နောက်ဆုံးသတင်း/ဆောင်းပါးများ

ဒုအိုးသည်မ ကျေးရွာ အုပ်ချုပ်ရေးမှူးနှင့် နယ်ခြားစောင့်ရဲ များက ဒေသခံ (၃) ဦးထံမှ ငွေညှစ်

MYARF
RB News
15.8.2016

ဘူးသီးတောင် ။ ။ ရခိုင်ပြည်နယ်၊ ဘူးသီးတောင် မြို့နယ် တောင်ပိုင်း ဒုအိုးသည်မ ကျေးရွာတွင် ကျေးရွာ အုပ်ချုပ်ရေးမှူး ဦးအီနုစ်သည် ညောင်ချောင်း ကျေးရွာ အခြေစိုက် နယ်ခြားစောင့် ရဲတပ်ဖွဲ့ စခန်းမှ နယ်ခြားစောင့်ရဲ (၆) ဦးနှင့် ပူးပေါင်း၍ ဒေသခံ ရွာသားများထံမှ ငွေကျပ် လေးသိန်းငါးသောင်း ညှစ်ယူခဲ့ကြောင်း သတင်း ရရှိပါသည်။


သြဂုတ်လ (၁၂) ရက်နေ့ ည (၁၀) နာရီအချိန်ခန့်တွင် ဒုအိုးသည်မ ကျေးရွာ အုပ်ချုပ်ရေးမှူးသည် ညောင်ချောင်း ကျေးရွာ အခြေစိုက် နယ်ခြားစောင့် ရဲတပ်ဖွဲ့စခန်းမှ နယ်ခြားစောင့်ရဲ (၆) ဦးနှင့် ပူးေါပင်း၍ ညောင်ချောင်း ကျေးရွာအုပ်စု ဘော်လီ - ၂ ရွာသို့ BD ပြေး တရားခံ လိုက်လံရှာဖွေ ဖမ်းဆီးရန်ဟု ဆိုကာ ရောက်ရှိလာခဲ့သည်။ 

ထို့နောက် အောက်ပါ ရိုဟင်ဂျာ ရွာသားများ နေအိမ်များသို့ စီးဝင်၍ ပြစ်မှု တစ်စုံတစ်ရာ ကျူးလွန်ခြင်း မရှိသူများကို အကြောင်းမဲ့ ဖမ်းဆီး၍ စခန်းသို့ ခေါ်ဆောင်သွားရန် ပြုလုပ်ပြီး ငွေကျပ် တစ်သိန်းခွဲစီ ပေးပါက ပြန်လည် လွှတ်ပေးမည်ဟု ပြောဆိုခဲ့သည်။ ဖမ်းဆီးခံရသူ (၃) ဦးက စခန်းသို့ ရောက်သွားလျှင် လူမဆန်စွာ ညှဉ်းပန်း နှိပ်စက်ခံရမည်ကို စိုးရိမ်၍ နောက်ဆုံးတွင် ငွေကျပ် တစ်သိန်းခွဲစီ ပေးခဲ့ရကြောင်း ဒေသခံတစ်ဦးက RB News သို့ပြောပါသည်။ 

ငွေညှစ်ခံရသူ (၃) ဦးမှာ -- (၁) အဒူလ္လာ (ဘ) ဦးအဒူဇော်ဘော်ရ် (အသက် ၂၅ နှစ်)၊ (၂) အဒူလ္လာ (ဘ) ဦးဟာမန်ဖိုရို (အသက် ၃၀ နှစ်) နှင့် (၃) ဦးအာရှော်အလီ (ဘ) ဦးဆုလ်တာန် (အသက် ၄၀ နှစ်) တို့ဖြစ်သည်။ 

ယခုလ နောက်ဆုံးပတ်တွင် ကျေးရွာ အုပ်ချုပ်ရေးမှူးများ ရွေးကောက် တင်မြှောက်ရန် ရွေးကောက်ပွဲ ကျင်းပမည်ဟု ကောလဟလ သတင်းများ ထွက်ပေါ်လျက် ရှိရာ လက်ရှိ အုပ်ချုပ်ရေးမှူးက တရားခံများကို ဖမ်းဆီးနိုင်ရေးဟု ခေါင်းစဉ်တပ်ပြီး နယ်ခြားစောင့်ရဲ များနှင့် ပူးပေါင်းကာ မရှိဆင်းရဲသည့် ရွာသားများ၏ နေအိမ်များသို့ ညအချိန်မတော် ၀င်ရောက်၍ အမျိုးမျိုး လုပ်ကြံ စွပ်စွဲပြီး ငွေညှစ်ခြင်း၊ ခြိမ်းခြောက်ခြင်း၊ ဖမ်းဆီးခြင်းများ ပြုလုပ်နေသည့် အပြင် ငွေညှစ်ပြီးနောက် ငွေညှစ်ခံရသူများကို စာရွက်အလွတ် ပေါ်တွင် အတင်းအဓမ္မ လက်မှတ်ရေးထိုးခိုင်းခြင်းများ ပြုလုပ်နေကြောင်း ဒေသခံများက ပြောပါသည်။


Comment ရေးရန်

Rohingya Exodus