နောက်ဆုံးသတင်း/ဆောင်းပါးများ

သမ္မတအမိန့်အရဟု ဆိုကာ နယ်ခြားစောင့်ရဲများက မောင်တောမှ ရိုဟင်ဂျာများကို သွားလာရေး ပိတ်ဆို့လိုက်

MYARF
RB News
20.2.2017

မောင်တော ။ ။ ရခိုင်ပြည်နယ်၊ မောင်တောမြို့နယ်မှ ရိုဟင်ဂျာများကို ကျေးရွာတစ်ခုမှ တစ်ခုသို့ သွားလာခြင်းကို နယ်ခြားစောင့်ရဲတပ်ဖွဲ့က သမ္မတ အမိန့်အရဟုဆိုကာ ယနေ့မှစ၍ ပိတ်ပင်လိုက်ပြီ ဖြစ်သဖြင့် ဒေသခံရိုဟင်ဂျာများ အခက်အခဲမျိုးစုံ ကြုံတွေ့နေရကြောင်း သတင်းရရှိပါသည်။

မောင်တော တောင်ပိုင်းရှိ နယ်ခြားစောင့်ရဲတပ်ဖွဲ့ စခန်းများ အားလုံးနှင့် မောင်တော မြောက်ပိုင်းရှိ နယ်ခြားစောင့်ရဲတပ်ဖွဲ့ စခန်း အချို့တို့က ၂၀၁၇ ခုနှစ် ဖေဖော်ဝါရီလ ၂၀ ရက်နေ့၊ နံနက်ပိုင်းအချိန်မှစ၍ ဒေသခံရိုဟင်ဂျာများ၏ သွားလာရေးကို ပိတ်ပင်လိုက်ခြင်း ဖြစ်သည်။ NVC ကဒ် လက်မခံသောကြောင့် သမ္မတက ပိတ်ဆို့ခိုင်း၍ ပိတ်ဆို့နေခြင်း ဖြစ်သည်ဟု အဆိုပါ နယ်ခြားစောင့်ရဲများက ဒေသခံရိုဟင်ဂျာများကို ပြောသည်ဟု မောင်တော တောင်ပိုင်းမှ ဒေသခံတစ်ဦးက RB News သို့ပြောသည်။

"သူတို့ကတော့ NVC လက်မခံလို့ သမ္မတက ပိတ်ဆို့ခိုင်းတယ်လို့ ပြောတယ်။ မောင်တော တောင်ပိုင်းက လူတွေကတော့ မိမိကျေးရွာထဲမှာပဲ လုံးဝ ပိတ်မိနေတယ်။ ဘယ်မှ သွားလို့မရဘူး။ ဒီအခြေအနေအတိုင်းဆို လူတွေကတော့ တော်တော် ဒုက္ခရောက်မှာပဲ။ အထူးသဖြင့် တစ်နေ့ရှာ တစ်နေ့စားရတဲ့ ဆင်းရဲနွမ်းပါးသူတွေ၊ မြို့ပေါ်တက် ဆေးကုသမှု ခံယူရမယ့် လူနာတွေပေါ့။ ပြီးတော့ အလည်အပတ် ရောက်နေတဲ့ လူတွေကလည်း ပြန်သွားခွင့်မရဘဲ ပိတ်မိနေတယ်လေ။'' ဟု မောင်တော တောင်ပိုင်းမှ ဒေသခံက အခြေအနေကို ပြောပြသည်။

ဤကဲ့သို့ အကျပ်ကိုင်နေသော အနေအထားတွင် ဒေသခံရိုဟင်ဂျာများ၏ NVC အပေါ် သဘောထားက မည်သို့ ရှိပါသနည်း ဆိုသော မေးခွန်းကို အဆိုပါ ဒေသခံက ''လူတွေကတော့ ဘယ်အနေအထားမှာပဲ ဖြစ်ဖြစ် NVC လက်မခံချင်ဘူး။ အငတ်ဘေးနဲ့ သတ်သတ် လက်နက်နဲ့ သတ်သတ် အသေခံပြီးတော့ ဒီကဒ်ကို ဆန့်ကျင်နေမယ့် အနေအထားမှာ ရှိတယ်။'' ဆိုကာ အများစု၏ ဘဘောထားအမြင်ကို ပြောပြသည်။

မောင်တော မြောက်ပိုင်းတွင် အမှတ်(၁) နယ်ခြားစောင့်ရဲတပ်ဖွဲ့ ဌာနချုပ် တစ်ခုတည်းမှ သွားလာခွင့် ပိတ်ပင်လိုက်ခြင်း ဖြစ်ပြီး ကျန်စခန်းများက ဖေဖော်ဝါရီလ (၂၁) ရက်နေ့မှစ၍ ပိတ်ဆို့ထားမည်ဖြစ်ကြောင်း မြောက်ပိုင်းမှ ဒေသခံတစ်ဦးက ပြောပါသည်။

"ဒီနေ့ကတော့ အသိပေးတာတဲ့။ မနက်ဖြန်ကစပြီးတော့ NVC ရှိမှ စခန်းဖြတ်လို့ရမယ် ပြောတယ်။''

မောင်တော အခြေစိုက် လူ့အခွင့်အရေးစောင့်ကြည့်လေ့လာနေသူ တစ်ဦး၏ ပြောပြချက်အရ ဖေဖော်ဝါရီလ (၂၁) ရက်နေ့မှစ၍ နယ်ခြားစောင့် ရဲစခန်းတိုင်းတွင် လ.ဝ.က အဖွဲ့ရှိမည်ဖြစ်ကြောင်း၊ စခန်းဖြတ်ပြီး သွားလာရန် ရောက်ရှိလာသူမှန်သမျှကို ဖမ်းဆီး၍ NVC ကဒ်ကို အတင်းအဓမ္မ ထုတ်ပေးမည် ဖြစ်ကြောင်း သိရှိရပါသည်။

၎င်းက ဆက်လက်၍ "သမ္မတ အမိန့်နဲ့ ပိတ်တယ်ဆိုတော့ လွယ်လွယ်နဲ့တော့ ရပ်တန့်မယ် မထင်ဘူး။ တစ်ဖက်က လူတွေကလည်း NVC ဟာ သူတို့လို ဒီနိုင်ငံထဲ ဘိုးစဉ်ဘောင်ဆက် နေလာသူတွေနဲ့ ဘာမှ ဆိုင်မနေဘူးလို့ ခံယူကြတယ်။ ဒီတော့ အစိုးရက ဒီလိုမျိုး လူမဆန်တဲ့ အကျပ်ကိုင်မှုမျိုးနဲ့ ဆက်သွားမယ် ဆိုရင် လူတွေ ပေါက်ကွဲ လာနိုင်တယ်။ မတရားအသတ်ခံရတာထက် တုန့်ပြန်ပြီး အသေခံမှာပေါ့ဗျာ။ ဒီမိုကရေစီမှာ အတင်းအဓမ္မက မရှိဘူးလေ။ '' ဟုဆိုသည်။

မောင်တောမြို့ပေါ်တွင်လည်း ဆိုင်အတော်များများ ပိတ်ထားရကြောင်း၊ လူအသွားအလာ၊ ကားအသွားအလာလည်း အတော်နည်းပါးကြောင်း မြို့ခံတစ်ဦးက ပြောပြသည်။

နောက်ဆုံး သတင်းများအရ မောင်တောမြို့နယ် တောင်ပိုင်း အလယ်သံကျော် ကျေးရွာမှ ရိုဟင်ဂျာ ၂၈ ဦးကို စွပ်စွဲချက် အမျိုးမျိုးဖြင့် ဖမ်းဆီး၍ ညှဉ်းပန်းနှိပ်စက်၍ NVC ကို အဓမ္မထုတ်ပေးခဲ့ကြောင်း လူ့အခွင့်အရေး လှုပ်ရှားသူတစ်ဦးက ပြောပြပါသည်။




Comment ရေးရန်

Rohingya Exodus