နောက်ဆုံးသတင်း/ဆောင်းပါးများ

ဘုရားသခင်ကို တိုင်ပြောပြမယ်



ဘုရားသခင်ကို တိုင်ပြောပြမယ်

ရေးသားသူ - ယျာတင် (ရိုဟင်းသား)
RB ကဗျာ
7.12.2016

သားက သိပ်ငယ်သေးတယ်လေ
သုံးမိုးသုံးဆောင်းတောင် မပြည့်သေးတဲ့ အရွယ်ပါ။
လောကကြီးရဲ့အချိုအခါး
ပတ်ဝန်းကျင်ရဲ့ အနေအထား
ဘာဆိုဘာမှ မသိသေးတဲ့ အရွယ်လေးပါပဲ။

လောကကြီးကို ရောက်လာခဲ့ပြီးနောက်ပိုင်း
အမေရဲ့ရင်ခွင်နဲ့ အိမ်ကပုခက်ကလေးထဲမှာပဲ
တစ်လှည့်စီ ခိုလှုံနေရတာလေ။
ဒါပေမယ့်--
ပုခက်ကလေးမှာ သား မနေရတာ
အခုဆို ရက်သတ္တပတ် သုံးပတ်ကျော်ခဲ့ပြီ။

ဒီနေ့တော့--
ကြမ်းပြင်မှာ ပက်လက်နေတဲ့ သားကို
အမေ့က သူ့ရင်ခွင်ထဲ ပွေ့ပိုက်လို့
ခြေလှမ်းကျဲကျဲ လှမ်းနေတာ သား သတိပြုမိတယ်။
မြင့်တစ်ခါ နိမ့်တစ်လှည့် အမေရဲ့ခြေလှမ်းတွေကြောင့်
ရင်ခွင်ထဲ တင်းကျပ်စွာဖက်ထားတဲ့ ကြားကပဲ
သားခန္ဓာသေးသေးလေးက လှုပ်ခါနေလို့။
အမေ ရှုထုတ်တဲ့ ပင့်သက် ပူပူ
သားမျက်နှာပေါ် အဆက်မပြတ် ကျရောက်လို့။
တစ်ခါတလေ မျက်ရည်စက်ပူပူရော့ပဲလေ။

အမေရဲ့ရင်ဘတ်ထဲ မုန်တိုင်းတိုက်နေဘိအလား
အမေရဲ့ရင်ဘတ်ထဲ ငလျင်လှုပ်နေပြီဘိအလား
အမေ မောဟိုက်နေပြီ...
အမေရဲ့ရင်ဘတ်ထဲမှာလည်း ဆူညံနေပြီ။
ဪ... သား သတိရပြီ
အမေက ပန်းနာ ရောဂါသည်ကိုး။

×××××

အခုက ရေပေါ်လျှောက်နေသံ ကြားရပြီ။
ဟော... အမေ တစ်ခုခုပေါ် တက်ထိုင်လိုက်ပြီ။
ဘုရားသခင်ကို အမေ တသနေပြီ။
နေရောင်မရှိတာ အပထား...
လရောင်လေးတောင် ပိတ်ပိတ်ပျောက်နေတယ်။
အမေရေ ...
ဘာတွေ ဖြစ်နေလို့ ဘယ်ကိုဦးတည်သွားနေတာလဲ
ဟစ်အော် မေးလိုက်တဲ့အခါပေါ့
အမေက --
သူ့သားမြတ်အစုံ ဖုံးအုပ်ထားတဲ့ အဝတ်ကို ဟပေးခဲ့တယ်
သူ့သားလေး နို့ငတ်နေတယ်များ ထင်ခဲ့တာလား။
သားငိုသံကို အမေ ဘာသာ မပြန်တတ်ခဲ့တာ
ဒီတစ်ခါ ပထမဆုံး အကြိမ်ပါပဲ။

ဟော ... အမေ မဟုတ်တဲ့ လူစိမ်းတွေရဲ့အသံ
မကြားချင်းဘဲ သား နားထဲ ဆူဆူညံညံ။
အမေတိုက်တဲ့ နို့ပူပူ တစ်အောင့်စုပ်ပြီးနောက်
အမေရဲ့ ရင်ခွင်နွေးနွေးထဲမှာ သားအိပ်ပျော်သွားလေပြီ။

×××××


" ဒိုင်း... ဒိုင်း ... ဒိုင်း ဒိုင်း ..."
အဆက်မပြတ် ပေါက်ကွဲသံများ
သား နိုးနေချိန် ...
အမေရဲ့ ရင်ခွင်ထဲမှာ မဟုတ်တော့
ရေငန်တွေ သားပါးစပ်ထဲသို့ ဒလဟော စီးဝင်လို့။
သားကို ရေငန်မတိုက်ပါနဲ့လား
ခုနက အမေတိုက်တဲ့ နို့ပူပူ သောက်ခဲ့တာလေ။

အမေရေ ...သားကို ချန်ရစ်လို့ ဘယ်ရောက်နေတာလဲ
သားကို ရေငန် အတင်း တိုက်နေတာ
သား ဝမ်းတောင် ပေါက်ကွဲလုမတတ် ဖြစ်နေပြီ။
အမေရေ...သားနေသာတဲ့ အမေရဲ့ရင်ခွင် ဘယ်မှာလဲ။

××××

"ရက်စက်လိုက်တာဗျာ..."
"လူ့စိတ်မရှိလိုက်တာဗျာ..."
"ဒီကလေးမှာ ဘာအပြစ်ရှိလို့လဲ..."
"သနားလိုက်တာဗျ ..."

လူစိမ်းတွေ... သားမသိတဲ့ လူတွေ။
ဒီလူတွေ ဘာပြောနေတာပါလ်ိမ့်။

ဘယ်သူက ရက်စက်တာလဲ
ဘယ်သူက လူ့စိတ်မရှိတာလဲ
သားက ဘာအပြစ်ကျူးလွန်လို့ အပြစ်ရှိရမှာလဲ
ဘယ်သူက သနားစရာ ဖြစ်နေတာလဲ
သား ... နားကိုမလည်ဘူး။
အိပ်ရာကို လက်နဲ့စမ်းနေမှတော့
အမေရဲ့ နွေးထွေးတဲ့ ရင်ခွင်အစား
အေးစက်တဲ့ ရွှံ့မြေပျော့ပျော့လေးပဲ တွေ့မိ။

ဟာ!!! ဒီလူတွေ...
သားကို ဘယ်ဆီ ချီယူသွားနေတာလဲ
အမေရဲ့ နူးညံ့တဲ့ လက်တွေလည်း မဟုတ်ဘူး။

ဟာ!!! ပိတ်စဖြူ ...
သားကို ဘာလို့ ဝတ်ပေးတာလဲ။

ဟာ!!! မြေတွင်းတစ်ခု ...
ဟာ!!! သားကို ထည့်ပေးပြီ ...
ဟာ!!! မြေဖို့ ပေးနေပြီ ...
အမေရေ ... သားကို လာကယ်ပါဦးလား။

ဘာအပြစ်ကျူးလွန်လို့ မြေမြုပ်နေတာလဲ။
ဟွန့်... ဒီလူတွေ ဘယ်သူမှ မဖြေဘူး။

ဪ...သားကို ဒင်းတို့ ဘယ်သူမှ မလိုတော့မှ
သားလည်း မြေကြီးအောက် သွားနေပါရစေ။

အဲ့ဒီအရပ်မှာ--
သားနဲ့ ပုံပန်းသဏ္ဍာန်တူတဲ့
ဆီးရီးယားက အီလန်ကူရ်ဒီနဲ့ မိတ်ဖွဲ့လို့နေတော့မယ်။

×××××

ဒါပေမယ့်--
မောပန်းလို့ ရှူထုတ်တဲ့
အမေရဲ့ ပင့်သက်ပူပူ အကြောင်း...
ရင်ဘတ်ပေါက်ထွက်လုမတတ် ဆူညံခဲ့တဲ့
အမေရဲ့ ပန်းနာပေါက်ခဲ့မှု အကြောင်း ...
အမေ ကျမိတဲ့ မျက်ရည်စက်ပူပူတွေ အကြောင်း....
"ဒိုင်း...ဒိုင်း" အသံကြောင့်
အမေနဲ့ခွဲကွာခဲ့ရတဲ့ အကြောင်း...
သား ဝမ်းပေါက်ထွက်လောက်အောင်
ရေငန် အတင်းတိုက်ကျွေးခဲ့တဲ့ အကြောင်း...
အရာရာကို... အသေးစိတ်...တစ်ခုမကျန်
ဘုရားသခင်ကို သား ... တိုင်ပြောပြမယ်။
သား... ဧကန် တိုင်ပြောပြမယ်။


ယျာတင်(ရိုဟင်းသား)


မှတ်ချက် ။ ။ မောင်တောမြို့နယ် မြောက်ပိုင်းမှ ရိုဟင်ဂျာများ၊ အာဏာပိုင်များ၏ ရက်စက်ကြမ်းကြုတ်မှုကို မခံနိုင်၍ လှေဖြင့် အိမ်နီးချင်းနိုင်ငံ ဘင်္ဂလားဒေရှ့်သို့ သွားနေစဉ် ဒီဇင်ဘာလ (၄)ရက်နေ့၌ ပင်လယ်အလယ်တွင် ရေတပ်၏ပစ်ခတ်မှုကြောင့် လှေမြုပ်ခဲ့၍ အသက်ဆုံးသွားခဲ့ရှာသူ ရိုဟင်ဂျာ ကလေးငယ်များအကြောင်းကိုပုံဖော်ပြီး ခံစားရေးဖွဲ့ထားခြင်းဖြစ်ပါသည်။



Comment ရေးရန်

Rohingya Exodus