နောက်ဆုံးသတင်း/ဆောင်းပါးများ

ရဲမှူးကျော်မင်းထွန်းနှင့် ပတ်သက်၍ နယ်ခြားစောင့်ရဲတပ်ဖွဲ့ ကွပ်ကဲရေးမှူးထံ တိုင်ကြားစာ

သို့/-

ကွပ်ကဲရေးမှူး
အမှတ် (၁) နယ်ခြားစောင့်ရဲတပ်ဖွဲ့
ကျီးကန်းပြင်၊ မောင်တောမြို့

ရက်စွဲ။ ။ ၂၀၁၆ ခုနှစ်၊ စက်တင်ဘာလ (၂၇) ရက်

အကြောင်းအရာ။ ။ မန်ကျည်းချောင်းနှင့် ဂေါ်ဒူသာရတံတား ကင်းစခန်း အခြေစိုက် လှုပ်ရှားရေး တာဝန်ခံ ရဲမှူး ကျော်မင်းထွန်း၏ ပြည်သူများအပေါ် ဓားပြသဖွယ် ဖမ်းဆီးရိုက်နှက်၍ အဆမတန် ငွေညှစ်နေမှုများကို အမြန်ဆုံး စီစစ်အရေးယူပေးနိုင်ပါရန် တင်ပြခြင်း။

လေးစားစွာဖြင့်

၁။ အထက် အကြောင်းအရာပါ မန်ကျည်းချောင်းနှင့် ဂေါ်ဒူသာရတံတား ကင်းစခန်း အခြေစိုက် လှုပ်ရှားရေးတာဝန်ခံ ရဲမှူးကျော်မင်းထွန်းသည် ၎င်းအခြေစိုက်ရာ ကင်းစခန်းအနီးရှိ ကျေးရွာများမှ အပြစ်မဲ့ပြည်သူများကို ညစဉ်ညတိုင်း အကြောင်းမဲ့ ဖမ်းဆီးကာ မကျည်းချောင်း သို့မဟုတ် ဂေါ်ဒူသာရ ကင်းစခန်း၌ ချုပ်နှောင်ထားပါသည်။ ထို့နောက် ဖမ်းဆီးလာသူများကို မဟုတ်မမှန် အမျိုးမျိုး စွပ်စွဲပြီး အဆမတန် ငွေညှစ်ခြင်းများ ပြုလုပ်လျက် ရှိသည်။ ၎င်း၏ မဟုတ်မမှန်သော စွပ်စွဲမှုများကို ဖမ်းဆီးခံရသည့် အပြစ်မဲ့များက အမှန်အတိုင်း ငြင်းဆန်လျှင် လူမဆန်စွာ ရိုက်နှက်ကာ အတင်းအဓမ္မ ဝန်ခံခိုင်းပါသည်။

၂။ အဆိုပါ ရဲမှူးက ပြည်သူများအပေါ် ထိုကဲ့သို့ ဥပဒေမဲ့ ဖမ်းဆီးရိုက်နှက်ကာ အတင်းအဓမ္မ ငွေညှစ်နေမှုများထဲက ဖြစ်စဉ်အချို့ကို RB News နှင့် အခြားသော မီဒီယာများတွင်  ဖော်ပြခဲ့သည်။ ထို့ကြောင့် နာမည်ဆိုးဖြင့် ကျော်ကြားလာနေသော မန်ကျည်းချောင်းနှင့် ဂေါ်ဒူသာရ ကင်းစခန်းအခြေစိုက် ရဲမှူးကျော်မင်းထွန်းကို လွန်ခဲ့သော ဩဂုတ်လတွင် ရဲမှူးချုပ်က ခေါ်ယူသတိပေးကာ နေရာပြောင်းရွေ့လိုက်ရန် စီစဉ်ခဲ့ဖူးသည်ဟု ကြားသိရပါသည်။ 

၃။ ထိုသို့ ကြားသိရပြီးနောက်တွင် ရဲမှူးကျော်မင်းထွန်းက မကျည်းချောင်း စခန်းပိုင် ကျေးရွာအုပ်စု (၁၀) အုပ်စုဖြစ်သော ပညောင်ပင်ကြီး၊ သရေကုန်ဘောင်၊ သရေကုန်တန်း၊ ဂေါ်ဒူသာရ၊ ဒုချီးရာတန်း၊ ဒုညောင်ပင်ကြီး၊ ပဒင်း၊ တပ်ဦးချောင်း၊ ပန်းတောင်ပြင် နှင့် ညောင်ချောင်း ကျေးရွာအုပ်စုများ၏ ကျေးရွာအုပ်ချုပ်ရေးမှူးနှင့် ကျေးရွာတာဝန်ခံတို့အဖွဲ့ကို အစည်းအဝေးခေါ်ကာ အသစ်ပြောင်းရွေ့လာတော့မည့် နယ်ခြားစောင့်ရဲများကို ထောက်ပံ့နိုင်ရန် ၎င်းကို ကျေးရွာအုပ်စု တစ်အုပ်စုမှ ငွေကျပ် (၁၅) သိန်းစီ ကောက်ခံပေးရန် မှာကြားခဲ့ပါသည်။ ငွေကောက်ခံပေးရန် ငြင်းဆန်မည့် ကျေးရွာများသို့ ၎င်းအနေဖြင့် အချိန်မတော် စီးနင်းဝင်ရောက်၍ တွေ့သမျှကျေးရွာသား လူအို လူကလေးမကျန် ဖမ်းဆီးကာ ငွေကောက်ခံရမည်ဖြစ်ကြောင်း ရာဇသံပေး ခြိမ်းခြောက်ခဲ့သောကြောင့် ကျေးရွာအုပ်ချုပ်ရေး အဖွဲ့ကလည်း မိမိတို့၏ ကျေးရွာသားများထံမှ မဖြစ်မနေ ကောက်ခံပေးခဲ့ရပါသည်။ ထိုကဲ့သို့ ငွေကောက်ခံနေမှုများကို သတင်းမီဒီယာများ၌ သတင်းရေးသားတင်ပြခဲ့လျှင်လည်း ပြောသည့်အတိုင်း ပြုလုပ်၍ ငွေကောက်ခံရမည်ဖြစ်ကြောင်း ပြင်းပြင်းထန်ထန် ခြိမ်းခြောက်ခဲ့ပါသည်။

၎။ အဆိုပါ ကျေးရွာအုပ်စု (၁၀) အုပ်စုက ကောက်ခံပေးခဲ့သော ငွေကျပ် သိန်းတစ်ရာကျော်ကို ရဲမှူးကျော်မင်းထွန်းက ၎င်းကို လက်ရှိနေရာမှ ပြောင်းရွေ့ခြင်းမပြုလုပ်ရန် ရဲမှူးချုပ်အား လာဘ်ပေးခဲ့ရကြောင်းနှင့် နောင်တွင်လည်း ၎င်း၏ နေရာတည်မြဲရေးအတွက် ရဲမှူးချုပ်ကို အချိန်အခါအားလျော်စွာ လာဘ်ငွေပေးဆက်ရမည်ဖြစ်၍ အရင်ကထက် လူများမျးဖမ်းဆီးပြီး ငွေရှာရမည်ဖြစ်သည်ဟု ၎င်းနှင့် နီးစပ်သည့် သတင်းပေးများကို ပြောပြခဲ့သည်ကိုလည်း စုံစမ်းသိရှိရပါသည်။

၅။ ရဲမှူးကျော်မင်းထွန်း၏ မတရားဖမ်းဆီး ငွေညှစ်နေမှုများ အသေးစိတ်ကို တင်ပြလျှင် ဖမ်းဆီးငွေညှစ်ခံရသူများကို ထပ်မံ၍ ဖမ်းဆီးကာ ညှင်းပန်းနှိပ်စက်မည်ကို စိုးရိမ်ရပါသည်။ ကွပ်ကဲရေးမှူး အနေဖြင့် အထက်ဖော်ပြပါ ကျေးရွာများသို့ ကွင်းဆင်း၍ ပြည်သူများကို တွေ့ဆုံ မေးမြန်းလျှင် ရဲမှူးကျော်မင်းထွန်း၏ ဓားပြသဖွယ် ခြိမ်းခြောက်၍ ငွေကောက်ခံခဲ့မှုနှင့် ညစဉ်ညတိုင်း ရွာထဲအချိန်မတော် စီးနင်းဝင်ရောက်၍ အပြစ်မဲ့ပြည်သူများကို ဖမ်းဆီးရိုက်နှက်ကာ ငွေညှစ်ခဲ့မှုများကို အမှန်အတိုင်း သိရှိနိုင်ပါမည်ဖြစ်ပါသည်။ 

၆။ သို့ဖြစ်ပါ၍ မန်ကျည်းချောင်းနှင့် ဂေါ်ဒူသာရတံတား ကင်းစခန်း အခြေစိုက် လှုပ်ရှားရေးတာဝန်ခံ ရဲမှူးကျော်မင်းထွန်း၏ ပြည်သူများအပေါ် ဓားပြသဖွယ် ဖမ်းဆီးရိုက်နှက်၍ အဆမတန် ငွေညှစ်နေသည့် ဒီမိုကရေစီ စနစ်နှင့် ဆန့်ကျင်ကာ အာဏာရှင်ဆန်ဆန် ဥပဒေမဲ့ လုပ်ရပ်များကို ကွပ်ကဲရေးမှူး အနေဖြင့် အမြန်ဆုံး စီစစ် အရေးယူပေးနိုင်ရေးအတွက် လေးစားစွာ တင်ပြ အသိပေးအပ်ပါသည်။



ဒေသခံပြည်သူများ
မောင်တောမြို့နယ်တောင်ပိုင်း




Comment ရေးရန်

Rohingya Exodus