မြန်မာနိုင်ငံက ရိုဟင်ဂျာများ ဘင်္ဂလားဒေ့ရ်ှနိုင်ငံတွင်းသို့ အစုလိုက်အပြုံလိုက် ၀င်လာ (ဘာသာပြန်သတင်း)

RB News

22.11.2016

ဒါကတော့ ဘင်္ဂလားဒေ့ရ်ှနိုင်ငံထုတ် Dainik Purbokone သတင်းစာမှာ ရေးထားတဲ့ သတင်းတစ်ပုဒ်ပါ။

မြန်မာနိုင်ငံက ရိုဟင်ဂျာများ ဘင်္ဂလားဒေ့ရ်ှနိုင်ငံတွင်းသို့ အစုလိုက်အပြုံလိုက် ၀င်လာ

မြန်မာနိုင်ငံ၊ ရခိုင်ပြည်နယ်မှာ လက်ရှိ ဖြစ်ပျက်နေတဲ့ လူမျိုးတုန်း သတ်ဖြတ်မှုနဲ့ အကြမ်းဖက် နှိပ်စက်မှုတွေကြောင့် ရိုဟင်ဂျာတွေဟာ မှောင်မိုက်တဲ့ ညအချိန်ခါမှာ ဘင်္ဂလားဒေ့ရ်ှနိုင်ငံ ကော့ဇ်ဘာဇားပြည်နယ်၊ တပ်ခ်နာဖ်မြို့နဲ့ အူးကီးယားမြို့တွေမှာ ရှိတဲ့ နယ်စပ်တွေကနေ ခိုးဝင်နေကြတယ်။ ၀င်ရောက်လာသူ အများစုက အမျိုးသမီးတွေနဲ့ ကလေးတွေ ဖြစ်ပါတယ်။ BGB (Border Guard Bangladesh) က ရိုဟင်ဂျာတွေ မ၀င်နိုငအောင် နယ်စပ်ကို တင်းကျပ်ထားပေမယ့်လည်း နယ်စပ်တစ်လျှောက် လူမှောင်ခို အဖွဲ့တွေ ရှိတာကြောင့် ရိုဟင်ဂျာတွေဟာ ဘင်္ဂလားဒေ့ရ်ှနိုင်ငံကို ၀င်ရောက်လာနိုင်ဖို့ အခွင့်အလမ်းတစ်ခု ဖြစ်နေတယ်။ 

လွန်ခဲ့တဲ့ ၃ ရက်အတွင်း ရိုဟင်ဂျာ ၃ ထောင်လောက် ဘင်္ဂလားဒေ့ရ်ှကို ၀င်ရောက်လာပြီး၊ အူကီးယားမြို့မှာရှိတဲ့ ကူတူပါလောင် တရားဝင် ရိုဟင်ဂျာ ဒုက္ခသည်စခန်းနဲ့ တပ်ခ်နာဖ်မြို့ လေးဒါးကျေးရွာတွေမှာ ရှိတဲ့ တရားမ၀င် ဒုက္ခသည်များနေရာ တွေမှာ ခိုလှုံနေကြတယ်လို့ ဒေသခံတွေကပြောပါတယ်။ အဲဒီစခန်းတွေက တဆင့် ကော့ဇ်ဘာဇားပြည်နယ် နေရာအနှံ့မှာ ယခင်က ရောက်ရှိနေတဲ့ ရိုဟင်ဂျာတွေနဲ့ အတူ နေထိုင်ဖို့လည်း ကြိုးစားနေကြတယ်။ တဖက်မှာလည်း  မြန်မာ့စစ်တပ်နဲ့ နယ်ခြားစောင့်ရဲတပ်ဖွဲ့ တို့ပူးပေါင်းပြီး ရိုဟင်ဂျာအမျိုးသမီးများနဲ့ ကလေးသူငယ်တွေကို မြန်မာပြည်ကနေ နှင်ထုတ်နေတယ်လို့ ဒေသခံတွေက ဆိုပါတယ်။

လွန်ခဲ့တဲ့ စနေနေ့က ရိုဟင်ဂျာ (၃၂) ဦးပါဝင်တဲ့ အဖွဲ့တစ်ဖွဲ့ တပ်ခ်နာဖ်မြို့ ဟွိုက်ကောင်ကျေးရွာအုပ်စုရဲ့ ဇီးမောင်းခါလီ နယ်စပ်ကနေ ဘင်္ဂလားဒေ့ရ်ှကို ၀င်ရောက်လာခဲ့တယ်။ အဲဒီ ၃၂ ဦးကတော့ -- နူရ်ဘေဂမ်၊ ရှာဟာနုရ်၊ မော်လ၀ီဆော်ယောဒ်ကော်ရီးမ်၊ ရှမီလာဘေဂမ်၊ ဂရီဘူလ္လာ၊ အာယေရှာဘေဂမ်၊ ဖရီဒုလ်ကာလာမ်၊ အာဇီဇ်ကာလာမ်၊ ရှမိန်အာရာ၊ ကုရ်ရှိဒါဘေဂမ်၊ အာရ်ဖာတ်ဟူစိန်း၊ ဟာဘီဘုလ္လာ၊ ဟာလီခါတူ၊ ကာမာလ်ဟူဆောင်း၊ နာဇ်မာ၊ မောဟိုစေနာ၊ ခိုက်ရုလ်ဘော်ရှော်ရ်၊ နူရ်ကာမာလ်၊ တာစ်မီးန်အာရာ၊ ယာစ်မီးန်အာရာ၊ အာဇီဇ်ခါးန်၊ ဒိလ်မိုဟာမတ်၊ ဒိလ်ဒါရ်ဘေဂမ်၊ အေကေရာမ်၊ မိုဟာမတ်ဖုရ်ခါးန်၊ ကော်အိုဆဲရ်ဘီဘီ၊ ဒူးစ်မိုဟာမတ်၊ နုရ်ဖော်ယာစ်၊ အေကေရာမ်၊ နုရ်ခါလေဒါ နဲ့ ရှာဘေကုန်နာဟာရ် တို့ဖြစ်ကြပါတယ်။ သူတို့တွေဟာ ရာမ္မားဂူးနား (ရေတွင်းကျွန်း)၊ ရွာအိမ်ကဒေါင် (ရွက်ညိုတောင်)၊ နိူင်းချောင်း (ငန်းချောင်း)၊ ကီယာရီဖာရာန် (ကြက်ရိုးပြင်)၊ ဇာမ္မားနား (ပွင့်ဖြူချောင်း) စတဲ့ ရွာများက ဖြစ်ကြတယ်။

မောဟိုစေနာနဲ့ ရှာမီလာတို့က ပြောတာကတော့ “ကျွန်မတို့အိမ်တွေမှာ စစ်သားတွေ လာပြီးတော့ ခင်ပွန်းနဲ့ အဖေကို ဖမ်းဆီးခေါ်ဆောင် သွားကြတယ်။ သူတို့ဘယ်မှာလဲ ဆိုတာ ကျွန်မတို့ ဘာသတင်းမှ မရတော့ဘူး။ ပြီးတော့ အိမ်တွေကိုလည်း မီးရှို့လိုက်ကြတယ်။ အဲဒါကြောင့် ကျွန်မတို့ အသက်ရှင်နေဖို့ အတွက် ဒီကိုလာရတာပါ။” လို့ ပြောပါတယ်။

မြန်မာနိုင်ငံသား ရိုဟင်ဂျာ မိုဟာမတ်ဖုရ်ခါးန် ကတော့ “ပြီးခဲ့တဲ့ သောကြာနေ့က စပြီး ကျွန်တော်တို့ ရွာက အမျိုးသား၊ အမျိုးသမီး၊ ကလေးသူငယ် အပါဝင် အားလုံး နှစ်ထောင်ကျော်လောက် ဘင်္ဂလားဒေ့ရ်ှဘက်ကို လာဖို့ ရည်ရွယ်ချက်နဲ့ ထွက်ပြေးလာခဲ့တယ်။ ပြီးတော့ စနေနေ့ကျမှ ကျွန်တော်တို့ တစ်ထောင်လောက် ဇီးမောင်းခါလီ နယ်စပ်ကနေ ဒီကိုလာနိုင်ခဲ့တယ်။ ဒါပေမယ့် ကျန်တဲ့သူတွေ ဘယ်မှာလဲ ဆိုတာတော့ ကျွန်တေ်ာတို့ မသိဘူး။” လို့ ပြောပါတယ်။

လောလောဆယ်တော့ သူတို့ ၃၂ ယောက် အဖွဲ့က လေးဒါး ဒုက္ခသည်စခန်းနဲ့ အဲဒီနေရာ တ၀ိုက်မှာ ရှိတဲ့ အငှားအိမ်တွေမှာ ခိုလှုံနေကြတယ်လို့ ဒေသခံတွေက ပြောပါတယ်။ 

လွန်ခဲ့တဲ့ တနင်္ဂနွေနေ့ ညပိုင်းမှာလည်း ရိုဟင်ဂျာ တစ်ရာလောက် ဇီးပေါင်းခါလီ နယ်စပ်ကနေ ဘင်္ဂလားဒေ့ရ်ှဖက်ကို ၀င်လာတယ်လို့ ဆိုပါတယ်။ ဒါပေမယ့် တပ်ခ်နာဖ် အမှတ် (၂) တပ်ရင်းက တပ်ရင်းမှူး အာဘူဇာလ် အာဇာဟိဒ် ကတော့ “မြန်မာနိုင်ငံမှာ လက်ရှိ ဖြစ်နေတဲ့ လူမျိုးတုန်း သတ်ဖြတ်မှုကို အကြောင်းပြပြီး ရိုဟင်ဂျာတွေဟာ နတ်မြစ်ကနေ တဆင့် ဘင်္ဂလားဒေ့ရ်ှဘက်ကို ၀င်လာဖို့ နေ့စဉ်နဲ့ အမျှ ကြိုးစားနေတယ်။ BGP (မြန်မာနယ်ခြားစောင့်ရဲတပ်ဖွဲ့) ကတော့ သူတို့ ဒီဘက်ကို မလာနိုင်အောင် တားဆီးနေတယ်။ BGB (ဘင်္ဂလားဒေ့ရှ် နယ်ခြားစောင့်တပ်) တွေကလည်း နေ့ရောညပါ ကင်းလှည့်နေတယ်။ စစ်တကောင်းက BGB အဖွဲ့တွေလည်း ကော့ဇ်ဘာဇားကို ခေါ်လာခဲ့တယ်။ နယ်စပ်တစ်လျှောက်မှာ လုံခြုံရေး တင်းကျပ်ထားတယ်” လို့ ပြောပါတယ်။

နောက်တစ်ဖက်မှာ စနေနေ့ညအမှောင်ထဲမှာ (၁၃) ဦး ပါဝင်တဲ့ မိသားစုတစ်စုက ဘင်္ဂလားဒေ့ရှ် - မြန်မာ နယ်စပ်ဖြစ်တဲ့ အူးကီးယား - ရှိလ်ခါလီ နယ်စပ်ကို ဖြတ်ကျော်ပြီး ကူတူပါလောင် ဒုက္ခသည်စခန်းမှာ ၀င်ရောက် ခိုလှုံနေပါတယ်။ အဲဒီမိသားစုကတော့ မောင်တောမြို့နယ် ကီယာရီဖာရာန် (ကြက်ရိုးပြင်) ကျေးရွာက ဖြစ်ပြီး၊ အဖေ၊ အဖေ၊ သားနှစ်ယောက်နဲ့ ချွေးမ၊ မြေးတွေ အပါအ၀င် အားလုံး (၁၃) ယောက် ဖြစ်ပါတယ်။ 

မောင်တောမြို့နယ် အာခ်ဘောရ်ဂျာ (သရက်အုပ်ကျေးရွာအုပ်စုမှ ရွာ) ကျေးရွာက ဦးနောဇူမျာရဲ့ သားဖြစ်သူ ဇာဘဲရ်ဟူစိန်းက “ကျွန်တော်တို့ သောကြာနေ့ ညပိုင်းမှာ လောင်းလှေကို အသုံးပြုပြီး ၂၈ ယောက် ဒီကို ရောက်လာတယ်။ ဒါပေမယ့် အခု ဘယ်သူက ဘယ်မှာဆိုတာ အတိအကျ မသိဘူး” လို့ ပြောပါတယ်။

မောင်တောမြို့နယ် ကီယာရီဖာရာန် (ကြက်ရိုးပြင်) ကျေးရွာက ဦးဆွေဒုလ်အာမီးန်နဲ့ ဇနီး ဒေါ်မီနာရာဘေဂမ်၊ ညီမဖြစ်သူ ဟာမီဒါဘေဂမ်၊ ညီဖြစ်သူ ဇူဘိုင်ရ်ဟူစိန်းရဲ့ သားနှစ်ယောက် တို့ဟာ လွန်ခဲ့တဲ့ ၅ ရက်က အုန်းဆီပြင် နယ်စပ်ကို ဖြတ်ကျော်ပြီး  ဘင်္ဂလားဒေ့ရ်ှကို ၀င်ရောက်ခဲ့တယ်လို့ ဒေသခံတစ်ဦးက ပြောပါတယ်။

ကော့ဇ်ဘာဇား ပြည်နယ်အုပ်ချုပ်ရေးမှူး အလီဟူစိန်းကတော့ “မြန်မာနဲ့ ထိစပ်နေတဲ့ နယ်စပ်က ပြည်နယ် အုပ်ချုပ်ရေးမှူးရဲ့ ကွပ်ကဲမှုအောက်မှာ ရှိနေတယ်။ BGB ကလည်း သတိ အနေအထားမှာ ရှိနေတယ်။ ရိုဟင်ဂျာ အချို့က ညဘက် အမှောင်ထဲမှာ ခိုးပြီး ၀င်နေတာ ရှိတယ်။ ဒါပေမယ့် ဘယ်နည်းနဲ့မှ ၀င်လို့မရအောင် ကျွန်တော်တို့ အနေနဲ့ တာဆီးနေတယ်” လို့ Dainik Purbokone ပြောပါတယ်။