သိမ်တောင်ပြင်မှ ကျေးရွာတာဝန်ခံနှင့် ရွာမျက်နှာဖုံးများကို အာဏာပိုင်များက လုပ်ကြံဖန်တီးမှုများ ပြုလုပ်၍ ဖမ်းဆီးထောင်ချရန်နှင့် ငွေညှစ်ရန် ကြိုးစားလျက်ရှိ

RB News

27.1.2017

ဘူးသီးတောင် ။ ။ ရခိုင်ပြည်နယ်၊ ဘူးသီးတောင်မြို့နယ် တောင်ပိုင်း၊ သိမ်တောင်ပြင် ကျေးရွာအုပ်စု အုပ်ချုပ်ရေးမှူးနှင့် ညောင်ချောင်း အခြေစိုက် နယ်ခြားစောင့်ရဲတပ်ဖွဲ့ တို့ပူးပေါင်း၍ ကျေးရွာတာဝန်ခံ အပါအ၀င် ရွာမျက်နှာဖုံး ဒေသခံ (၂၀) ဦးကျော်ကို လုပ်ကြံဖန်တီးမှုများ ပြုလုပ်၍ ဖမ်းဆီးထောင်ချရန်နှင့် ငွေညှစ်ရန် ကြိုးစားလျက် ရှိကြောင်း သတင်း ရရှိပါသည်။ 

ဘူးသီးတောင်မြို့နယ် တောင်ပိုင်း၊ သိမ်တောင်ပြင်ကျေးရွာအုပ်စု အုပ်ချုပ်ရေးမှူး ဦးကျော်သန်းဝင်းနှင့် ညောင်ချောင်း ကျေးရွာ အခြေစိုက် နယ်ခြားစောင့်ရဲတပ်ဖွဲ့တို့ ပူးပေါင်း၍ ကျေးရွာတာဝန်ခံ အပါအ၀င် ရွာမျက်နှာဖုံး ဒေသခံ (၂၀) ဦးကျော်တို့ကို လုပ်ကြံဖန်တီးမှုများပြုလုပ်ပြီး စစ်ဆေးနေကြောင်း သိရှိရသည်။ 

ဇန်န၀ါရီလ (၁၁) ရက်နေ့တွင် ဘူးသီးတောင်မြို့နယ် တောင်ပိုင်း၊ သိမ်တောင်ပြင် ကျေးရွာမှ ဦးရော်ရှိတ်အာမတ် (ဘ) ဦးမောင်တုလ်အာမတ်သည် ရွာအတွင်းရှိ ဆိုင်တစ်ဆိုင်တွင် ထိုင်နေစဉ် ၎င်း၏ ယောက်ဖအရင်းဖြစ်သူ ဦးရှိုရ်မာမတ် (ဘ) ဦးဆုလ်တာန်နှင့် စကားများခဲ့ရာ ဦးရော်ရှိတ်အာမတ်က ဦးရှိုရ်မာမတ်ကို ဆဲဆိုခဲ့သည်။ ဦးရှိုရ်မာမတ်၏ ဖခင်ဖြစ်သူ ဦးဆုလ်တာန်သည် ယခင်က ရခိုင် ဗုဒ္ဓဘာသာဝင် ဖြစ်ခဲ့သူဖြစ်ပြီး၊ နောက်ပိုင်း အစ္စလာမ်ဘာသာသို့ ကူးပြောင်းလာသူ ဖြစ်သည်။ နှစ်ဦးသား စကားများစဉ် ဦးရော်ရှိတ်အာမတ်က “မင်းရဲ့အဖေက ရခိုင်၊ မင်းကလည်း ရခိုင်ပဲ” ဟု ပြောဆိုခဲ့သည်ကို ဦးရှိုရ်မာမတ်က မကျေနပ်၍ ညောင်ချောင်း အခြေစိုက် နယ်ခြားစောင့်ရဲတပ်ဖွဲ့ စခန်း (စခန်း ၂၆) သို့ တိုင်တန်းခဲ့သည်။ 

ထိုကဲ့သို့ တိုင်တန်းသည်ကို နယ်ခြားစောင့်ရဲများက ရခိုင်လူမျိုးကို ဆဲဆိုခဲ့သည်ဟု လုပ်ကြံဖန်တီး၍ ရော်ရှိတ်အာမတ် အပါအ၀င် စကားများသည့် အချိန်တွင် ဆိုင်၌ ရှိနေခဲ့သည့် ဒေသခံ (၁၀) ဦးကျော်နှင့် ကျေးရွာ တာဝန်ခံတို့ကို ဇန်န၀ါရီလ (၂၄) ရက်နေ့မှစ၍ စခန်း ၂၆ တွင် စစ်ဆေးလျက် ရှိသည်။ စစ်ဆေးနေသူများကို နံနက်ပိုင်းမှစ၍ တစ်နေကုန် စစ်ဆေးပြီး ညနေပိုင်းမှသာ အိမ်ပြန်စေသည်။ 

ကျေးရွာအုပ်ချုပ်ရေးမှူး ဖြစ်သူ ဦးကျော်သန်းဝင်းက ဇန်န၀ါရီလ (၂၂) ရက်နေ့တွင် ဦးလာလ်မျာ (ဘ) ဦးအဒူလာမျာ၏ နေအိမ်တွင် ရိုဟင်ဂျာများ အစည်းအဝေး ပြုလုပ်ခဲ့သည်ဟု ဆိုကာ ညောင်ချောင်း နယ်ခြားစောင့်ရဲတပ်ဖွဲ့ စခန်းသို့ လုပ်ကြံ ဖန်တီး၍ အစီရင်ခံခဲ့သည်။ ထိုသို့ အစီရင်ခံခဲ့သည်ကို အကြောင်းပြု၍ နယ်ခြားစောင့်ရဲများက ယခုစစ်ဆေးလျက် ရှိသည့် ရွာသားများနှင့် ကျေးရွာတာဝန်ခံတို့ကို ဖမ်းဆီး၍ ထောင်ချမည်လားဟု ဒေသခံများက စိုးရိမ်မကင်း ဖြစ်လျက်ရှိနေကြသည်။ ထိုကဲ့သို့ လုပ်ကြံဖန်တီးမှုများကြောင့် အမျိုးသားများသည် ၎င်းတို့၏ နေအိမ်များတွင် ညအိပ်ရန်ပင် မ၀ံ့မရဲဖြစ်နေကြောင်း ဒေသခံများက RB News သို့ပြောသည်။ 

၂၀၁၆ ခုနှစ် အောက်တိုဘာလ (၉) ရက်နေ့တွင် ဖြစ်ပွားခဲ့သည့် ကျီးကန်းပြင်၊ ငါးခူရနှင့် ကိုးတန်ကောက်ရှိ နယ်ခြားစောင့်ရဲတပ်ဖွဲ့ စခန်းများ တိုက်ခိုက်မှု နောက်ပိုင်းတွင် တည်ငြိမ်နေသော ဘူးသီးတောင်မြို့နယ် တောင်ပိုင်း၊ ညောင်ချောင်းနယ်မြေတွင် ဆူပူအုံ့ကြွမှုများ ဖြစ်စေရန် နယ်ခြားစောင့်ရဲများနှင့် ရခိုင်၊ ဒိုင်းနက်လူမျိုး ကျေးရွာအုပ်ချုပ်ရေးမှူးများက အကြိမ်ကြိမ် ကြိုးစားခဲ့သည့်အပြင် အပြစ်မဲ့ ဒေသခံ ရိုဟင်ဂျာ (၂၃) ဦးကျော်ကို မတရားသဖြင့် ဖမ်းဆီး၍ ချုပ်နှောင်ထားသည်။ ထိုသို့ ကြိုးပမ်းရာတွင် နယ်ခြားစောင့်ရဲများနှင့် ရခိုင်၊ ဒိုင်းနက် ကျေးရွာအုပ်ချုပ်ရေးမှူးများက လုပ်ကြံဖန်တီးမှုများ ပြုလုပ်ပြီး စစ်တပ်ကိုပါ ခေါ်၍ အသုံးချခြင်းများ ပြုလုပ်လျက်ရှိသည်။ 

ရိုဟင်ဂျာ ကျေးရွာအုပ်ချုပ်ရေးမှူးများနှင့် ကျေးရွာတာဝန်ခံများကို ပြည်ထဲရေး ၀န်ကြီးဌာနက ခန့်အပ်ထားသော်လည်း တပ်မတော်နှင့် နယ်ခြားစောင့်ရဲများ၏ ဥပဒေမဲ့ ခိုင်းစေခြင်းများ အမြဲခံနေရသည့် အပြင် ဖမ်းဆီးခြင်း၊ ရိုက်နှက်ခြင်း၊ ထောင်ချခံရခြင်းများပါ ခံနေရကြောင်း၊ ယခုလည်း သိမ်တောင်ပြင် ကျေးရွာတာဝန်ခံကို လုပ်ကြံဖန်တီးမှုများ ပြုလုပ်ပြီး ဖမ်းဆီးထောင်ချမည်လားဟု စိုးရိမ်နေကြောင်း၊ ရခိုင်ပြည်နယ်တွင် ရိုဟင်ဂျာများ၏ ဘ၀မှ ကြက်၊ ငှက်များကဲ့သို့ပင် လုံခြုံမှုမရှိကြောင်း ဒေသခံများက ပြောပါသည်။