နယ်ခြားစောင့်ရဲတပ်ဖွဲ့ ကင်းစခန်းများ ခြံစည်းရိုး ကာရံရန် ဒေသခံရိုဟင်ဂျာများ ထံမှ ငွေကောက်ခံလျက်ရှိ

RB News

2.1.2017

မောင်တော ။ ။ ရခိုင်ပြည်နယ်၊ မောင်တောမြို့နယ် အတွင်းရှိ ကျေးရွာအချို့တွင် နယ်ခြားစောင့်ရဲတပ်ဖွဲ့ ကင်းစခန်းများ ခြံစည်းရိုး ကာရံရန် အတွက်ဟု ဆိုကာ ဒေသခံ ရိုဟင်ဂျာများထံမှ ငွေကောက်ခံလျက် ရှိကြောင်း သတင်း ရရှိပါသည်။ 

မောင်တောမြို့နယ် တောင်ပိုင်း၊ အလယ်သံကျော် ကျေးရွာရှိ နယ်ခြားစောင့်ရဲတပ်ဖွဲ့ စခန်း (ယခင် န.စ.က နယ်မြေ (၇) စခန်း) ကို ခြံစည်းရိုး ကာရံရန် အတွက်ဟု ဆိုကာ အလယ်သံကျော် ကျေးရွာအုပ်ချုပ်ရေးမှူး ဦးဇော်ထူးနှင့် ယင်းကျေးရွာအုပ်စု၊ ဈေးကုန်တန်း ကျေးရွာမှ ဆယ်အိမ်မှူး တစ်ဦးတို့ ပူးပေါင်း၍ ၂၀၁၆ ခုနှစ် ဒီဇင်ဘာလ (၂၆) ရက်နေ့မှ (၂၉) ရက်နေ့ထိ ဈေးကုန်တန်း ကျေးရွာမှ အိမ်ထောင်စု တစ်စုလျှင် ငွေကျပ် ၂၀၀၀/- စီ ကောက်ခံခဲ့သည်။ 

ထို့နောက် ဒီဇင်ဘာလ (၂၉) ရက်နေ့မှစ၍ အိမ်ထောင်စု တစ်စုလျှင် လုပ်အားပေး တစ်ယောက်ကျစီ ခေါ်၍ အလုပ်လုပ်ခိုင်းလျက် ရှိပြီး၊ လုပ်အားပေးရန် လူမရှိသည့် အိမ်ထောင်စုများမှ ငွေကျပ် ၅၀၀၀/- မှ ၇၀၀၀/- စီ ကောက်ခံလျက် ရှိကြောင်း ဒေသခံများက RB News သို့ပြောသည်။ 

မောင်တောမြို့နယ် တောင်ပိုင်း တပ်ဦးချောင်း ကျေးရွာအုပ်စု၊ နူရူလ္လာရွာ ကျောင်းအနီးရှိ နယ်ခြားစောင့်ရဲတပ်ဖွဲ့ ကင်းစခန်းကို ခြံစည်းရိုး ကာရံရန် အတွက်ဟု ဆိုကာ ယင်းကင်းစခန်း တာဝန်ခံ ရဲအုပ်က ကျေးရွာအုပ်ချုပ်ရေးမှူး ဦးဘထွန်းနှင့် ဘဂုံးနား အရှေ့ရွာမှ ရပ်မိရပ်ဖ ဦးမာမတ်နုရ် တို့ကို ခေါ်၍ ငွေကျပ် ၁၀ သိန်း ကောက်ခံပေးရန် ဒီဇင်ဘာလ နောက်ဆုံးပတ်တွင် ပြောဆိုခဲ့သည်။ 

သို့ဖြစ်၍ ကျေးရွာအုပ်ချုပ်ရေးမှူး ဦးဘထွန်းနှင့် ရပ်မိရပ်ဖ ဦးမာမတ်နုရ် တို့က နူရူလ္လာရွာ၊ မာဒိလာရွာ (မာဇိလ္လားဖာရာ) နှင့် တပ်ဦးအနောက်ရွာ များမှ ရွာမျက်နှာဖုံးများကို ခေါ်၍ နူရူလ္လာရွာမှ ငွေကျပ် ၆ သိန်း၊ မာဒိလာရွာမှ ငွေကျပ် ၂ သိန်းနှင့် တပ်ဦးအနောက်ရွာမှ ငွေကျပ် ၂ သိန်း ပေးရမည်ဟု ပြောဆိုခဲ့သည်။ 

တပ်ဦးချောင်း ကျေးရွာအုပ်ချုပ်ရေးမှူး ဦးဘထွန်းသည် ဒီဇင်ဘာလ နောက်ဆုံးပတ်တွင် နယ်ခြားစောင့်ရဲတပ်ဖွဲ့မှ G-1 အတွက်ဟု ဆိုကာ နူရူလ္လာရွာမှ ငွေကျပ် ၁၅ သိန်း ကောက်ခံခဲ့ကြောင်း ဒေသခံတစ်ဦးက RB News သို့ပြောသည်။ 

နယ်ခြားစောင့်ရဲတပ်ဖွဲ့ မန်ကျည်းချောင်း စခန်း (စခန်း ၁၅) မှ တာဝန်ခံ ရဲမှူးကျော်သူရီကလည်း နူရှုလ္လာရွာမှ ဒေသခံ (၁၃) ဦးကို လူဆိုး စာရင်း၌ ပါဝင်နေသည်ဟု ခြိမ်းခြောက်၍ ငွေကျပ် (၂၆) သိန်း ညှစ်ယူခဲ့ကြောင်း သိရှိရသည်။