နောက်ဆုံးသတင်း/ဆောင်းပါးများ

မြန်မာ့ ရိုဟင်ဂျာ များသည် နိုင်ငံတကာ အကူအညီအား ယခင်ထက်ပို၍ လိုအပ်လျှက်ရှိ

(ဓါတ်ပုံ - AFP)

ထွန်းခင်
RB News
12.8.2016

ကမ္ဘာ့ကုလသမဂ္ဂအဖွဲ့အစည်းကြီးသည် "မြန်မာနိုင်ငံရှိ ရိုဟင်ဂျာမွတ်စ်လင်မ်များနှင့် အခြားလူနည်းစုများ" ဆိုင်ရာ အစီရင်ခံစာ တစ်ရပ်အား ယခုနှစ်အစောပိုင်းက ထုတ်ပြန်ခဲ့ပြီး၊ ကျွန်ုပ်တို့ရိုဟင်ဂျာများ အပေါ် လူ့အခွင့် အရေးချိုးဖောက်မှုများသည် လူသားထု တစ်ရပ်လုံး အပေါ် ပြစ်မှုကျူးလွန်သည့် ပမာဖြစ်ကြောင်း ၎င်း အစီရင်ခံစာ ၏ကောက်ချက်ချမှုတွင် ပါဝင်သည်။

ယခင်အစိုးရများကချမှတ်ခဲ့သော ရိုဟင်ဂျာများအားဆန့်ကျင်နှိပ်ကွပ်သည့်မူဝါဒများကို အဆုံးသတ်စေရန် လက်ရှိအစိုးရအနေဖြင့်အရေးပေါ် အကောင်အထည်ဖော်မှုပြုလုပ်ရမည်ဟူ၍လည်း၎င်းအစီရင်ခံစာတွင် ဖော်ပြ ပါရှိပါသည်။ သို့ရာတွင် NLD ဦးဆောင်သောအစိုးရနှင့်အခြားအပြည်ပြည်ဆိုင်ရာလူ့အဖွဲ့အစည်းတို့မှာ တိတ်ဆိတ်မှုဖြင့်သာတုန့်ပြန်ခဲ့သည်။ အပြည်ပြည်ဆိုင်ရာ ဥပဒေချိုးဖောက်မှု အထောက်အထားများကို ထပ်မံ တင်ပြခဲ့သော်လည်း မည်သည့်အရေးယူမှုမျှပြုလုပ်ခဲ့ခြင်းမရှိပါ။ ထို့အတွက် ကျွန်ုပ်တို့ ရိုဟင်ဂျာများသည် အတိဒုက္ခများကိုဆက်လက်ခံစားရလျှက်ရှိသည်။

ကမ္ဘာ့ကုလသမဂ္ဂအစီရင်ခံစာထုတ်ပြန်ပြီးသည့်နောက်နေ့တွင် "ရိုဟင်ဂျာ" စကားလုံးအား အသုံးမပြုရန် ဟူသော ဒေါ်အောင်ဆန်းစုကြည်၏ တောင်းဆိုချက်အား မြန်မာနိုင်ငံတွင်အခြေစိုက်လျှက်ရှိသော ဥရောပ သမဂ္ဂ သံတမန်များမှတုန့်ပြန်ရာ၌ ရိုဟင်ဂျာလူမျိုးများနှင့်ပတ်သက်၍ပြောဆိုရေးသားရာတွင် "ရိုဟင်ဂျာ" စကားလုံးအားရှောင်ရှားမည်ဟု ကြေငြာခဲ့ခြင်းသည် ပို၍ဆိုးရွားသည်။

ကျွန်ုပ်တို့ရိုဟင်ဂျာများ၏ လူမျိုးဖြစ်တည်မှုအားငြင်းပယ်ခြင်းသည် ကျွန်ုပ်တို့တွေ့ကြုံရင်ဆိုင်ရလျှက်ရှိသည့် ခွဲခြားဆက်ဆံမှု၏ အဓိကအစိတ်အပိုင်းဖြစ်ပါသည်။ ကျွန်ုပ်တို့ရိုဟင်ဂျာများသည်မြန်မာနိုင်ငံ၏ လူမျိုးစုမဟုတ် ကြောင်းနှင့် ရိုဟင်ဂျာများသည် မြန်မာနိုင်ငံနှင့် မသက်ဆိုင်ကြောင်း အမျိုးသားရေးဝါဒီများနှင့် ယခင် သမ္မတ ဦးသိန်းစိန်၏လက်အောက်ရှိအစိုးရအုပ်ချုပ်ရေးပိုင်းမှ စည်းရုံးဝါဒဖြန့်ရာ၌ "ရိုဟင်ဂျာ" အမည်အား အသုံး မပြုရေးလှုပ်ရှားမှုကိုလည်း ရည်ရွယ်ချက်ရှိရှိ ဗျူဟာကျကျမြှင့်တင်ဆောင်ရွက်ခဲ့ခြင်းဖြစ်သည်။ ကျွန်ုပ်တို့ ရိုဟင်ဂျာများသည် ဘင်္ဂလားဒေရ်ှနိုင်ငံမှ ရွှေ့ပြောင်းလာခဲ့သည့် "ဘင်္ဂါလီ"များဖြစ်သည်ဟု ၎င်းတို့က အစဉ်တစိုက်ကြွေးကြော်ခဲ့ကြသည်။ ဒေါ်အောင်ဆန်းစုကြည်သည် ထိုကဲ့သို့သော မုသာဝါဒီများ၊ ၎င်းတို့၏ မုသားများနှင့်ဆန့်ကျင်စွာရပ်တည်ရမည့်အစား၊ "ရိုဟင်ဂျာ" ဟူသောအမည်သည် အငြင်းပွါးဖွယ်ရာ အမည် ဖြစ်သည့်အတွက် သံတမန်များသည် ကျွန်ုပ်တို့ရိုဟင်ဂျာများအား"ရခိုင်ပြည်မှမွတ်စ်လင်မ်များ" ဟု ခေါ်ဝေါ် သုံးနှုန်းသင့်ကြောင်းပြောကြားခဲ့သည်။

အမျိုးသားရေးဝါဒီများက ဒေါ်အောင်ဆန်းစုကြည်၏ယင်းပြောကြားချက်အား၎င်းတို့၏အောင်မြင်မှု တစ်ရပ် အဖြစ်ရှုမြင်ကြပြီး၊ မြန်မာအစိုးရအနေဖြင့် ရိုဟင်ဂျာများအား ဘင်္ဂါလီ ဟုတရားဝင်ခေါ်ဝေါ် လာရန် တောင်းဆိုလျှက်ရှိသည်။ ကျွန်ုပ်တို့အား ရိုဟင်ဂျာ ဟုမခေါ်ဝေါ်ခြင်းသည် ၎င်းအမျိုးသားရေးဝါဒီများအား အားပေးအားမြှောက်ပြုရာရောက်သည်။ မြန်မာအစိုးရနှင့် ဥရောပသမဂ္ဂတို့သည်အဖိနှိပ်ခံများဘက်မှ ရပ်တည် ရမည့်အစား လူမျိုးရေးအစွန်းရောက်သည့်အမျိုးသားရေးဝါဒီတို့ဘက်မှရပ်တည်လိုက်ခြင်းဖြစ်သည်။

လွန်ခဲ့သည့်လေးနှစ်က အစွန်းရောက်လူအုပ်ကြီးများသည် ရိုဟင်ဂျာများ၏ နေအိမ်များအားမီးရှို့ဖျက်ဆီးခြင်း၊ ဒေသခံရိုဟင်ဂျာများအား သတ်ဖြတ်ခြင်းတို့ကြောင့် မိမိတို့၏ နေရပ်များကိုစွန့်ခွါထွက်ပြေးခဲ့သောကျွန်ုပ်တို့ ရိုဟင်ဂျာများသည် ယခုအခါ ဒုက္ခသည်စခန်းများ ၌ သေဆုံးလျှက်ရှိကြသည်။ လူသားချင်းစာနာသည့် အကူ အညီများပေးအပ်သည့်လုပ်ငန်းများအပေါ် အစိုးရမှ ကန့်သတ်ပိတ်ပင်မှုများစွာပြုလုပ်ထားသောကြောင့် ယင်းသို့တမြေ့မြေ့သေဆုံးနေကြခြင်းဖြစ်သည်။ မြို့များ၊ရွာများတွင် နေထိုင်လျှက်ရှိသော ကျွန်ုပ်တို့ ရိုဟင်ဂျာ များသည်လည်း အချိန်မရွေးတိုက်ခိုက်ခံရ၊ ဖမ်းဆီးခံရမည့်အရေးစိုးရိမ်ကာ အကြောက်တရားဖြင့်နေထိုင် ရလျှက်ရှိသည်။ ကျွန်ုပ်တို့ ရိုဟင်ဂျာများသည်နိုင်ငံအနှံ့လွတ်လပ်စွာခရီးသွားလာခွင့်ပိတ်ပင် ခံထားရခြင်း၊ နိုင်ငံသားဖြစ်မှုမှ ငြင်းပယ်ခံရခြင်း၊ ဆန္ဒမဲပေးပိုင်ခွင့်ငြင်းပယ်ခံရခြင်းနှင့် ကျန်းမာရေးစောင့်ရှောက်မှု ငြင်းပယ် ခံရခြင်းတို့အား ခံစားရလျှက်ရှိသည်။ ကျွန်ုပ်တို့ ရိုဟင်ဂျာများ၏သားသမီးများသည် အဆင့်မြင့်ပညာရေးနှင့် တက္ကသိုလ်အဆင့်ပညာရေးတို့မှ ပိတ်ပင်ခြင်းခံရလျှက်ရှိသည်။ ကျွန်ုပ်တို့ ရိုဟင်ဂျာများသည် NLD အစိုးရ အပေါ်မျှော်လင့်ချက်များစွာထားခဲ့သော်လည်း NLD အစိုးရအာဏာရရှိလာသည့်အချိန်မှ ယခုအချိန်အထိ အစစအရာရာပိုမိုဆိုးရွားလျှက်ရှိသည်။

ရိုဟင်ဂျာအရေးကိစ္စနှင့်ပတ်သက်၍ ထိရောက်စွာကိုင်တွယ်ဖြေရှင်းရန် အစိုးရအနေဖြင့်အချိန်နှင့် အခြေအနေ တို့လိုအပ်သည်ဟုဒေါ်အောင်ဆန်းစုကြည်မှ ပြောကြားခဲ့သည်။ကျွန်ုပ်တို့ရိုဟင်ဂျာများအားမုန်းတီးမှုများသည် မြန်မာနိုင်ငံတွင် အလွန်အမင်းများပြားလျှက်ရှိကြောင်း ကျွန်ုပ်တို့နားလည်သည်။ ပြီးပြည့်စုံစွာကိုင်တွယ်ဖြေရှင်း ရန် အချိန်လိုအပ်ကြောင်းကိုလည်း ကျွန်ုပ်တို့နားလည်သည်။ သို့ရာတွင် အကူအညီများအပေါ်ကန့်သတ် ချက်များအားရုပ်သိမ်ခြင်း၊ အမုန်းဝါဒနှင့်အကြမ်းဖက်မှုတို့လှုံ့ဆော်နေသူများအားအရေးယူခြင်း၊ ကျွန်ုပ်တို့ ရိုဟင်ဂျာများရထိုက်သည့်အခွင့်အရေးများကိုပိတ်ပင်တားဆီးရာ၌ ရေသောက်မြစ်သဖွယ်ဖြစ်သည့် ၁၉၈၂ နိုင်ငံသားဥပဒေအားဆန်းသစ်ခြင်းတို့ကိုမူ ကာလတိုအတွင်းစတင်ဆောင်ရွက်နိုင်သည်။ ကျွန်ုပ်တို့ရိုဟင်ဂျာ များသည် များစွာသောအတိဒုက္ခတို့ကိုခံစားရလျှက် သေကြေပျက်စီးလျှက်ရှိရာ ကျွန်ုပ်တို့၌ အချိန်များစွာ မရှိသည့်အလျောက် အထက်ပါလုပ်ငန်းဆောင်တာများအားချက်ခြင်းလက်ငင်းအကောင်အထည်ဖော်ပေးရန် ကျွန်ုပ်တို့လိုလားလျှက်ရှိပါသည်။
လူသားထုအပေါ်ကျူးလွန်သည့်ပြစ်မှုသည် သာမန်ဥပဒေချိုးဖောက်မှုထက်များစွာကြီးမားပါသည်။ ထိုသို့ သောပြစ်မှုချိုးဖောက်မှုများရှိကောင်းရှိမည်ဟု ကောက်ချက်ချပြီးနောက်တွင်လည်း ကမ္ဘာ့ကုလသမဂ္ဂ (သို့မဟုတ်) မြန်မာအစိုးရသည် မည်သည့် အရေးယူမှုမျှ ပြုလုပ်ခြင်းမရှိပါ။ ဤလုပ်ရပ်သည် လူသတ်မှု တစ်ရပ်ကျူးလွန်မှု ဖြစ်ခဲ့သည်ဟု ရဲတပ်ဖွဲ့က ဝန်ခံပြောကြားသော်လည်း၊ ထိုလူသတ်မှုနှင့်ပတ်သက်၍ မည်သည့် စုံစမ်းစစ်ဆေးအရေးယူမှုကိုမျှ ပြုလုပ်မည်မဟုတ်ဟုလည်းထိုရဲတပ်ဖွဲ့ကပင် ပြောကြားသည့် ပမာနှင့်အလားတူနေသည်။

မြန်မာနိုင်ငံ၌အခြားမြောက်များစွာသောလူများအတွက် များစွာသောမျှော်လင့်ချက်များရှိနေချိန်တွင် ကျွန်ုပ်တို့ ရိုဟင်ဂျာများအတွက်မူ အလွန်ဆိုးရွားသည့် အချိန်ဖြစ်နေပါသည်။ ၎င်းတို့၏ နေအိမ်များမှ အတင်း အဓမ္မ နှင်ထုတ်ခြင်းခံရသောကြောင့်လွန်ခဲ့သည့်လေးနှစ်မှစ၍ လူတို့၏နေထိုင်မှုစနစ်နှင့်လုံးဝမညီသော ဒုက္ခသည် စခန်းများတွင် နေထိုင်ရလျှက်ရှိသည့် ကျွန်ုပ်တို့ ရိုဟင်ဂျာများအတွက် လူသားချင်းစာနာမှု အကူအညီများ အပေါ်ထားရှိသည့် အစိုးရ၏ အကန့်အသတ်အတားအဆီးများကို ချက်ခြင်းရုပ်သိမ်းပေးရန်အလို့ငှါ NLD ဦးဆောင်သောအစိုးရအပေါ် ဖိအားပေးရန်လိုအပ်ပါသည်။ ဒေါ်အောင်ဆန်းစုကြည်အနေဖြင့် ယခင်က ပြောကြားခဲ့သည့် ၁၉၈၂နိုင်ငံသားဥပဒေအား ပြင်ဆင်သင့်သည်ဟူသော ပြောကြားချက်အတိုင်း ဆက်လက် ရပ်တည်စေရန် ဖိအားပေးရမည်ဖြစ်ပါသည်။ ကမ္ဘာ့ကုလသမဂ္ဂအနေဖြင့်လည်းကျွန်ုပ်တို့ ရိုဟင်ဂျာများ ကျူးလွန်ခြင်းခံနေရသည့် လူ့အခွင့်အရေးဖောက်ဖျက်မှုများကို စုံစမ်းစစ်ဆေးရန် အပြည်ပြည်ဆိုင်ရာ စုံစမ်း စစ်ဆေးရေး အဖွဲ့တစ်ခု ဖွဲ့စည်းရမည်ဖြစ်သည်။ လာမည့်လ၌ကျင်းပရန်ရှိသည့် ကမ္ဘာ့ကုလသမဂ္ဂ အထွေထွေ ညီလာခံ အစည်းအဝေးများသည် ဤကိစ္စအားအကောင်အထည်ဖော်ရန် အခွင့်အလမ်းတစ်ရပ်ဖြစ်ပါသည်။

ရိုဟင်ဂျာများနှင့်ဆန့်ကျင်ကာ အပြည်ပြည်ဆိုင်ရာဥပဒေချိုးဖောက်မှုများသည် စဉ်ဆက်မပြတ်များမြောင်စွာ ကျူးလွန်ဖြစ်ပေါ်လျှက်ရှိကြောင်း အစီရင်ခံစာတိုင်းက ဖော်ပြ ကောက်ချက်ချခဲ့သည်ဖြစ်ရာ၊ ထိုဖြစ်ရပ်များအား မိမိတို့မသိရှိပါဟုမည်သည့်အစိုးရကမျှ ပြောကြားနိုင်မည်မဟုတ်ပါ။ ယင်းဖြစ်ရပ်များအားဆက်လက် ဖြစ်ပွါးနေ စေရန် ခွင့်ပြုထားခြင်းသည် အလွန်အရှက်ရစေသည့် လုပ်ရပ်သာဖြစ်ပါလိမ့်မည်။

ဦးထွန်းခင်သည် မြန်မာရိုဟင်ဂျာအစည်းအရုံး (UK)၏ ဥက္ကဋ္ဌဖြစ်ပြီး၊ ရိုဟင်ဂျာတို့၏ အသံအား ကမ္ဘာ သိအောင်ဦးဆောင်ကြေငြာလျှက်ရှိသူပြည်ပရောက်ရိုဟင်ဂျာများအနက်မှတစ်ဦးဖြစ်သည်။

Comment ရေးရန်

Rohingya Exodus