ရသေ့တောင် ကိုးတန်ကောက်မှ ရခိုင်ရွာသားများက သက်ကြီးရွယ်အို တစ်ဦးကို လူမဆန်စွာ ရိုက်နှက်
MYARF
RB News
2.3.2017
ရသေ့တောင် ။ ။ ရခိုင်ပြည်နယ်၊ ရသေ့တောင်မြို့နယ်တွင် စိတ်ဝေဒနာရှင် သက်ကြီးရွယ်အို တစ်ဦးကို ရခိုင်ရွာသားများက လူမဆန်စွာ ရိုက်နှက်ခဲ့ကြောင်း သတင်းရရှိပါသည်။
ရွာသားများက “ဘယ်ရွာကလဲ၊ နာမည်ဘယ်လိုခေါ်လဲ၊ ဘယ်ကိုသွားမလို့လဲ” ဟု အမျိုးမျိုး မေးမြန်းကြည့်သော်လည်း မဖြေကြားကြောင်း သိရှိရသည်။
“သူ့ကိုမေးတော့လည်း ဘာမှမဖြေဘူး။ သူ့ဘာသာသူ စကားတွေ ပြောနေတယ်။ သူပြောနေတဲ့စကားက ရိုဟင်ဂျာနဲ့ ဘင်္ဂါလီရောနေတယ်။ ဒါပေမယ့် အစ္စလာမ်ဘာသာဝင် တစ်ယောက်ဖြစ်တာကတော့ သေချာတယ်” ဟု ရွာသားတစ်ဦးက RB News သို့ပြောသည်။
ချိန်ခါလီရွာသားများက ၎င်းအား ရွာထဲတွင် နေခိုင်းသော်လည်း ၎င်းက မနေဘဲ ကိုးတန်ကောက် ရခိုင်ရွာဘက်သို့ ၀င်ရောက်သွားခဲ့သည်။ ရခိုင်ရွာထဲသို့ ရောက်သည်နှင့် ရခိုင်ရွာသားများက ၎င်းကို လူမဆန်စွာ ရိုက်နှက်၍ ပင်လယ်ကမ်းစပ်၌ ပစ်ချထားခဲ့သည်။
ရိုဟင်ဂျာတံငါးသည်များက ၎င်းအား ပင်လယ်ကမ်းစပ်တွင် လဲကျနေသည်ကို တွေ့ရှိပြီး ရွာထဲသို့ ထမ်း၍ ခေါ်လာခဲ့ကြောင်း ရွာသားများက ပြောပါသည်။
အဆိုပါ သက်ကြီးရွယ်အိုမှာ မလှုပ်ရှားနိုင်တော့သည့် အပြင် စကားပြောဆိုနိုင်ခြင်း မရှိကြောင်း၊ အသက်အန္တရာယ်ပင် စိုးရိမ်ရသည့် အခြေအနေသို့ ရောက်ရှိနေကြောင်း သိရှိရသည်။
