နောက်ဆုံးသတင်း/ဆောင်းပါးများ

နွားရုံတောင် အုပ်ချုပ်ရေးမှူးနှင့် အဖွဲ့က ရေမျှတောင် ရွာသားများကို ခြိမ်းခြောက်၍ ငွေညှစ်နေ

Rohingya Eye
RB News
4.11.2016

မောင်တော ။ ။ ရခိုင်ပြည်နယ်၊ မောင်တောမြို့နယ် နွားရုံတောင် ကျေးရွာအုပ်စု၊ ရေမျှတောင် ကျေးရွာမှ ရွာသားများကို စစ်သားများ လာစဉ် ရှောင်နေသည့် အတွက် ကျေးရွာအုပ်ချုပ်ရေးမှူးနှင့် အဖွဲ့က တစ်ဦးချင်းထံမှ ငွေကျပ် ၅၀၀၀ စီ ညှစ်နေကြောင်း သတင်း ရရှိပါသည်။ 

ယနေ့ နိုဝင်ဘာလ (၄) ရက်နေ့ နံနက် ၈း၃၀ နာရီ အချိန်တွင် နွားရုံတောင် ကျေးရွာအုပ်စု၊ ရေမျှတောင် ကျေးရွာသို့ စစ်သားများ ရောက်ရှိလာပြီး၊ တစ်အိမ်တက်ဆင်း စစ်ဆေးနေသဖြင့် ရွာအတွင်းရှိ လူငယ်၊ လူကြီး အမျိုးသားများ အားလုံး တောထဲသို့ တိမ်းရှောင်သွားပြီး၊ အချို့လည်း ပုဇွန်ကန်များရှိ တဲများတွင် သွားရောက်နေခဲ့ကြသည်။ အောက်တိုဘာလ (၁၂) ရက်နေ့ကလည်း စစ်သားများ ရွာထဲသို့ ၀င်ရောက်လာပြီး ညှဉ်းပန်းနှိပ်စက်ခဲ့သောကြောင့် အမျိုးသားများ အားလုံး ယနေ့နံနက်ပိုင်းက တိမ်းရှောင်သွားခဲ့ခြင်း ဖြစ်သည်။ 

ကျေးရွာအုပ်ချုပ်ရေးမှူးနှင့် ရခိုင်အစွန်းရောက် အချို့က ကျေးရွာတာဝန်ခံ ဦးဆာလေအာမတ် (ဘ) ဦးဟော်လိလ်ကို ရွာမှ တိမ်းရှောင်သွားသော အမျိုးသား တစ်ဦးစီချင်းမှ ငွေကျပ် ၅၀၀၀ စီ ကောက်ခံပေးရန် မှာကြားလိုက်ပြီး၊ နိုဝင်ဘာလ (၅) ရက်နေ့တွင် ၂၅၀ ဦး အတွက် ငွေကျပ် ၁၂ သိန်းခွဲ ပေးရမည် ဖြစ်ကြောင်း ဒေသခံများက RB News သို့ပြောသည်။ 

ကျေးရွာအုပ်ချုပ်ရေးမှူးနှင့် ရခိုင်အစွန်းရောက် များက အကယ်၍ ငွေမပေးပါက အာဏာပိုင်များကို ဘင်္ဂလားဒေ့ရ်ှသို့ ထွက်ပြေးသွားသူများ (သို့မဟုတ်) လက်နက်ကိုင် အဖွဲ့ထဲသို့ ၀င်ရောက်သွားသူများဟု တိုင်ကြားမည်ဟု ခြိမ်းခြောက်ခဲ့ကြောင်း သိရှိရသည်။ 


Comment ရေးရန်

Rohingya Exodus