တောင်ပြို ကျွန်းပေါက်ပြုစုတွင် ပြိုပျက် သွားသည့် မူလွန်ကျောင်း ယခုထိ ပြုပြင် ဆောက်လုပ်ခြင်း မရှိသေး

MYARF
RB News
11.5.2016

တောင်ပြိုလက်ဝဲ ။ ။ ရခိုင်ပြည်နယ်၊ မောင်တော ခရိုင်၊ တောင်ပြိုလက်ဝဲ မြို့နယ်ခွဲ အပိုင် ကျွန်းပေါက်ပြုစု ကျေးရွာရှိ အခြေခံပညာ မူလတန်းလွန် ကျောင်းသည် ၂၀၁၅ ခုနှစ် သြဂုတ်လတွင် တိုက်ခတ်ခဲ့သော လေမုန်တိုင်း ဒဏ်ကြောင့် ဆိုးရွားစွာ ပြိုလဲ ပျက်စီးသွားပြီး ယခုအချိန်ထိ ပြန်လည် ပြုပြင် မွမ်းမံခြင်း မရှိသေးကြောင်း သတင်း ရရှိပါသည်။

၂၀၁၆ - ၂၀၁၇ ပညာသင်နှစ် နီးကပ်လာပြီ ဖြစ်၍ ပြိုပျက်သွားသည့် ကျောင်းအဆောက်အဦးကို အချိန်မှီ ပြုပြင် ဆောက်လုပ်ခြင်း မရှိပါက ရာချီသည့် မူလတန်း၊ အလယ်တန်း အဆင့်ရှိ ရိုဟင်ဂျာ ကျောင်းသား/သူ များ၏ ပညာရေးကို ဆိုးဆိုးရွားရွား ထိခိုက်စေမည် ဖြစ်ကြောင်း၊ ကျောင်းသား/သူ များမှာ ဆက်လက် ပညာသင်ကြား မရှိတော့ဘဲ ပညာသင်ကြားခြင်းမှ ရာသက်ပန် အနားယူရသည့် ဘ၀သို့ ရောက်ရတော့မည် ဖြစ်ကြောင်း ဒေသခံ တစ်ဦးက RB News သို့ပြောသည်။

ကျွန်းပေါက်ပြုစုရှိ မူလတန်းလွန် ကျောင်းတွင် ယင်းကျေးရွာမှ ကျောင်းသား/သူ များသာမက ဝေးလံသည့် ရွာများ ဖြစ်သည့် ရေတွင်းပြင်နှင့် ဇီးပင်ချောင်း တို့မှ ကျောင်းသား/သူ များလည်း ပညာသင်ကြားလျက် ရှိကြောင်း အဆိုပါ ဒေသခံက ပြောပါသည်။

သက်ဆိုင်ရာ မြို့နယ် ပညာရေးမှူးရုံးမှ အမြန်ဆုံး ကွင်းဆင်း စစ်ဆေးပြီး ပြိုပျက်သွားသည့် မူလတန်းလွန် ကျောင်းကို အချိန်မှီ ပြုပြင် တည်ဆောက်ပေးရန် အလွန် အရေးကြီးကြောင်း၊ ကျောင်းသား/သူ များ ပညာသင်ကြား နိုင်ရေး အတွက် အချိန်မှီ တည်ဆောက် ပေးစေလိုကြောင်း ဒေသခံများက ပြောပါသည်။