နောက်ဆုံးသတင်း/ဆောင်းပါးများ

ရှီလ်ခါလီ အုပ်ချုပ်ရေးမှူးက ဒေသခံ ရွာသားများ ထံမှ ငွေညှစ်

Rohingya Eye
RB News
26.7.2016


မောင်တော ။ ။ ရခိုင်ပြည်နယ်၊ မောင်တော မြို့နယ် တောင်ပိုင်း ရှီလ်ခါလီ ကျေးရွာမှ အုပ်ချုပ်ရေးမှူး ဦးအဗ်ဒူလ္လာသည် အုပ်ချုပ်ရေးမှူး ရာထူး တာဝန် စတင် ထမ်းဆောင်သည့် အချိန်မှစ၍ ယခု (၃) လတာ ကာလအတွင်း သြဇာအာဏာကို အလွှဲသုံးစား ပြုလုပ်ခြင်း၊ ရွာသားများကို ခြိမ်းခြောက်ခြင်း ပေါင်းစုံ ပြုလုပ်၍ ငွေညှစ်ခြင်းများ ဆက်တိုက် ပြုလုပ်လျက် ရှိကြောင်း သတင်း ရရှိပါသည်။

ဇူလိုင်လ (၁၀) ရက်နေ့တွင် ရွာသားတစ်ဦး ဖြစ်သူ ဦးဘာဒူမျာ (ဘ) ဦးဆွေယာဒ်အာမတ် (အသက် ၄၅ နှစ်) သည် ရာအိမ်မှူး ဦးအဒူရာမန်နှင့် စကားများခဲ့သည်ကို အကြောင်းပြု၍ ဦးဘာဒူမျာ ထံမှ ငွေကျပ် တစ်သိန်းငါးသောင်း ညှစ်ယူခဲ့ကြောင်း ဒေသခံတစ်ဦးက RB News သို့ပြောသည်။

ဇူလိုင်လ (၁၄) ရက်နေ့တွင် ကိုင်းကြီး (န.တ.လ) ရွာတွင် မြေတူး၍ ပြန်လာကြသည့် အလုပ်သမားများသည် မိမိတို့၏ လုပ်ခငွေကို အညီအမျှ ခွဲဝေယူကြရာ အုပ်ချုပ်ရေးမှူးက ၎င်းကို အသိမပေးဟု ဆိုကာ ဦးအာဘူလ်ဟာရှိမ် (ဘ) ဦးအုမောရ် (အသက် ၃၀ နှစ်) ထံမှ ငွေကျပ် တစ်သိန်း ညှစ်ယူခဲ့သည်။

ဇူလိုင်လ (၂၂) ရက်နေ့တွင် ဦးအဒူလ်အာမီးန် (ဘ) ဦးမာမတ်ဆာလာမ် (အသက် ၃၅ နှစ်) နှင့် ဟာဖီဇူလ္လာ (ဘ) ဦးမာမတ်ဟာဆောင်း (အသက် ၂၄ နှစ်) တို့ စကားများခဲ့သည်ကို အကြောင်းပြု၍ ၎င်းတို့နှစ်ဦး ထံမှ ငွေကျပ် နှစ်သိန်း ညှစ်ယူခဲ့သည်။

"ကျွန်တေ်ာတို့ ရွာကို အုပ်ချုပ်ခဲ့တဲ့ ပုဂ္ဂိုလ်တွေထဲမှာ အခု အုပ်ချုပ်ရေးမှူး ဦးအဗ်ဒူလ္လာက အဆိုးဝါးဆုံးနဲ့ အရက်စက်ဆုံးပါ။ သူက အာဏာရှင် ဆန်ဆန် လုပ်ရပ်တွေကို ဆက်တိုက် ကျူးလွန်နေတယ်။ အဲဒါကြောင့် အထက် အာဏာပိုင်တွေ အနေနဲ့ အမြန်ဆုံး အရေးယူ ပေးဖို့ တောင်းဆိုပါတယ်" ဟု ဒေသခံတစ်ဦးက ပြောပါသည်။



Comment ရေးရန်

Rohingya Exodus