးထား



MYARF
RB News
31.5.2016

မောင်တော ။ ။ ရခိုင်ပြည်နယ်၊ မောင်တော မြို့နယ် မြောက်ပိုင်း၊ မောင်နှမ ကျေးရွာနှင့် ကျောက်ပြင်ဆိပ် ကျေးရွာတို့မှ တာဝန်ခံများ အပါအ၀င် ဒေသခံ ရိုဟင်ဂျာ (၁၂) ဦးခန့်ကို ငါးခူရ ကျေးရွာရှိ နယ်ခြားစောင့် ရဲတပ်ဖွဲ့ စခန်းတွင် မေလ (၂၇) ရက်နေ့မှ စ၍ ဖမ်းဆီး ချုပ်နှောင် ထားခဲ့ကြောင်း သတင်း ရရှိပါသည်။

“သူတို့ကို ဖားဝပ်ချောင်းမှာ လွန်ခဲ့တဲ့ မေလ (၂၄) ရက်နေ့က ဖြစ်ပွားခဲ့တဲ့ လူသတ်မှုမှာ တရားခံလို့ စွပ်စွဲခံထားရတဲ့ ဖားဝပ်ချောင်း ရွာသား ဦးကာမာလ်ဟူစိန်းကို သူတို့ရွာမှာ တည်းခိုနေထိုင်ခွင့် ပေးထားတယ်ဆိုပြီး ဖမ်းဆီး ထိန်းသိမ်း ထားတယ်လို့ သိရတယ်” ဟု ဒေသခံ တစ်ဦးက RB News သို့ပြောသည်။

မေလ (၂၇) ရက်နေ့ နေ့လည် (၃) နာရီခန့်တွင် ကျီးကန်းပြင် အခြေစိုက် နယ်ခြားစောင့် ရဲတပ်ဖွဲ့ ကွပ်ကဲမှု ဌာနချုပ်မှ ကွပ်ကဲရေးမှူး၊ ဒေသ (၂) ငါးခူရ အခြေစိုက် နယ်ခြားစောင့် ရဲတပ်ဖွဲ့ တပ်ရင်းမှူး၊ နယ်မြေ (၆) ပြင်ဖြူ နယ်ခြားစောင့် ရဲတပ်ဖွဲ့ စခန်းမှ စခန်းမှူးတို့ ဦးဆောင်သော နယ်ခြားစောင့် ရဲတပ်ဖွဲ့ဝင် (၄၀) ဦးခန့်သည် ကျောက်ပြင်ဆိပ် ကျေးရွာသို့ ရောက်ရှိလာပြီး ကျေးရွာ တာဝန်ခံ ဦးဟာလဲစ်အာမတ်၊ ရာအိမ်မှူး ဦးဆော်လီမူလ္လာနှင့် ဆယ်အိမ်မှူး ဦးအဒူရော်ဟိမ်း တို့ကို ဖမ်းဆီး ခေါ်ဆောင် သွားခဲ့သည်။ ထို့အပြင် အုပ်ချုပ်ရေးမှူးဟောင်း ဦးခေါ်လီမူလ္လာအား ဖမ်းဆီးရန် ၎င်း၏ နေအိမ်သို့ သွားရောက် ရှာဖွေခဲ့ရာ မတွေ့ရှိသဖြင့် အပြန်တွင် ဦးနာဆဲရ်အာမတ် (ဘ) ဦးရော်ရှိတ် (အသက် ၃၃ နှစ်) ၏ နေအိမ်သို့ စီးဝင်၍ ၎င်းကိုလည်း ဖမ်းဆီး ခေါ်ဆောင်သွားခဲ့သည်။

ဖမ်းဆီးသွားသူ များကို တစ်စုံတစ်ရာ မေးမြန်းခြင်း မပြုလုပ်ဘဲ ဖမ်းဆီး ခေါ်ဆောင် သွားခဲ့ခြင်း ဖြစ်ပြီး၊ ငါးခူရရှိ အချုပ်ခန်းထဲတွင် ရက်စက်စွာ နေ့ရောညပါ ညှဉ်းပန်း နှိပ်စက်၍ စစ်ဆေးနေသည်ဟု ဒေသခံ တစ်ဦးက ပြောပါသည်။

“အဲဒီ လူသတ်မှုနဲ့ ပတ်သက်လို့ စစ်ဆေး မေးမြန်းရမှာက ဖားဝပ်ချောင်း ကျေးရွာ အုပ်ချုပ်ရေးမှူး၊ အဲဒီရွာမှာ တာဝန်ကျနေတဲ့ နယ်ခြားစောင့်ရဲတွေကိုပါ။ ဒါပေမယ့် သူတို့ကို မမေးမြန်းဘဲ ခိုင်လုံတဲ့ သက်သေမရှိ၊ တရားရုံးကလည်း ရမန် မယူဘဲ အပြစ်မဲ့ ဒေသခံတွေကို နေအိမ်တွေကနေ ဖမ်းဆီး ရက်အတော်ကြာ အချုပ်ထဲမှာ ညှဉ်းပန်း နှိပ်စက်နေတာက ဥပဒေမဲ့ လုပ်ရပ်သာ ဖြစ်ပါတယ်” ဟု အဆိုပါ ဒေသခံက ဒေသခံများ ကိုယ်စား ပြောသည်။

အလားတူ မောင်နှမ ကျေးရွာ တာဝန်ခံ ဦးအာဘူနှင့် ၎င်း၏ ညီ ဦးနူရ်အာမတ် တို့ကိုလည်း မေလ (၂၇) ရက်နေ့တွင် ဖမ်းဆီး သွားခဲ့ကြောင်း သိရှိရသည်။ ထို့အပြင် ဦးကာမာလ်ဆိုသူနှင့် နီးစပ်သူ ဒေသခံ (၁၄) ဦးကို လူသတ်မှုနှင့် ပတ်သက်ပြီး တရားခံများ အဖြစ် စွပ်စွဲပြီး မောင်တော မြောက်ပိုင်းရှိ နယ်ခြားစောင့် ရဲတပ်ဖွဲ့ စခန်းတိုင်းသို့ ၎င်းတို့၏ ဓါတ်ပုံနှင့် ကိုယ်ရေးအကျဉ်းများ ပေးပို့ ထားသည်။

တရားခံအဖြစ် စွပ်စွဲခံရသူ ဦးကာမာလ်ကို နေရာပေးသည်ဟု မောင်နှမနှင့် ကျောက်ပြင်ဆိပ် ကျေးရွာ တာဝန်ခံများကို စွပ်စွဲ၍ ဖမ်းဆီး ချုပ်နှောင် ထားနိုင်လျှင် ဦးကော်ဘိရ်အာမတ် သေနတ်ပစ်မခံရမှီ နာရီဝက်အလိုတွင် ဦးကော်ဘိရ်အာမတ်အား ကျေးရွာ အုပ်ချုပ်ရေးမှူး ရုံးသို့ ခေါ်ဆောင် လာခဲ့သည့် ဖားဝပ်ချောင်း ကျေးရွာ အုပ်ချုပ်ရေးမှူးနှင့် အခင်း ဖြစ်ပွားရာ နေရာနှင့် တစ်ဖာလုံထက် နည်းသည့် အကွာအဝေးတွင် တည်ရှိသော ဖားဝပ်ချောင်း ရခိုင်ရွာ အခြေစိုက် နယ်ခြားစောင့် ရဲတပ်ဖွဲ့ ကင်းစခန်းတွင် တာဝန်ကျသည့် နယ်ခြားစောင့်ရဲများကို စစ်ဆေးသင့်ပြီး၊ ၎င်းတို့ အားလုံးမှာ အမှုနှင့် ဆက်နွယ်နေသူများ ဖြစ်နိုင်သော်လည်း မစစ်ဆေးဘဲ ထားသည့်အတွက် ဒေသခံများက ဝေဖန် ပြောဆိုနေကြသည်။

ဖားဝပ်ချောင်း ကျေးရွာ အုပ်ချုပ်ရေးမှူး ကိုယ်တိုင် ဦးကော်ဘိရ်အာမတ်၏ သားသမီးများကို သွေးထိုး လှုံ့ဆော် စည်းရုံးကာ ရွာရှိ မျက်နှာဖုံး ပုဂ္ဂိုလ်များ၏ အမည်စာရင်းကို လုပ်ကြံ သတ်ဖြတ်သူများ စာရင်းအဖြစ် ပြုစုခိုင်းပြီး ငါးခူရ စခန်းသို့ ပေးပို့ခိုင်းခြင်းလည်း ရှိနေသည်ဟု ဒေသခံများက ပြောပါသည်။

Comment ရေးရန်

Rohingya Exodus