မောင်တော ကံပူးကျေးရွာမှ ဒေသခံများ ငွေညှစ်ခံရ၊ ဆိုင်ကယ်များ ကြက်ကျိန်း တံတား ဖြတ်သန်းလျှင် နယ်ခြားစောင့်ရဲများ ငွေညှစ်
MYARF
RB News
10.1.2017
မောင်တော ။ ။ ရခိုင်ပြည်နယ်၊ မောင်တောမြို့နယ် တောင်ပိုင်းမှ နယ်ခြားစောင့်ရဲများနှင့် မြောက်ပိုင်းမှ နယ်ခြားစောင့်ရဲများက ဒေသခံ ရိုဟင်ဂျာများထံမှ နည်းမျိုးစုံဖြင့် ငွေညှစ်လျက် ရှိကြောင်း သတင်း ရရှိပါသည်။
မောင်တောမြို့နယ် တောင်ပိုင်း ကံပူးကျေးရွာ အပိုင်း အုန်းတောချောင်းဝ ကင်းစခန်းမှ နယ်ခြားစောင့်ရဲ (၈) ဦးသည် ဆိုင်ကယ် (၅) စီးဖြင့် ကံပူးကျေးရွာသို့ ဇန်န၀ါရီလ (၈) ရက်နေ့ ည ၈ နာရီခွဲ အချိန်တွင် ရောက်ရှိလာပြီးနောက် ရွာသားများက ခြံစည်းရိုးများ ဖျက်ခံရပြီးနောက် ပလတ်စတစ်များဖြင့် ကာထားသည့် ရေချိုးခန်းများ၊ အချို့က လမ်းမှ အိမ်ထဲသို့ မမြင်ရအောင် တံခါးတွင် ပလတ်စတစ်များဖြင့် ကာထားသည်ကို တွေ့ရှိပြီး၊ အိမ်ရှင်များထံမှ ငွေညှစ်ခဲ့ကြောင်း ဒေသခံများက RB News သို့ပြောသည်။
ငွေညှစ်ခံရသူများမှာ --
(၁) ဦးမိုဂျီဘုလ္လာ (ဘ) ဦးဆာလေ (အသက် ၅၅ နှစ်)
(၂) ဦးရိုဟီဒူလ္လာ (ဘ) ဦးအုမာရ်ဟာကိမ်း (အသက် ၄၀ နှစ်)
(၃) ဦးအဒူကရိမ်း (ဘ) ဦးဆာလေ (အသက် ၄၅ နှစ်)
(၄) ဦးဒူဒူမျာ (အသက် ၅၀ နှစ်)
(၅) ဦးနူရူလ်ဟောက် (အသက် ၆၀ နှစ်)
(၆) ဦးအဒူမူနာဖ် (အသက် ၅၀ နှစ်)
(၇) ဦးအိုဘိုက်ဒူလ္လာ (အသက် ၅၀ နှစ်)
(၈) ဦးအဒူဆလာမ် (အသက် ၅၀ နှစ်)
(၉) ဦးဒူဒူမျာ (အသက် ၅၅ နှစ်) -- တို့ဖြစ်ကြသည်။
သပြေတော ကျေးရွာအုပ်ချုပ်ရေးမှူး ဦးရော်ဘိစ်အာမတ် သည် ကျေးရွာတွင်း နေအိမ်များ ဖြိုဖျက်ရန် စာရင်းတွင် ပါဝင်နေသည့် အိမ်များဟု ဆိုကာ အိမ်ထောင်စု (၆) စုမှ ငွေကျပ် တစ်သိန်းစီ ညှစ်ယူခဲ့သည်။ ငွေညှစ်ခံရသူများထဲတွင် မုဆိုးမတစ်ဦး ပါဝင်ပြီး၊ ငွေညှစ်ခံရပြီးနောက် နေအိမ်ဖြိုဖျက်ခံရသောကြောင့် ငွေများ ပြန်တောင်းသည့် အခါ အုပ်ချုပ်ရေးမှူးက ငွေပြန်မပေးဘဲ ဆဲဆိုခြိမ်းခြောက်ခဲ့ကြောင်း ဒေသခံတစ်ဦးက RB News သို့ပြောသည်။
မောင်တောမြို့နယ် မြောက်ပိုင်း၊ ကြက်ကျိန်း တံတား ကင်းစခန်းမှ နယ်ခြားစောင့်ရဲများက တံတားဖြတ်သန်းခဟု ဆိုကာ ကိုယ်ပိုင် ဆိုင်ကယ်သမားများထံမှ တစ်စီးလျှင် ငွေကျပ် ၅၀၀ နှင့် ဆိုင်ကယ်နောက်တွင် လူပါလျှင် (အငှားဆွဲနေသည့် ဆိုင်ကယ်) ၁၀၀၀ ကျပ်စီ ကောက်ခံလျက်ရှိကြောင်း ဒေသခံများက ပြောပါသည်။
