“ငါက မောင်တော မြောက်ပိုင်းမှာ မင်းတို့ ကုလားတွေကို သတ်ခဲ့တဲ့ကောင်၊ နင်တို့လို ကုလားမတွေကို မုဒိမ်းကျင့်ခဲ့တဲ့ကောင်” ဟု မန်ကျည်းချောင်းမှ ရဲမှူးပြော
MYARF
RB News
18.12.2016
မောင်တော ။ ။ ရခိုင်ပြည်နယ်၊ မောင်တောမြို့နယ် မန်ကျည်းချောင်း အခြေစိုက် နယ်ခြားစောင့် ရဲတပ်ဖွဲ့မှ ရဲမှူးနှင့် ပညောင်ပင်ကြီးမှ ကင်းစခန်းမှူး ရဲအုပ်တို့က ဒေသခံများကို ရိုက်နှက်ခြင်း၊ အတင်းအဓမ္မ ပစ္စည်းများ တောင်းခံခြင်း၊ လုပ်အားပေးခိုင်းခြင်း၊ နေအိမ်များကို ဖျက်ပစ်ရန် အမိန့်ပေးခြင်းများ အပြင် အမျိုးသမီးများကို ညစ်ညမ်း ကြမ်းတမ်းစွာ ပြောဆို၍ ခြိမ်းခြောက်လျက် ရှိကြောင်း သတင်း ရရှိပါသည်။
မောင်တောမြို့နယ်နှင့် ဘူးသီးတောင် မြို့နယ် များရှိ နယ်ခြားစောင့် ရဲတပ်ဖွဲ့ဝင်များကို ဒီဇင်ဘာလ ပထမအပတ်တွင် အပြောင်းအရွှေ့ ပြုလုပ်ခဲ့သည်။ မောင်တောမြို့နယ် တောင်ပိုင်း၊ မန်ကျည်းချောင်း (စခန်း အမှတ် ၁၅) သို့ အသစ်ပြောင်းရွှေ့ ရောက်ရှိလာသော နယ်ခြားစောင့် ရဲတပ်ဖွဲ့မှ ရဲမှူးသည် ယခင်က မောင်တောမြို့နယ် မြောက်ပိုင်းတွင် တာဝန်ကျခဲ့ဖူးသူ တစ်ဦး ဖြစ်သည်။ ၎င်း ရောက်ရှိလာသည့် ဒီဇင်ဘာလ (၄) ရက်နေ့မှ စ၍ စခန်း အမှတ် (၁၅) အပိုင်ရှိ ကျေးရွာများသို့ သွားရောက်၍ ခြံစည်းရိုးများ ဖျက်သိမ်းခြင်း ရှိ/မရှိ စစ်ဆေးလျက် ရှိသည်။
ထိုသို့ စစ်ဆေးရာတွင် အချို့သော ဆင်းရဲသားများက ပလတ်စတစ်ဖြင့် ကာထားသည့် ရေချိုးခန်းများ၊ လယ်ကွင်း၌ စိုက်ပျိုးထားသော ယာခင်းများကို ကျွဲ၊ နွားများ ၀င်ရောက် မဖျက်ဆီးနိုင်အောင် ပိုက်များဖြင့် ကာထားသည်ကို တွေ့ရှိသဖြင့် ပြုလုပ်ထားသူများကို ရိုက်နှက်၍ အကာများကို ချက်ချင်း ပယ်ဖျက်ခိုင်းခဲ့သည်။ ရိုက်နှက်ခံရသူ အများစုမှာ ဆင်းရဲသည့် အမျိုးသမီးများ ဖြစ်ကြသည်။
ထိုသို့ ရိုက်နှက်နေစဉ် ရဲမှူးက “ငါက မောင်တော မြောက်ပိုင်းမှာ မင်းတို့ ကုလားတွေကို သတ်ခဲ့တဲ့ကောင်၊ နင်တို့လို ကုလားမတွေကို မုဒိမ်းကျင့်ခဲ့တဲ့ကောင်” ဟု ပြောဆို ခြိမ်းခြောက်ခဲ့ကြောင်း ဒေသခံများက RB News သို့ပြောသည်။
ထို့အပြင် ကျေးရွာ မြေပုံတွင် မပါသည့် အိမ်များဟု ဆိုကာ အိမ်အချို့ကို ဖျက်ပစ်ရန် အမိန့်ပေးခဲ့သည်။ ယင်းအိမ်များကို ဖျက်ဆီးခြင်း ရှိ/မရှိ နေ့စဉ် သွားရောက် စစ်ဆေးရာတွင် လမ်းတလျှောက်တွင် တွေ့ရှိသူများကို ခေါ်၍ အကြောင်းမဲ့ ရိုက်နှက်ကြောင်း ဒေသခံများက ပြောပါသည်။
ပညောင်ပကြီး ကျေးရွာအုပ်စုတွင် ကင်းစခန်းတစ်ခု ရှိသော်လည်း ယခုအခါ ပညောင်ပင်ကြီး ကျေးရွာ အ၀င်ဝတွင် ကင်းစခန်းတစ်ခု ထပ်မံချထားပြီး စခန်း အဆောင်ကိုလည်း ရွာသားများက ဆောက်လုပ်ပေးရမည်ဟု အမိန့်ပေးခဲ့သည်။ ရွာသားများက ၀ါးဖြင့် ဆောက်လုပ်ပေးနိုင်မည်ဟု ပြောသည်ကို လက်မခံဘဲ သစ်သားဖြင့် ဆောက်လုပ်ပေးရမည်ဟု ပြောဆိုခဲ့ကြောင်း သိရှိရသည်။
ရွာသားများက ရွာမှ ငွေများကောက်ခံ၊ သစ်များ ကောက်ခံပေးခဲ့သော်လည်း ရဲမှူးက သစ်များ ပေးရုံဖြင့် ရမည်မဟုတ်ကြောင်း၊ ဆောက်လုပ်ပေးရမည်ဟု ပြောသဖြင့် ရွာသားများ နေ့စဉ် လုပ်အားပေးနေရကြောင်း ဒေသခံများက ပြောပါသည်။ လုပ်အားပေး နေရသူများကိုလည်း အကြောင်းမဲ့ ဆဲဆို ရိုက်နှက်သည်ဟု ဆိုသည်။
ပညောင်ပင်ကြီး ကျေးရွာအုပ်စု မိုဝင်ရွာရှိ ကင်းစခန်းမှ စခန်းမှူး ရဲအုပ်လည်း အချိန်မတော် ရွာထဲသို့ ၀င်ရောက်ပြီး တွေ့သမျှ အမျိုးသားများကို ရိုက်နှက်ခြင်း၊ အမျိုးသမီးများကို ညစ်ညမ်း ကြမ်းတမ်းသည့် စကားလုံးများ သုံး၍ ဆဲဆိုခြင်း “မောင်တောမြောက်ပိုင်းမှာ နင်တို့လို မိန်းမတွေကို ငါတို့ လိုသလို မုဒိမ်းကျင့်ခဲ့တာ” ဟု ပြောဆိုခြင်းများ ပြုလုပ်သည်ဟု ဒေသခံများက ပြောပါသည်။
ရဲမှူးနှင့် ရဲအုပ် နှစ်ဦးစလုံးက “မင်းတို့ ကုလားတွေကို ရိုက်နိုင် သတ်နိုင်မှ ကောင်းတာ” ဟု မကြာခဏ ပြောဆိုသည်ဟု ဒေသခံများ၏ ပြောကြားချက်များအရ သိရှိရသည်။
ကင်းစခန်းမှူး ရဲအုပ်က ယင်းရွာရှိ ပုဇွန်ကန် ပိုင်ရှင်းများအား ဆိုလာပြားနှင့် ဘက်ထရီအိုး တောင်းခံရာ ရွာသားများက ဆိုလာပြား ၁၅၀ ၀ပ်နှင့် ဘက်ထရီတစ်လုံး ၀ယ်ပေးခဲ့ရာ လက်မခံဘဲ ဆိုလာပြား ၃၀၀ ၀ပ် ပေးရမည်ဟု ပြောဆိုခဲ့ကြောင်း ဒေသခံများက ပြောပါသည်။
ယနေ့ ဒီဇင်ဘာလ (၁၈) ရက်နေ့တွင် ရဲမှူးနှင့် အဖွဲ့သည် ဘဂုံးနား အရှေ့ရွာသို့ သွားရောက်၍ တရားမ၀င် အဆောက်အဦဟု ဆိုကာ အစ္စလာမ် ဘာသာရေး စာသင်ကျောင်းကို ဖျက်ဆီးခဲ့သည်။ ထို့အပြင် ဒုချီးရားတန်းတွင်လည်း နေအိမ် (၇) လုံး ဖျက်ဆီးခဲ့ပြီး၊ ဂေါ်ဒူသာရမှ နေအိမ် (၄၅) လုံး ဖျက်ဆီးရန် အမိန့်ပေးခဲ့ကြောင်း ဒေသခံများက ပြောပါသည်။
