အီးဒ်နေ့ အတွက် ရောင်းဝယ် နေသည့် နွားများအတွက် ဆက်ကြေး ကောက်ခံနေ
MYARF
RB News
8.9.2016
မောင်တော ။ ။ ရခိုင်ပြည်နယ်၊ မောင်တော မြို့နယ် မြင်းလွတ် ကျေးရွာတွင် မြို့နယ် အုပ်ချုပ်ရေးမှူး ဦးလှမြင့်၏ အမိန့်ဖြင့် အီးဒ်နေ့ အတွက် ရောင်းဝယ်နေသည့် ကျွဲနွား တစ်ကောင်လျှင် ငွေကျပ် တစ်သောင်းစီ ဆက်ကြေး သဖွယ် ကောက်ခံနေကြောင်း သတင်း ရရှိပါသည်။
မြို့နယ် အုပ်ချုပ်ရေးမှူး ဦးလှမြင့်၏ အမိန့်အရ ဆက်ကြေး ကောက်ခံနေသူ များမှာ --
(၁) ဦးအေနာယတ်အူလ္လာ (ဘ) ဦးဖော်ဇော်လ်ကော်ရိမ်း (အသက် ၄၀ နှစ်)၊ မြင်းလွတ် မြောက်ရွာမှ
(၂) ဦးဂျဘိုး (ဘ) ဦးဟာရှိမ်း (အသက် ၃၃ နှစ်)၊ မြင်းလွတ် ချိတ္တာရွာမှ
(၃) ဦးဟာမိတ်ဟူဆောင်း (ဘ) ဦးအီဆုပ်ဇော်လာလ် (အသက် ၃၅ နှစ်) မြင်းလွတ် အရှေ့ရွာမှ
(၄) ဦးအဒူလ်ဟာဖီးဇ် (ဘ) ဦးလားဇူး (အသက် ၂၅ နှစ်) မြင်းလွတ် အလယ်ရွာမှ
(၅) အမည်မသိ (ဘ) ဦးအဘုလ်ကာလာမ် (အသက် ၂၅ နှစ်) ဇော်မတက် ကျေးရွာအုပ်စုမှ -- တို့ဖြစ်သည်။
အထက်ဖော်ပြပါ (၅) ဦးသည် မြင်းလွတ်နှင့် ဇော်မတက် ကျေးရွာများသာမက မောင်တော မြို့နယ် တောင်ပိုင်း တစ်လျှောက်လုံးတွင် ဈေး၌ ရောင်းဝယ်နေသည် ဖြစ်စေ၊ ရွာတွင်း ရောင်းဝယ်နေသည် ဖြစ်စေ နွားတစ်လျှင် ငွေကျပ် တစ်သောင်းစီ ကောက်ခံလျက် ရှိသည်ဟု ဒေသခံများက RB News သို့ပြောသည်။
ယခင်နှစ်များတွင် ယခုကဲ့သို့ ကောက်ခံခြင်း မရှိခဲ့သော်လည်း ယခုနှစ်တွင် မြို့နယ် အုပ်ချုပ်ရေးမှူး၏ အမိန့်အရ ကောက်ခံနေခြင်း ဖြစ်သည်ဟု ဆိုသည်။ ထိုကဲ့သို့ ကောက်ခံနေမှုကြောင်း နွားဈေးများ တက်လာရာ ကုရ်ဘာနီ အီးဒ်လုပ်မည့် ရိုဟင်ဂျာများ အတွက် ၀န်ထုပ်ဝန်ပိုး တစ်ခု ဖြစ်လာသည်ဟု ဒေသခံများက ပြောပါသည်။
