နောက်ဆုံးသတင်း/ဆောင်းပါးများ

ပြောင်းရွှေ့ ရတော့မည့် နယ်ခြားစောင့်ရဲများ အလွန်အကျွံ ငွေညှစ်လျက်ရှိ

MYARF

RB News
1.9.2016

မောင်တော ။ ။ ရခိုင်ပြည်နယ်၊ မောင်တော မြို့နယ် တ၀ိုက်ရှိ နယ်ခြားစောင့်ရဲ များသည် ပြောင်းရွှေ့သွားခါနီးတွင် တွေ့သမျှ ရိုဟင်ဂျာလူမျိုးများ ထံမှ အလွန်အကျွံ ငွေညှစ်လျက် ရှိကြောင်း သတင်း ရရှိပါသည်။

မောင်တော မြို့နယ်၊ တပ်ဦးချောင်း (ဘဂုံးနား) ကျေးရွာအုပ်စု၊ နူရူလ္လာရွာမှ ဦးအနိုဝါရ် (ဘ) ဦးနုရ်အစ္စလာမ်သည် သြဂုတ်လ (၂၅) ရက်နေ့ ည ၉ နာရီခွဲခန့် အချိန်တွင် ရွာတွင်းရှိ ဈေးဆိုင်တစ်ဆိုင်၌ ထိုင်နေစဉ် ခရေမြိုင် န.တ.လ ရွာ အခြေစိုက် နယ်ခြားစောင့် ရဲတပ်ဖွဲ့ ကင်းစခန်းမှ စခန်းမှူးနှင့် အဖွဲ့ ရောက်ရှိလာပြီး တစ်စုံတစ်ရာ မေးမြန်းခြင်း မရှိဘဲ ဖမ်းဆီး၍ စခန်းသို့ ခေါ်ဆောင် သွားခဲ့သည်။ 

ထို့နောက် စခန်းသို့ ရောက်သည်နှင့် ၎င်းကို လွန်ခဲ့သော ၂၀၁၂ ခုနှစ် ပဋိပက္ခ၌ မီးရှို့မှု (သို့မဟုတ်) မူးယစ်ဆေးဝါး အမှုဖြင့် တရားစွဲသွားမည်ဟု အမျိုးမျိုး ခြိမ်းခြောက်၍ ငွေတောင်းခဲ့သည်။ နောက်ဆုံးတွင် ပြန်လည် လွတ်မြောက်လာနိုင်ရန် နည်းလမ်း မရှိတော့သဖြင့် သြဂုတ်လ (၂၆) ရက်နေ့ နံနက်ပိုင်းတွင် ငွေကျပ် (၅) သိန်းပေး၍ ပြန်လည် လွတ်မြောက် လာခဲ့ကြောင်း ဒေသခံတစ်ဦးက RB News သို့ပြောသည်။ 

ငွေကျပ် (၅) သိန်း ညှစ်ယူသော ခရေမြိုင် စခန်းမှ နယ်ခြားစောင့်ရဲ များသည် ငွေညှစ်သည့်နေ့တွင် အခြားစခန်းတစ်ခုသို့ တာဝန်ဖြင့် ပြောင်းရွှေ့သွားကြောင်း အဆိုပါ ဒေသခံက ပြောပါသည်။ 

သြဂုတ်လ နောက်ဆုံးအပတ်မှ စ၍ နယ်ခြားစောင့်ရဲ များသည် စခန်းချင်း အပြောင်းအလဲ ပြုလုပ်လျက် ရှိပြီး ပြောင်းရွှေ့သွားမည့် နယ်ခြားစောင့်ရဲ များသည် ၎င်းတို့ လက်အောက်ရှိ ရွာများမှ အုပ်စုအလိုက် ကျေးရွာ အုပ်ချုပ်ရေးအဖွဲ့မှ တဆင့် ငွေသိန်းချီ ကောက်ယူသွားကြောင်း၊ ၎င်းတို့၏ တပည့်များမှ တဆင့် ငွေကြေး တတ်နိုင်သူများကို အမှုဆင် ဖမ်းဆီးမည်ဟု ခြိမ်းခြောက်သည့် သတင်းပို့၍ ငွေညှစ်နေကြောင်း ဒေသခံများက ပြောပါသည်။ 




Comment ရေးရန်

Rohingya Exodus