အင်းဒင်မှ အပြစ်မဲ့ ရွာသားများကို ဓါးပြများဟု မတရားသဖြင့် စွပ်စွဲ၍ ဖမ်းဆီးထား

RB News

27.4.2017

မောင်တော ။ ။ ရခိုင်ပြည်နယ်၊ မောင်တောမြို့နယ် အင်းဒင်ကျေးရွာအုပ်စုမှ အပြစ်မဲ့ရွာသား (၇) ဦးကို ဓါးပြများဟု မတရားသဖြင့် စွပ်စွဲကာ နယ်ခြားစောင့်ရဲများနှင့် စစ်သားများက ဖမ်းဆီးပြီးနောက် နှစ်ဦးကို ပြန်လည် လွှတ်ပေးခဲ့သော်လည်း ကျန်သည့် ၅ ဦးကို ဘူးသီးတောင် အကျဉ်းထောင်သို့ ပို့ဆောင်လိုက်ကြောင်း သတင်းရရှိပါသည်။

မောင်တောမြို့နယ် တောင်ပိုင်း သ၀န်ချောင်းကျေးရွာသို့ ဧပြီလ (၁၇) ရက်နေ့ ည ၉  နာရီအချိန်တွင် အဒူလာကိမ်း ဦးဆောင်သည့် ဓါးပြအဖွဲ့ ၀င်ရောက်လာစဉ် ရွာသားများက ၀ိုင်းဝန်း၍ ဖမ်းဆီးရန် ကြိုးစားခဲ့ရာ၊ ဓါးပြအဖွဲ့က သေနတ်တစ်ချက် ပစ်ဖောက်ခဲ့သဖြင့် ယင်းရွာမှ မော်လ၀ီဟာမိတ် (အသက် ၂၈ နှစ်) ၏ ညာဘက်ခြေထောက်တွင် သေနတ်ထိမှန်၍ ဒဏ်ရာရရှိခဲ့ပြီး၊ ဓါးပြများ ထွက်ပြေးလွတ်မြောက်သွားခဲ့သည်။ 

ထို့နောက် ရသေ့တောင်မြို့နယ် ကိုးတန်ကောက်ကျေးရွာ အခြေစိုက် စစ်တပ်မှ စစ်သားများ ရောက်ရှိလာပြီး ဒဏ်ရာရရှိသွားသူကို ဆေးကုသပေးခဲ့ပြီး၊ စစ်ချက်များ ယူသွားခဲ့ကြောင်း ဒေသခံများက RB News သို့ပြောပါသည်။ ဧပြီလ (၁၈) ရက်နေ့ နံနက် ၉  နာရီအချိန်တွင် အာဏာပိုင်များက ရွာသားများကို အစည်းအဝေး ခေါ်ယူ၍ ရွာအတွင်းသို့ ဓါးပြအဖွဲ့ ၀င်ရောက်လာလျှင် ဖမ်းဆီးပေးရန် ပြောဆိုခဲ့ရာ ရွာသားများက မိမိတို့တွင် လက်နက်မရှိသည့် အတွက် အဆိုပါ အဖွဲ့ကို ဖမ်းပေးရန် ခက်ခဲနေကြောင်း၊ မိမိတို့၏ နေအိမ်များရှိ တုတ်၊ ဓါးများကို အာဏာပိုင်များက သိမ်းဆည်းသွားသဖြင့် လက်နက်ရှိသည့် ဓါးပြအဖွဲ့ကို ဖမ်းဆီးနိုင်ရန် မဖြစ်နိုင်ကြောင်း တင်ပြခဲ့သည်။ 

ယင်းနေ့ ည ၇ နာရီ အချိန်မှစ၍ နယ်ခြားစောင့်ရဲများနှင့် စစ်သားများ ပူးပေါင်း၍ အင်းဒင်ကျေးရွာအုပ်စု၊ အနောက်ရွာကို ၀န်းရံခဲ့ရာ နံနက် ၃ နာရီအချိန်တွင် ဆီဗုံးခွံများဖြင့် ချောင်းအတွင်း ငါးဖမ်းရန်သွားနေသူ ရွာသား (၇) ဦးကို နယ်ခြားစောင့်ရဲများနှင့် စစ်သားများက ဖမ်းဆီး၍ ကင်းစခန်းသို့ ခေါ်ဆောင်သွားပြီး ချုပ်နှောင် ထားခဲ့သည်။ ဧပြီလ (၂၀) ရက်နေ့တွင် နိုင်ငံတော်အတိုင်ပင်ခံ သတင်းထုတ်ပြန်ရေးကော်မတီက ဖမ်းဆီးခံရသည့် အပြစ်မဲ့ရွာသားများကို ဓါးပြအဖွဲ့နှင့် ဆက်နွယ်၍ ဖမ်းဆီးခဲ့သည်ဟု သတင်းထုတ်ပြန်ခဲ့သည်။ 

အဆိုပါ ရွာသားများသည် တံငါးသည်များဖြစ်ကာ ရွာတွင် အေးချမ်းစွာ နေထိုင်သူများ ဖြစ်ကြောင်း၊ ရိုးသား၍ တံငါးသည်ဘ၀ဖြင့် အသက်မွေးဝမ်းကျောင်း ပြုနေသူများ ဖြစ်ကြောင်း၊ ဒေသခံရွာသူရွာသားများက တစ်ညီတစ်ညွတ်တည်း ပြောဆိုနေကြသည်။ 

“ဒါက အတိုင်ပင်ခံရုံးကို အောက်ခြေ လုံခြုံရေးတပ်ဖွဲ့ဝင်တွေက ဗြောင်လိမ်နေတာပါ။ တကယ်တမ်းမှာ ဓါးပြအဖွဲ့နဲ့ နယ်ခြားစောင့်ရဲတွေက တစ်ပေါင်းတည်းပါ။ ဓါးပြအဖွဲ့ကို မဖမ်းဘဲ အပြစ်မဲ့ရွာသားတွေကို ဓါးပြတွေ အဖြစ် အဖမ်းပြလိုက်ခြင်း ဖြစ်ပါတယ်။ အဒူလာကိမ်းက မောင်တောတောင်ပိုင်းမှာ သောင်းကျန်းနေတာ နှစ်နဲ့ချီနေပြီ။ သူ့ကို ဘယ်ရဲမှ မဖမ်းကြဘူး။ နယ်ခြားစောင့်ရဲတွေက ဝေစုရနေလို့ အခုလို လွှတ်ပေးထားတယ်ဆိုတာ သိသာတယ်။ အခု ဖမ်းထားတဲ့ အပြစ်မဲ့ရွာသားတွေကို အမြန်ဆုံး လွှတ်ပေးဖို့ တောင်းဆိုပါတယ်” ဟု မောင်တော အခြေစိုက် လူ့အခွင့်အရေး လှုပ်ရှားသူတစ်ဦးက ပြောပါသည်။

ဖမ်းဆီးခံထားရသည့် အပြစ်မဲ့ရွာသား (၇) ဦးမှာ --

(၁) ခိုက်ရိုဆလာမ် (ဘ) ဦးအေရှာဒူလ္လာ (အသက် ၂၀ နှစ်)

(၂) နူရူလာမီးန် (ဘ) ဦးနူရူဆလာမ် (အသက် ၂၆ နှစ်)

(၃) ဦးရော်ဘီ (ဘ) ဦးအာနို (အသက် ၃၇ နှစ်)

(၄) ဦးမာမတ်အီဆုဖ် (ဘ) ဦးအဒူဆလာမ် (အသက် ၄၅ နှစ်)

(၅) ရော်ဖီခ်အူလ္လာ (အသက် ၂၃ နှစ်)

(၆) ဆီရာဇူ (အသက် ၂၅ နှစ်)

(၇) နူရူဆလာမ် (ဘ) ဦးမာမတ်အော်လီ (အသက် ၂၄ နှစ်) တို့ဖြစ်ကြသည်။

ဖမ်းဆီးခံရထားသူ (၇) ဦးမှ ဘင်္ဘောကွေ့ရွာသား ခိုက်ရိုဆလာမ်နှင့် ကျောက်ပန္ဒူရွာသား နူရူလာမီးန် တို့နှစ်ဦးကို ဧပြီလ (၂၄) ရက်နေ့ ညနေ (၄) နာရီအချိန်တွင် ပြန်လည် လွှတ်ပေးခဲ့သော်လည်း အင်းဒင်ရွာသား (၅) ဦးကို ဘူးသီးတောင် အကျဉ်းထောင်သို့ ပို့ဆောင်လိုက်ကြောင်း စုံစမ်းသိရှိရပါသည်။