နောက်ဆုံးသတင်း/ဆောင်းပါးများ

ကျောက်ပြင်ဆိပ်တွင် လူဦးရေ စစ်ဆေးခြင်းကို အကြောင်းပြု၍ ရွာသားများထံမှ ငွေကြေး အဆမတန် ကောက်ခံလျက်ရှိ

MYARF
RB News
29.12.2016

မောင်တော ။ ။ ရခိုင်ပြည်နယ်၊ မောင်တောမြို့နယ် မြောက်ပိုင်း ကျောက်ပြင်ဆိပ် ကျေးရွာ လူဦးရေ စစ်ဆေးလျက် ရှိပြီး၊ ဓါတ်ပုံရိုက်ခနှင့် အခြားသော ကိစ္စများ ငွေကြေး အဆမတန် ကောက်ခံလျက် ရှိကြောင်း သတင်း ရရှိပါသည်။

ဒီဇင်ဘာလ (၂၈) ရက်နေ့မှစ၍ နယ်ခြားစောင့်ရဲတပ်ဖွဲ့၊ မ.က.ဖ တို့ ပူးပေါင်း၍ မောင်တောမြို့နယ် မြောက်ပိုင်း ကျောက်ပြင်ဆိပ် ကျေးရွာတွင် လူဦးရေ စစ်ဆေးမှုများ ပြုလုပ်လျက် ရှိပြီး၊ လူဦးရေ စစ်ဆေးသည်ကို အကြောင်းပြု၍ ကျေးရွာ အုပ်ချုပ်ရေးမှူး ဦးဟာဘိစ်အာမတ်နှင့် နယ်ခြားစောင့်ရဲတပ်ဖွဲ့ တို့ပူးပေါင်း၍ ဓါတ်ပုံ ရိုက်ခဟု ဆိုကာ အိမ်ထောင်စုတစ်စုလျှင် ငွေကျပ် ၅၀၀၀/- စီ ကောက်ခံလျက် ရှိသည်။ ထို့အပြင် မ.က.ဖ က အိမ်ထောင်စု စာရင်းထည့်သွင်းထားရန်ဟု ဆိုကာ ပလတ်စတ်အိတ် တစ်ခုစီ ပေး၍ ငွေကျပ် ၁၀၀၀/- စီ ကောက်ခံလျက် ရှိကြောင်း ဒေသခံများက RB News သို့ပြောသည်။

မ.က.ဖ က ငွေကျပ် ၁၀၀၀/- စီ ကောက်ခံလျက် ရှိသည့် ပလတ်စတစ်အိတ်၏ အမှန်တကယ် တန်ဖိုးမှာ ငွေကျပ် ၁၀၀/- သာ ရှိသည်ဟု ဒေသခံများက ပြောပါသည်။

ယခုပြုလုပ်လျက် ရှိသည့် လူဦးရေ စစ်ဆေးမှုသည် နှစ်စဉ် ဆွဲ၊တင်၊စစ် မဟုတ်သောကြောင့် ကလေး မွေးတိုးတင်ခြင်း၊ သေဆုံး၊ ထွက်ပြေးများကို ပယ်ဖျက်ပေးခြင်း မရှိဟု ဒေသခံများက ဆိုသည်။ သို့သော်လည်း ကျောက်ပြင်ဆိပ် ကျေးရွာ အုပ်ချုပ်ရေးမှူးက ကလေးမွေးတိုးတင်ပေးခြင်း၊ သေဆုံး၊ ထွက်ပြေးများကို ပယ်ဖျက်ပေးနိုင်ခြင်း မရှိသော်လည်း၊ ကလေးမွေးတိုး တင်ရမည့်သူများကို စာရင်းကောက်ခံပြီး ကလေးတစ်ဦးလျှင် ငွေကျပ် ၅၀၀၀/- မှ ငွေကျပ် ၂၀၀၀၀/- ထိ ကောက်ခံလျက် ရှိသည်။ သေဆုံးနှင့် ထွက်ပြေးများကို စာရင်းကောက်ခံပြီး ငွေကျပ် ၅၀၀၀/- မှ ၂၀၀၀၀/- ထိ ကောက်ခံလျက် ရှိသည်။

မောင်တောနှင့် ဘူးသီးတောင် မြို့နယ်များရှိ ရိုဟင်ဂျာ ကျေးရွာအများစုတွင် ကျောက်ပြင်ဆိပ် ကျေးရွာတွင် ပြုလုပ်လျက် ရှိသည့် လူဦးရေ စစ်ဆေးမှုကဲ့သို့ စစ်ဆေးမှုများ ပြုလုပ်ပြီး ဓါတ်ပုံရိုက်ခြင်းများ ပြုလုပ်ခဲ့သည်။

အဆိုပါ ကျေးရွာများတွင် အိမ်ထောင်စု တစ်စုလျှင် ဓါတ်ပုံရိုက်ခ ၅၀၀/- မှ ၁၀၀၀/- ကျပ်၊ ဓါတ်ပုံရိုက်ရန် လာသည့် နယ်ခြားစောင့်ရဲများကို ထမင်းကျွေးစရိတ် ၁၀၀၀/- ကျပ် - စုစုပေါင်း ၁၅၀၀/- မှ ၂၀၀၀/- ကျပ်စီသာ ကောက်ခံခဲ့သည်။ အချို့ကျေးရွာများတွင် ငွေကြေး တတ်နိုင်သူများက ထမင်းကျွေးစရိတ်နှင့် ဓါတ်ပုံရိုက်ခ စိုက်ပေးခဲ့သဖြင့် ငွေကောက်ခံခဲ့ခြင်း မရှိခဲ့ကြောင်း သိရှိရသည်။


Comment ရေးရန်

Rohingya Exodus