နောက်ဆုံးသတင်း/ဆောင်းပါးများ

လူမျိုးပြသာနာ အဖြေရှာရာဝယ်

(ဓါတ်ပုံ - Alexander Hotz / Coconuts Yangon)

ရေးသားသူ - စန္ဒြာမောင်စိက္ကေ-ရခိုင်​ပြည်​ [MYARF]
RB News
19.7.2016

လူမျိုးဟုဆိုရာ၌ ထိုလူမျိုးအား သိသာ ထင်ရှားသော အုပ်စုအဖြစ် ခွဲခြားသိရှိနိုင်ရန် သတ်မှတ်သော အမှတ်သညာ အမည်တစ်ခုသာ ဖြစ်သည်။ ထိုအမှတ်သညာအမည်ကို မှည့်ခေါ်ရာ၌ ၎င်းလူမျိုးတို့၏ ရုပ်ခန္ဓာ သွင်ပြင်လက္ခဏာ၊ မျိုးရိုးဗီဇ၊ ရိုးရာဓလေ့ စရိုက်၊ နေထိုင်ရှင်သန်ရာ နယ်မြေဒေသ၊ ပြောဆိုသော ဘာသာစကား၊ ယုံကြည်ကိုးကွယ်မှု၊ သမိုင်းကြောင်းဆိုင်ရာ မှတ်တမ်းများ စသည်တို့ဖြင့် အမည်ပေး မှည့်ခေါ်ကြရသည်။

သို့ဖြစ်​၍ မြန်မာနိုင်ငံ အနောက်ဘက်၊ ရခိုင်ပြည်နယ်၏ အနောက်မြောက်ဘက်တွင် နေထိုင်လျက်ရှိကြသော ရိုဟင်ဂျာလူမျိုးများ၏ အမှတ်သညာအမည်နာမကို အထက်နိဒါန်းတွင် ဖော်ပြပါရှိသော မူသတ်မှတ်ချက်နှင့်အညီ အမည်မှည့်ခဲ့​လေသလား၊ လေ့လာကြည့်ကြပါစို့။

ရိုဟင်ဂျာဟု ခေါ်ဆိုလျှင် မြန်မာလူမျိုး တစ်ချို့က ခါးခါးသီးသီး ငြင်းပယ်မုန်းကြပြီး မြန်မာနိုင်ငံတွင် ရိုဟင်ဂျာလူမျိုး မရှိဟု တဇွတ်​တိုး ဆန္ဒဖြင့်​ ကြွေးကြော်ကြသည်။ ၎င်းနှင့် ပတ်သက်၍ ဆန္ဒထုတ်ဖော်ကြသည်။ ၎င်းတို့ထဲတွင် သာမန်လူပုဂ္ဂိုလ်တစ်ချို့၊ ဘာသာရေး ပုဂ္ဂိုလ်တစ်ချို့နှင့် နိုင်ငံရေး​ခေါင်းဆောင် တစ်ချို့လည်း ပါဝင်နေကြောင်းကို ဝမ်းနည်းဖွယ် ကြားသိရသည်။

ထိုရိုဟင်ဂျာများသည် မြန်မာနိုင်ငံတွင် မည်သည့်အခါမှစ၍ နေထိုင်လာကြသည်၊ ထိုလူမျိုးတို့၏ နိုင်ငံသားအဆင့် စသည့်တို့ကို အောက်ဖော်ပြပါ အချက်အလက်များ ဖြစ်ကြသော ကမ္ဘာ့ကုလသမဂ္ဂ၏သိပ္ပံနည်းကျ သုတေသနပြုချက်၊ နိုင်ငံခြားသား သမိုင်းပညာရှင်များ၏ မှတ်တမ်းတင်ရေးသားချက်များ၊ ပြည်တွင်းကျောက်စာများ၊ ပြည်တွင်းသမိုင်းပညာရှင်များ၏ ရေးသားတင်ပြချက်များ၊ မြန်မာအစိုးရထုတ် စာအုပ်များ၌ ဖော်ပြပါရှိချက်များ၊ ယခင်နိုင်ငံတော် ခေါင်းဆောင်ကြီးများ၏ မိန်းခြွေချက်များ၊ မြန်မာ့အသံ၏ အသံလွှင့်ချက်များကို တိုတိုတုတ်​တုတ် တင်ပြပါမည်။ လေ့လာကြည့်ရှုနိုင်ပါသည်။ ဝေဖန်ထောက်ပြလည်း နိုင်ပါသည်။

ဦးစွာ ပထမ သိပ္ပံနည်းကျ သုတေသနပြုချက်ဖြင့် အစပြုပါ၏။ ၁၉၃၄-ခုနှစ်မှစ၍ UN အဖွဲ့အစည်းတစ်ခု ဖြစ်သော UNESCO နှင့် SIL International အဖွဲ့ကြီးတို့ ပူပေါင်းပြီး ကမ္ဘာပေါ်တွင် အသုံပြုနေသော မတူကွဲပြားသည့် ဘာသာစကားပေါင်း (၇၁၀၅) ခုကို မနုသားဗေဒ ပညာရှင်များ ပါဝင်လျက် သိပ္ပံနည်းကျ သုတေသနပြုချက်များကို လေးနှစ်တစ်ကြိမ် Ethnologue စာအုပ်များ ထုတ်ဝေသည်။ ထိုစာအုပ်များတွင် လူတို့၏ ပင်မမျိုးနွယ်စုကို နိုင်ငံတကာ စံသတ်မှတ်ချက် Code နံပါတ်ဖြင့် ပုံဖော်ထားသည်။ ရိုဟင်ဂျာလူမျိုးများ၏ လူမျိုး Code နံပါတ်မှာ ISO 639 (rhg) ဖြစ်သည်။ ထို Code အရ ရိုဟင်ဂျာတို့သည် မြန်မာနိုင်ငံတွင် နေထိုင်ကြောင်း အင်ဒို-အာရိယာန် ဖြစ်ကြောင်း၊ ရိုဟင်ဂျာစာပေ ရှိကြောင်း အတိအလင်း ဖော်ပြထားသည်။

နိုင်ငံခြား သမိုင်းပညာရှင်များသည် ရိုဟင်ဂျာနှင့် ပတ်သက်၍ ရေးသားထားချက်မှာ များပြားလှသည်။ ၎င်းတို့ထဲတွင် တစ်ဦး၏ရေးသားချက်ကိုသာ အလျင်းသင့်စွာ ဖော်ပြပါမည်။ ထိုပုဂ္ဂိုလ်သည် Scottish Traveler Dr. Francis Buchanan သမိုင်းပညာရှင်ကြီး ဖြစ်သည်။ ထိုပညာရှင်ကြီး၏ ၁၇၉၉-ခုနှစ် ရေးသားစာအုပ်တွင် ရခိုင်ဒေသ ဘာသာစကားများကို ဖော်ပြရာ၌ (The first is that spoken by Mohamedan who have been long settled in Arakan and who call themselves Rooinga or native of Arakan) ဟု ထိုစာအုပ်၏ စာမျက်နှာ (၂၃၇) တွင် ရှင်းလင်းစွာ ဖော်ပြထားသည်။ Native of Arakan ဆိုသည် Arakan နယ်မြေ၏ မူလဘူတလူမျိုး ဖြစ်ကြောင်း ဖော်ပြခြင်းပင် ဖြစ်သည်။ ယခုခေတ်အဆိုအရ တိုင်းရင်းသားလူမျိုးဟု ဆိုလိုခြင်း ဖြစ်သည်။ ထိုစာအုပ်၏ စာမျက်နှာ (၂၂၃) မှ (၂၂၆) ၌ ရခိုင်လူမျိုးများ အကြောင်း ပါရှိသည်။ ၎င်းတွင် Mug (or) Yakain ဟူ၍ ​ရေးသား​ဖော်​ပြထားပါသည်​။ ထို့အပြင်​ အဆိုပါ ပညာရှင်​ကြီးက အသုံးအနှုံး ဝေါဟာရအချို့ကိုလည်း ဖော်ပြထားရာ နေကို (Bel)၊ လ ကို (Sawn)၊ ကြယ် ကို (Tara)၊ ရေ ကို (Pannae)၊ မီး ကို (Auin)၊ ကျောက် ကို (Sheel)၊ ဦးခေါင်း ကို (Mata)၊ ပါးစပ် ကို (Gall) စသည့်ဖြင့် ရေးသားဖော်ပြထားသည်။ ဤမည်သော စကားကို ယခုအခါတွင် မည်သည့်လူမျိုးများ ပြောဆိုနေသနည်း။ အဖြေမှာ ရိုဟင်ဂျာများသာ ဖြစ်သည်။

ရခိုင်သမိုင်းပညာရှင် ဒေါက်တာ အေးချမ်းသည် မတ်လ ၁၄-ရက်နေ့က ရန်ကုန်ကွန်ဖရန်၌ Dr. Buchanan ရေးသားထားသော ရိုဟင်ဂျာသည် ရခိုင်လူမျိုးအား ညွှန်းထားကြောင့် That spoken by Mohamedan ဟု ရေးသားထားသော စာသားကို ဝှက်ထားပြီး လက်လွှဲစဖွယ် လိုရာဆွဲ ပြောဆိုခြင်းသည် သမိုင်းပညာရှင် တစ်ဦး၏ အပြုအမှု မဟုတ်ပါ။ Mohamedan သည် ရခိုင်လူမျိုး မဟုတ်ကြောင်း ရခိုင်သူ ရခိုင်သားများ အားလုံး သိရှိကြသည်။ ၎င်းသည် အစ္စလာမ်ဘာသာ ကိုးကွယ်သူတို့အား ခေါ်ဝေါ်သော အမည်ဖြစ်သည်။

ရခိုင်ပြည်တွင် ကျောက်စာများကို လေ့လာလျှင် AD ၇၂၀ တွင် ရေးသားခဲ့သော အာနန္ဒ စန္ဒြကျောက်စာ ဖြစ်သည်။ ဤကျောက်စာသည် ရခိုင်သမိုင်းတွင် ရှေးအကျဆုံး ကျောက်စာဖြစ်သည်။ ထိုကျောက်စာကို နာဂရိစာ (အိန္ဒိယစာ) ဖြင့် ရေးသားခဲ့သည်။ ကျောက်စာပါ စာများကို လေ့လာလျှင် စကားလုံး အများစုမှာ ရိုဟင်ဂျာစကားလုံးများ ဖြစ်ကြပြီး၊ ရခိုင်ဝေါဟာရစာလုံး တပါဒမျှ မပါဝင်ချေ။ ဤအချက်ကို လေ့လာသုံးသပ်လျှင် ထိုခေတ်အခါသမယ၌ ရိုဟင်ဂျာများ ရောက်ရှိနေထိုင်လာကြသည် ဖြစ်ပြီး၊ ရခိုင်တို့သည် ထိုချိန်၌ ရောက်ရှိလာခြင်း မရှိကြောင်း သိသာထင်းရှာလှသည်။ ရခိုင်သမိုင်းပညာရှင် ဒေါက်တာ အေးချမ်းလည်း သူ့စာအုပ်တွင် ၁၀ ရာစု မတိုင်ခင် ရေးသားထားသော ကျောက်စာများကို သက္ကဌ၊ ပါဠိ၊ နာဂရိ စသော အိန္ဒိယစာများဖြင့် ရေးသားထားကြောင်း၊ ထိုခေတ်တွင် နေထိုင်သော လူမျိုးများမှာ အိန္ဒိယနွယ်ဖွားသဏ္ဍန် လူမျိုးများ ဖြစ်ကြောင်း ရေးသားထားသည်။ ယခုအခါ အိန္ဒိယနွယ်ဖွား သကဲ့သို့ သွင်ပြင်လူမျိုးသည် ရိုဟင်ဂျာ လူမျိုးများနှင့် မြန်မာကြီးတို့သာလျှင် ရှိကြသည်ကို သတိချပ်ရန် လိုအပ်ပါမည်။

၎င်းအပြင် ဦးအောင်သာဦးရေးသား​သော ရခိုင်ရာဇဝင်တွင်လည်း ၁၄၃၀ ဝန်းကျင် ရခိုင်-မြန်မာ စစ်ပွဲတွင် ထိုခေတ် မူဆလင်များ ရွပ်ရွပ်ချွံချွံ တိုက်ခိုက်ခဲ့မှုကြောင်း ၎င်းတို့အား “ကျား” ဟု အမည်ပေးခဲ့၏။ ထို့ကြောင့် ၎င်းတို့အား ရွာဟောင်းက ကျားဟု ခေါ်ဝေါ်ကြောင်း ရေးသားထားသည်။ ရခိုင်ပြည်အား ရခိုင်-အာရကန်ဟု မမှည့်ခေါ်ချိန်တွင် ရိုဝါန်၊ ရိုဟင်ဟု ခေါ်ခဲ့ကြသည်။ ထိုကြောင့် ထိုကျားတို့အား ရိုဟင်ဂျာဟု ခေါ်ဆိုခြင်း ဖြစ်သည်။

၂၀၁၆ ခုနှစ်၊ မေလ (၁၃) ရက်နေ့ထုတ် ဧရာဝတီ Online သတင်းစာတွင် မြန်မာ့စွယ်စုံကျမ်းတွင် ဖော်ပြထားသော “မေယုနယ်ခြား ခရိုင်” ဆောင်းပါးတစ်ပုဒ် ပါလာသည်။ ထိုဆောင်းပါး အထက်ပိုင်းတွင် ရခိုင်ပြည်နယ်ရှိ ဒုက္ခသည် စခန်းတခုတွင် ၂၀၁၅ ခုနှစ်၊ မေလက မြင်တွေ့ရစဉ် Reuters ဓာတ်ပုံတပုံကို တင်ထားသည်။ ဆောင်းပါးအစတွင် ကွင်းအတွင်း၌ (၁၉၆၄ ခုနှစ်တွင် ပထမအကြိမ် အဖြစ် မြန်မာနိုင်ငံ ဘာသာပြန်အသင်းက ထုတ်ဝေသော မြန်မာ့စွယ်စုံကျမ်း၊ စာပေဗိမာန်၏ ရုပ်ပြဗဟုသုတဘဏ်၊ အတွဲ-၉၊ အပိုင်း (က) တွင် ပါရှိသည့် “မေယုနယ်ခြား ခရိုင်” ကို ပြန်လည် ကူးယူဖော်ပြသည်။ မြန်မာအစိုးရက ဘင်္ဂလီဟု ခေါ်ဆို၍ နိုင်ငံတကာ မီဒီယာများက ရိုဟင်ဂျာဟု ဖော်ပြသော လူမျိုးစုနှင့် ဆက်စပ်၍ ပထဝီနောက်ခံနှင့် သမိုင်းအခြေအနေကို လေ့လာနိုင်ရန် ထပ်ဆင့်ဖော်ပြခြင်း ဖြစ်သည်။ သတ်ပုံနှင့် အသုံးအနှုံးများမှာ မူလအတိုင်းသာ ဖြစ်သည်။) ဟု နိဒါန်းပြုထားသည်။

စွယ်စုံကျမ်းလာ ရေးသားဖော်ပြချက်၏ တတိယစာပိုင်းတွင် (မေယုနယ်ခြား ခရိုင်တွင် လူဦးရေး ၄ သိန်းကျော်၊ ၅ သိန်းနီးပါး ပါရှိ၏။ များသောအားဖြင့် လယ်ယာစိုက်ပျိုးရေးလုပ်ငန်းနှင့် တံငါလုပ်ငန်းဖြင့်သာ အသက်မွေးကြသည်။ လူများစု (၇၅%) ခန့်မှာ ရိုဟင်ဂျာလူမျိုး ဖြစ်၍၊ ရခိုင်၊ ဒိုက်နက်၊ မြို၊ ခမွီး စသော တိုင်းရင်းသား လူမျိုးစုများလည်း နေထိုင်ကြသည်။ ရိုဟင်ဂျာတို့သည် အိစ္စလာမ်ဝါဒီများ ဖြစ်ကြ၏။) ဟု ရေးသားထားသည်။

ထို့အပြင် မြန်မာနိုင်ငံ ပညာရေးဌာန၊ တက္ကသိုလ် စာပေးစာယူ ဝိဇ္ဇာသင်တန်းသမိုင်း ပြဌာန်းချက်၊ သမိုင်း အပိုဘာသာ (Minor subject ) ၏ တတိယနှစ် သမိုင်းစာအုပ်တွင် ရိုဟင်ဂျာလူမျိုးတို့သည် ရှေးပဝေသဏီကာလကပင် မြန်မာနိုင်ငံတွင် နေထိုင်ကြောင်း၊ ယခင် နဝမတန်း ပထဝီဝင်ပြဌာန်း စာအုပ်၊ မြန်မာနိုင်ငံတွင် နေထိုင်သော လူမျိုးများအကြောင်း၌ ရိုဟင်ဂျာလူမျိုးများ ရခိုင်ပြည်တွင် နေထိုင်လျက် ရှိကြောင်း ပုံနှင့်တကွ ဖော်ပြပါရှိသည်။ ထိုစာအုပ်များသည် မြန်မာနိုင်ငံ ပညာရေးဌာနမှ တရားဝင်ပြဌာန်းထားသော စာအုပ်များ ဖြစ်ကြသည်။

ထို့အပြင်​ ယခင် မြန်မာနိုင်ငံ၏ အထင်ကရ ခေါင်းဆောင်ကြီးများသည် ရိုဟင်ဂျာနှင့် ပတ်သက်၍ ဟောကြားချက်များ မည်ကဲ့သို့ ရှိကြသနည်း။

၁။ မြန်မာနိုင်ငံ ပထမဆုံး သမ္မတ ဦးစောရွှေသိုက်၏ မိန့်ခွန်းတွင် “ရိုဟင်ဂျာ လူမျိုးများသည် မြန်မာနိုင်ငံ၏ တိုင်းရင်းသားများ မဖြစ်နိုင်လျှင် ကချင်၊ ချင်း၊ ကရင်၊ ကယား၊ မွန်၊ ရခိုင်၊ ရှမ်းတို့သည်လည်း တိုင်းရင်းသားများ မဖြစ်နိုင်”ဟု ပြောကြားခဲ့ခြင်း။

၂။ ၂၅-၀၉-၁၉၅၄ ခု နေ့တွင် ဝန်ကြီးချုပ် ဦးနု၏ မိန့်ခွန်းတွင် “မောင်တော၊ဘူးသီးတောင်တွင် နေထိုင်ကြသော လူမျိုးများသည် ရိုဟင်ဂျာများ ဖြစ်သည်။” ဟု ပြောကြားခဲ့ခြင်း။

၃။ ၀၄-၁၁-၁၉၅၆ ခု နေ့တွင် ဝန်ကြီးချုပ် ဦးဘဆွေ၏ မိန့်ခွန်းတွင် “ရိုဟင်ဂျာလူမျိုးတို့သည် တခြားတိုင်းရင်းသား လူမျိုးများနှင့်တူ မြန်မာနိုင်ငံ တိုင်းရင်းသားများ ဖြစ်သည်။” ဟု ပြောကြားခဲ့ခြင်း။

၎။ ၂၀-၁၁-၁၉၆၁ ခုနှစ်တွင် မေယုနယ်ခြား ဒေသ အုပ်ချုပ်ရေးရုံး၏ ထုတ်ပြန်ချက်တွင် မေယုခရိုင်ရှိ လူအများစုသည် ရိုဟင်ဂျာများ ဖြစ်ကြောင်း စသော ဖော်ပြပြောဆိုချက်များမှာ ရိုဟင်ဂျာများသည် မြန်မာနိုင်ငံ၏ တိုင်းရင်းသားများ ဖြစ်သည်​ဟု​ သက်​​သေခံ​နေလျက်​ရှိပါသည်။

ယခင် မြန်မာနိုင်ငံတွင် တရားဝင် အသံလွှင့်ဌာန တစ်ခုတည်းသာ ရှိခဲ့သည်။ ထိုအသံလွှင့်ဌာန၊ တိုင်းရင်းသား အစီစဉ်မှ ၁၉၆၁ ခုနှစ်မှ ၁၉၆၅ ခုနှစ်ထိ နှစ်ပေါင်း ၅ နှစ်တိုင်တိုင် ရိုဟင်ဂျာအစီစဉ်ဖြင့် သတင်းများ၊ ဆောင်းပါးများ၊ တေးဂီတ စသည်ဖြင့် အသံလွှင့်ခဲ့ခြင်းသည်ပင်လျှင် ရိုဟင်ဂျာတို့သည် မြန်မာနိုင်ငံ၏ တိုင်းရင်းသားများ ဖြစ်ကြောင်း ကမ္ဘာကို မြန်မာက ကြေညာခဲ့သည် မဟုတ်ပါလား။

အထက်ဖော်ပြပါ အချက်အလက်များသည် အရှိကို အရှိအတိုင်း ဖော်ပြထားခြင်း ဖြစ်သည်။ ရိုဟင်ဂျာနှင့် ပတ်သက်၍ ပြည်တွင်းပြည်ပ သမိုင်းစာအုပ်များတွင် များစွာ ပါရှိသည်။ အားလုံးကို ရေးသားလျှင် စာရှည်​သွားမည်ကို စိုးရိမ်၍ ရေးသားဖော်ပြခြင်း မပြုလိုပါ။ နောင်အလျဉ်သင့်လျှင် ဖော်ပြမည် ဖြစ်သည်။

ဤကဲ့သို့ တိကျမှန်ကန်သော အချက်အလက်များ ပါရှိလျက် အမုန်းပွားခြင်း၊ ဆန့်ကျင်ခြင်း၊ လိုရာဆွဲ ဆန္ဒဖော်ထုတ်ခြင်းများ ပြုလုပ်နေပါက ကမ္ဘာ့အလယ်တွင် ကျွန်တော်များ မြန်မာလူမျိုးတို့ ပုံရိပ်သည် မည်သို့ဖြစ်လာမည်ကို မတွေးဝံ့စရာပါ။

ဖော်ပြပါ အချက်အလက်များသည် အနည်းငယ်သာ ဖြစ်သော်လည်း အမှန်တရားကို မြတ်နိုးသူတိုင်းအတွက် ပြည့်စုံလုံလောက်မည်ဟု ယူဆနေပါသည်။

တိကျမှန်ကန်သော အဖြေကို ဖော်ထုတ်နိုင်ပါစေ၊ အမှန်တရားကို မြတ်နိုးနိုင်ပါစေ။ လူလူချင်း ခွဲခြား နှိပ်​စက်​ခြင်း ကင်းရှင်းသွားပါ​စေ။

အချိန်​​ပေး ဖတ်​​ပေးသည့် အတွက်​ ကျေးဇူးတင်ရှိပါသည်။

စန္ဒြာမောင်စိက္ကေ-ရခိုင်​ပြည်​ [MYARF]

Comment ရေးရန်

Rohingya Exodus