မြင်းလွတ်မှ နယ်ခြားစောင့်ရဲ များက ဒေသခံ လူငယ် ၂ ဦးကို ရိုက်နှက် ငွေညှစ်
Rohingya Eye
RB News
24.7.2016
မောင်တော ။ ။ ရခိုင်ပြည်နယ်၊ မောင်တောမြို့နယ်၊ တောင်ပိုင်း မြင်းလွတ် ကျေးရွာ အခြေစိုက် နယ်ခြားစောင့် ရဲတပ်ဖွဲ့ ကင်းစခန်းမှ နယ်ခြားစောင့်ရဲ (၈) ဦးသည် ဇူလိုင်လ (၁၇) ရက်နေ့ ည ၁၀ နာရီ အချိန်တွင် ရွာထဲ၌ ကင်းလှည့်နေစဉ် အိမ်ထဲမှာ ကျောက်ခဲဖြင့် ပစ်သည်ဟု လုပ်ကြံ စွပ်စွဲ၍ နေအိမ်ထဲသို့ ၀င်ရောက်ကာ အိပ်နေသည့် လူငယ် နှစ်ဦးကို ဖမ်းဆီး ခေါ်ဆောင် သွားခဲ့သည်။
အဆိုပါ လူငယ်နှစ်ဦးအား နယ်ခြားစောင့်ရဲ များက လူမဆန်စွာ ၀ိုင်းဝန်း ရိုက်နှက်ကြရာ ဦးခေါင်းနှင့် မျက်နှာပေါ်တွင် ပြင်းထန်စွာ ဒဏ်ရာ ရရှိခဲ့သည်။ ၎င်းတို့၏ ညှဉ်းပန်း နှိပ်စက်မှုကို မခံနိုင်တော့သည့် အဆုံး ငွေကျပ် (၁၀) သိန်း ပေးကာ လွတ်မြောက် လာခဲ့ကြောင်း ဒေသခံ တစ်ဦးက RB News သို့ပြောသည်။
ညှဉ်းပန်း နှိပ်စက်ခံရပြီး ငွေညှစ်ခံရသူ နှစ်ဦးမှာ - အာယာစ် (ဘ) ဦးဇော်ကော်ရီ (အသက် ၂၈ နှစ်) နှင့် နုရ်ကာမာလ် (အသက် ၂၅ နှစ်) တို့ဖြစ်သည်။
“ဘယ်သူက နယ်ခြားစောင့်ရဲ တွေကို ကျောက်ခဲနဲ့ ပစ်ရဲမှာလဲဗျာ၊ အခုဟာက အကွက်ဆင်ပြီး ငွေညှစ်တာပါ၊ ပြစ်မှု ကျူးလွန်တယ်ဆိုရင် တစ်မျိုးပေါ့၊ အခုတော့ ဘာမှ မလုပ်ဘဲ လူမဆန်စွာ ရိုက်နှက်ခံရတယ်၊ ငွေလည်း ညှစ်ခံရတယ်၊ ဒါတွေက ကျွန်တော်တို့ကို အကြမ်းဖက်တာ .. အနိုင်ကျင့်တာပါ” ဟု အဆိုပါဒေသခံက ခါးသီးစွာဖြင့် ပြောသည်။
