ကမ်းပါးပြိုကျမှုကြောင့် သေဆုံးသွားသည့် ကလေးငယ်၏ ဖခင် ငွေညှစ်ခံရ
MYARF
RB News
12.8.2016
မောင်တော ။ ။ ရခိုင်ပြည်နယ်၊ မောင်တော မြို့နယ် မြောက်ပိုင်း ခမောင်းဆိပ် ကျေးရွာ တံတားအနီးတွင် အခြေစိုက်သည့် နယ်ခြားစောင့် ရဲတပ်ဖွဲ့ ကင်းစခန်းမှ စခန်းမှူး ရဲအုပ်နှင့် ခမောင်းဆိပ် ကျေးရွာအုပ်စု မကျီးချောင်းရွာ ယာယီ အုပ်ချုပ်ရေးမှူး ဦးထွန်းထွန်းအေးတို့ ပူးပေါင်း၍ ဒေသခံ ရိုဟင်ဂျာတစ်ဦး ထံမှ ငွေကျပ် နှစ်သိန်းငါးသောင်း ညှစ်ယူခဲ့ကြောင်း သတင်း ရရှိပါသည်။
ဇူလိုင်လ (၂၃) ရက်နေ့တွင် ခမောင်းဆိပ် ကျေးရွာအုပ်စု မကျီးချောင်းရွာမှ ဦးရော်ဖိတ်အာလောမ်၏ (၃) နှစ်အရွယ် သားဖြစ်သူ အာနိုဝါရ်မုစ်တာဖာ သည် ပြူးမချောင်း ကမ်းစပ်တွင် ဆော့ကစားနေစဉ် ရုတ်တရက် ကမ်းပြို၍ ကမ်းပြိုမှုတွင် ပါသွားပြီး ရေနစ်သေဆုံး သွားခဲ့သည်။
ထိုသို့ ရေနစ်သေဆုံးသွားသည်ကို အကြောင်းပြု၍ သေဆုံးသွားသူ ကလေးငယ်ရဲ့ ဖခင်ဖြစ်သူ ဦးရော်ဖိတ်အာလောမ် အား အထက်ဖော်ပြပါ ကင်းစခန်းမှ ရဲအုပ်နှင့် ယာယီ ကျေးရွာ အုပ်ချုပ်ရေးမှူး တို့က ဆင့်ခေါ်၍ ငွေကျပ် နှစ်သိန်းငါးသောင်း ညှစ်ယူခဲ့ကြောင်း ဒေသခံ တစ်ဦးက RB News သို့ပြောပါသည်။
မောင်တောမြို့နယ် မြောက်ပိုင်း ပြူးမချောင်းကြီးတွင် မိုးရာသီ၌ ရေကြီးရေလျှံခြင်း၊ အရှိန်အဟုန်ဖြင့် စီးဆင်းလာသော ချောင်းရေ တိုက်စားမှုကြောင့် ကမ်းပါးများ ပြိုကျကာ နှစ်စဉ်လိုလို ရာချီသော အိမ်ခြေများ ပြိုလဲပျက်စီးသည့် အပြင် လူပေါင်းများစွာ (အထူးသဖြင့် ကလေးသူငယ်များ၊ အမျိုးသမီး၊ မသန်မစွမ်းသူများ)၊ တိရိစ္ဆာန်များ သေကြေပျက်စီး ပျောက်ဆုံးခြင်းများ ဖြစ်ပေါ်လျက် ရှိသည်။
သဘာဝဘေး အန္တရာယ်ကြောင့် သေဆုံးသွားသည့် ရင်သွေးငယ်ကြောင့် ၀မ်းနည်းပူဆွေး နေသည်ကို နှစ်သိမ့်အားပေးရမည့် အချိန်မျိုးတွင် ယခုကဲ့သို့ မညှာမတာ လူမဆန်စွာ၊ ကိုယ်ချင်းစာ တရားကင်းမဲ့စွာ ငွေညှစ်ခြင်းမှာ အလွန်အံ့သြဖွယ် ကောင်းသော လုပ်ရပ်တစ်ခု ဖြစ်သည်ဟု ဒေသခံများက ဝေဖန် ပြောဆိုနေကြသည်။
