နောက်ဆုံးသတင်း/ဆောင်းပါးများ

ဂေါ်ဒူသာရမှ ဒေသခံ ရိုဟင်ဂျာများကို ဖမ်းဆီး ရိုက်နှက်၊ လုယက်သည့် စစ်သားများကို တပ်ရင်းမှူးက ရိုက်နှက်၍ တပ်ရင်းသို့ ခေါ်ဆောင်သွား



MYARF
RB News
8.1.2017

မောင်တော ။ ။ ရခိုင်ပြည်နယ်၊ မောင်တောမြို့နယ် တောင်ပိုင်း ဂေါ်ဒူသာရ ကျေးရွာ အတွင်းသို့ စစ်သားများ ၀င်ရောက်၍ ရွာသားများကို ရိုက်နှက်ဖမ်းဆီးခြင်း၊ အမျိုးသမီးများကို လိင်အကြမ်းဖက်ခြင်းနှင့် လုယက်ခြင်းများ ပြုလုပ်ခဲ့ကြောင်း၊ ပြစ်မှုကျူးလွန်သည့် စစ်သားများကို တပ်ရင်းမှူးက ရိုက်နှက်၍ တပ်ရင်းသို့ ပြန်လည် ခေါ်ဆောင်သွားကြောင်း သတင်း ရရှိပါသည်။

ဇန်န၀ါရီလ (၇) ရက်နေ့ ညနေ (၄) နာရီခန့် အချိန်တွင် မောင်တောမြို့နယ် တောင်ပိုင်း ဂေါ်ဒူသာရ ကျေးရွာအုပ်စု၊ တောင်ရွာသို့ စစ်သားများ ၀င်ရောက်လာပြီး ရွာသားများကို ရိုက်နှက်ခြင်း၊ ဖမ်းဆီးခြင်းများ ပြုလုပ်ခဲ့သဖြင့် အမျိုးသားများ ရွာမှ ထွက်ပြေး တိမ်းရှောင်ခဲ့ရသည်။ ထို့နောက် စစ်သားများက အမျိုးသမီးများကို ရိုက်နှက်ခြင်း၊ လိင်အကြမ်းဖက်ခြင်းများ ပြုလုပ်၍ လက်ဝတ်ရတနာများ၊ ငွေသားများ လုယက်ခြင်းများ ပြုလုပ်ခဲ့ကြောင်း ဒေသခံများက RB News သို့ပြောသည်။

ည ၈ နာရီခန့် အချိန်တွင် အဆိုပါ စစ်သားများသည် ရွာထဲသို့ တဖန်ရောက်ရှိလာပြီး အနောက်ရွာနှင့် တောင်ရွာများရှိ အိမ်များထဲသို့ ၀င်ရောက်၍ အမျိုးသား၊ အမျိုးသမီးများ အားလုံးကို လူမဆန်စွာ ရိုက်နှက်ပြီးနောက် အမျိုးသား (၇) ဦးကို ဖမ်းဆီးသွားခဲ့သည်။ အမျိုးသမီးများကို ရိုက်နှက်၍ ရွှေ၊ ငွေများ လုယက်ခဲ့သည့် အပြင် လိင်အကြမ်းဖက်မှုများ ပြုလုပ်ခဲ့သည်။

ည ၁၂ နာရီ အချိန်တွင် ဖမ်းဆီးထားသည့် အမျိုးသားများကို ကျောင်းသို့ ခေါ်သွားပြီး ကျောင်းခန်းထဲတွင် ပိတ်ထားပြီးနောက် စစ်သားများက လုယက်ထားသည့် ပစ္စည်းများကို ခွဲဝေနေစဉ် ဖမ်းဆီးခံထားရသူများ ထွက်ပြေး လွတ်မြောက် သွားခဲ့သည်။ စစ်သားများသည် ညအချိန်တွင် ကျောင်းအတွင်း၌ စခန်းချ နေထိုင်ခဲ့သည်။

ယနေ့ ဇန်န၀ါရီလ (၈) ရက်နေ့ နေ့လည်ပိုင်းတွင် ဂေါ်ဒူသာရ တံတားစခန်း အခြေစိုက် နယ်ခြားစောင့်ရဲတပ်ဖွဲ့မှ ရဲမှူးကျော်သူရီနှင့် အဖွဲ့သည် ရွာထဲသို့ ရောက်ရှိလာပြီး၊ ရိုက်နှက်ခံရသူများ၊ လုယက်ခံရသူများ၏ ရွှေ၊ ငွေ ပစ္စည်းများ၊ လိင်အကြမ်းဖက်ခံရသည့် အမျိုးသမီးများ၏ စာရင်းများကို ပြုစု၍ အထက်အရာရှိများကို တိုင်တန်းခဲ့ကြောင်း သိရှိရသည်။

နေ့လည် ၃း၃၀ နာရီ အချိန်တွင် မောရ၀တီ အခြေစိုက် စစ်တပ်မှ တပ်ရင်းမှူး ရောက်ရှိလာပြီး ရိုက်နှက်ခံရသူများကို စစ်သားများ စခန်းချထားသည့် ကျောင်းသို့ ခေါ်ဆောင်သွားပြီး စစ်ဆေး၍ ဆေးကုသပေးခဲ့ပြီး၊ စစ်သားများကို ရိုက်နှက်၍ မောရ၀တီရှိ တပ်ရင်းသို့ ခေါ်ဆောင်သွားကြောင်း ဒေသခံများက ပြောပါသည်။

နယ်ခြားစောင့်ရဲတပ်ဖွဲ့မှ ရဲမှူးကျော်သူရီ၏ စာရင်းအရ အမျိုးသမီး ၃၀ ဦးနှင့် အမျိုးသား ၇ ဦး ရိုက်နှက်ခံခဲ့ ရကြောင်း သိရှိရပါသည်။


Comment ရေးရန်

Rohingya Exodus