နောက်ဆုံးသတင်း/ဆောင်းပါးများ

ရိုဟင်ဂျာတို့ရဲ့အိပ်မက်များ





ရိုဟင်ဂျာတို့ရဲ့အိပ်မက်များ 

ရေးသားသူ - ယျာတင် (ရိုဟင်းသား)
RB ကဗျာ
18.9.2016


ကျနော်တို့ ရိုဟင်ဂျာတွေက-
အာဏာရှင်တွေ လုယူလိုက်တဲ့
ရိုဟင်ဂျာတွေရဲ့မူလ အခွင့်အရေးကို တောင်းဆိုနေကြတယ်။

တစ်ချိန်တည်းမှာပဲ-
တစ်ဌာနေနေ ညီအစ်ကို မောင်နှမ
ရခိုင်တွေရဲ့ လူ့အခွင့်အရေးနဲ့
အဖက်ဖက်က ဆုတ်ယုတ်လာတဲ့
စီးပွားရေးတွေ၊ လမ်းပန်းဆက်သွယ်ရေးတွေ၊
ပညာရေးတွေ၊ လူမှုဘဝတွေ
အရာရာ တိုးတက်လာဖို့ ဆန္ဒရှိတယ်။ 

ထို့အတူပဲ- 
မြန်မာတစ်နိုင်ငံလုံးက ပြည်သူပြည်သားတိုင်းလည်း 
ရခဲလှတဲ့ လူ့ဘဝတိုတိုလေးကို
လွတ်လွတ်လပ်လပ်နဲ့၊
လုံလုံခြုံခြုံနဲ့၊
လူ့အခွင့်အရေးအပြည့်အဝနဲ့၊
ပျော်ပျော်ရွှင်ရွှင်နဲ့၊
အေးအေးချမ်းချမ်းနဲ့
နေထိုင်ဖြတ်သန်းနိုင်ကြဖို့ မျှော်လင့်ပါတယ်။ 

ထို့အပြင်-
အမိမြန်မာနိုင်ငံကိုလည်း
လူမျိုးဘာသာ၊ အသားအရောင်၊ လိင်အင်္ဂါ၊
နေရာဒေသ မခွဲမခြားတဲ့၊
တန်းတူညီမျှတဲ့၊
ငြိမ်းချမ်းသာယာဝပြောတဲ့ နိုင်ငံတစ်နိုင်ငံအဖြစ်
ကမ္ဘာ့အလယ်မှာ တင့်တယ်စေချင်တယ်။

Comment ရေးရန်

Rohingya Exodus