မောင်နီရွာမှ နယ်ခြားစောင့်ရဲ ကင်းစခန်း တာဝန်ခံနှင့် ရွာဥက္ကဌဟောင်း တို့ပူးပေါင်း၍ ရွာသားတစ်ဦးထံမှ ငွေ ၄ သိန်းညှစ်
Rohingya Eye
RB News
24.2.2017
မောင်တော ။ ။ ရခိုင်ပြည်နယ်၊ မောင်တောမြို့နယ် မြို့မကညင်တန်း ကျေးရွာအုပ်စု၊ မောင်နီရွာ အခြေစိုက် နယ်ခြားစောင့်ရဲနှင့် ရွာဥက္ကဌဟောင်းတို့ ပူးပေါင်း၍ ဆင်းရဲသည့် ရွာသားတစ်ဦးကို ဖမ်းဆီး၍ ငွေညှစ်ခဲ့ကြောင်း သတင်းရရှိပါသည်။
ဖေဖော်ဝါရီလ (၂၃) ရက်နေ့ ည ၉ နာရီတွင် မောင်တောမြို့နယ်၊ မြို့မကညင်တန်း ကျေးရွာအုပ်စု၊ မောင်နီရွာ အခြေစိုက် နယ်ခြားစောင့်ရဲတပ်ဖွဲ့ ကင်းစခန်းမှ တာဝန်ခံ ဒု-ရဲအုပ်မြင့်ကြူနှင့် ကျေးရွာ ဥက္ကဌဟောင်း ဦးမာမတ်ရော်ရှိတ် (အသက် ၄၀ နှစ်) တို့ပူးပေါင်း၍ မောင်နီရွာ အလယ်ပိုင်းတွင် နေထိုင်သူ ဦးအုစ်မာန်ဂေါ်နီ (ခ) မားတင်းန်ဂါး (ဘ) ဦးတူဖိုက်လ်အာမတ် (အသက် ၂၈ နှစ်) ၏ နေအိမ်သို့ သွားရောက်၍ ဦးအုစ်မာန်ဂေါ်နီ ကို ဖမ်းဆီးခဲ့သည်။
ဦးအုစ်မာန်ဂေါ်နီသည် တံငါးသည်ဘ၀ဖြင့် အသက်မွေးဝမ်းကျောင်း ပြုနေသူ တစ်ဦး ဖြစ်ပြီး၊ အလွန်ဆင်းရဲ ချို့တဲ့သူ ဖြစ်သည်။ ၎င်း၏ နေအိမ်တွင် လောင်းကစားနေသည်ဟု လုပ်ကြံစွပ်စွဲ၍ ဖမ်းဆီးခဲ့ခြင်း ဖြစ်ပြီး၊ ၎င်းကို ငွေကျပ် ၄ သိန်း ညှစ်ယူကာ ပြန်လည် လွှတ်ပေးခဲ့ကြောင်း ဒေသခံတစ်ဦးက RB News သို့ပြောသည်။
“ဒီနယ်ခြားစောင့်ရဲ တာဝန်ခံက န.စ.က လက်ထက်တုန်းကလည်း တစ်ခါတာဝန်ကျဖူးတယ်။ မာမတ်ရော်ရှိတ်နဲ့ ပေါင်းပြီး ရွာသားတွေ အများကြီးဆီက ငွေသိန်းရာချီ ညှစ်ခဲ့တယ်။ အခုလည်း သူတို့ အဲဒီအလုပ် ပြန်စနေတာပါ။ အဲဒါကြောင့် အခုလို အကျင့်ပျက် ၀န်ထမ်းတွေကို နိုင်ငံတော်က အရေးယူဖို့ တောင်းဆိုပါတယ်” ဟု အဆိုပါ ဒေသခံက ပြောပါသည်။
